[Advertisements⬇️]

MALIKA MALIK CHAPTER 16 BY JANAFTY - Bankinhausanovels
Sat. Oct 1st, 2022

[Advertisements⬇️]

[Continue Reading⬇️]

MALIKA MALIK CHAPTER 16 BY JANAFTY

Www.bankinhausanovels.com.ng 

Hajiya Binta tayi matukar Murna da ganinsu sosai haka ta Shiga Dawainiya dasu Ayda ko Ram ta goyeta bisa bayanta tana jijjigata saboda yau tatashi da Rigima ne.

Koda suka iso katsina Malika ta nemi Saleem awaya ammh bai Daga kiranta ba,sai tamai Uzuri ko yana Wani Abu ne,ammh Abunda ya bata mamaki har Washegari bata ga kiransa ba,kuma harda zasu Wuce malumfashi da Hajiya ,ta kirashi taji yayi hanging din kiranta A Number Busy kuma daya gama bai kirata ba,Abun sai ya bata mata rai Taga toh metamai Ammh ya Dau Wannan Fushin da ita,Tunda ga lokacin itama Tayi alqawarin Fita batunshi.

    Duka gidan suka Tafi,sai aka bar Dose da Wata yar aiki da Hajiya ta Dauka sai sauran ma’aikatan Haraban gidan da megadi,Koda suka isa malumfashi a family House din Su Daddy Su ka yada zango wanda dama Tun Daddy na Raye ya gyarashi Sosai Adakin Hajiya Innaro suke sauka in sukazo wanda Shima yake gyare tsaf Duk da Wacce ta Haifi Hajiya Binta tana nan da Ranta acikin gidan.

Malika bata Tafi gidan Baffan Joda ba sai da yamma Direba ya karisa da ita,koda tajema joda batanan tana makotansu inda ake mata Dilka da Halawa,sai da taje chan suka hadu,nan Suka Rumgume juna suna murna ganin juna cike da doki kafin su Zauna suna bayan sun gama gaisawa da Sauran yanmtan Wasu suna ta kallonta cike da mamakin anya wanna ce malika malik din da Suka sani..? Lalle Rayuwa juyi juyi na gaba yakoma baya Inda ada ne ko da kudi suka saka baza suga malika ido da ido ba balle har Su ganta akusa dasu haka.

Malika nan ta tare Wajen Joda suna cigaba da Shiryen Shiryen,Ayda kuma tana Wajen Hajiya ita da Merry,sai inda ta Fara Rigima ne zata kawota ta bata nono Tunda babu Nisa da Family House din Su Daddy,An tsara komai cikin Tsari sai wanda ya gani bangaren ango ma ba karya domin Duka iyayan nasa sun baza Kudi sosai bayan Tarin gayyatan dasukayi Hardashi Marwan ya gayyaci abokan aikinsa Sosai.

Saleema ma ta iso ana gobe Daurin Aure tazo ta tarar da gida cike da yan’uwa anata harkan arziki da Murnan Auren ya marwan,sai dare ne ta tambayan Ummi ashe Auren Zahra da Ya Saleem ya kare..? Nan Ummi ke Warwaremata Abunda ya Faru Tabe baki Saleema tayi tana Shaidama Ummi Nadira ce ke Sanar da ita Abunda Ke Faruwa tace Zahra ta zama Abun Tsausayi kuma tayi Nadama,Jinjina kai Ummi tayi kafin tace’Ko tayi Nadama bashi da amfani Saleema,dama ko addini ba’a son irin wannan Nadamar Saboda kana yinta ne,sanda Ruwa ya karema Dan gada,Kinga ko,ko kayita bata da Wani amfani agareka,shiyasa Amfison ka Tuba Tun kana da Sauran Damarka yanzu kuma babu Abunda mukayi iya Don Aure ya kare atsakaninsu..”Gyada kai Saleema tayi kafin tace”Wlh hakane Ummi,Allah ka tsarkakemana Zuciyarmu da imani..”Ummi ta amsa da”Ameen Ameen Saleema.

Sai da yamma chan Sai ga Sadiq ya iso bai dade da isowa ba Sai ga Uban gayyan ya iso cikin motarsa 4 matic ya kara kiba da Fari kamar bashi ba,daka ganshi zaka Fahimci ya samu kwanciya hankali da Natsuwar Zuciya,shiko ya marwan sai chan dare ya dawo yana chan Tare da Wasu abokansa wadanda ya Saukesu a hotel,sai kalilan ne ya Saukesu agida suna tare dasu Saleem da Sadiq suna hira kamar ansan juna,Duk da Shi Saleem bamai yawan mgana bane,kuma yawancin abokan ya marwan din ba baki bane agaresa so Duk yasansu sosai.

***************

Karfe 2:30 na Ranar Asabar Aka Daura Auren *MARWAN KABIR KUMO* Da amaryansa *JODA MUHAMUD MALUMFASHI* Wanda aka Daura shi kan Sadaki Dubu dari biyu lakadan ba ajalan ba,Daurin Auren daya samu Hallartan manyan baki daga kowani bangare kama daga barayin shi kanshi Uban gayyah,sai Saleem danashi Harta Sadiq Ba’a barshi abaya ba Uwa uba kuma Abbi da nashi Tawangan ga tawangan Sauran Daurin Aure guda uku Wanda suma ta kowani bangare sun Hallarcin Wannan Daurin Auren daya Tara Dimbim Jama’a.

Maman Abba ta cika alqawari ta biyo Baban Abba sunzo Tare Wanda Sai dai Malika ta ganta kwatsam haka Suka Rumgume Juna Suna murnan ganin Juna,haka amarya Joda Wacce aka tsarama kwalliya ta Nuna tsara tana Sanye da Wani leshi mai kalan Blue black da Ratsin kwalliyar pick,sai mayafinta ma pick da jakarta da takalmin kafanta,sosai taji dadin Zuwan maman Abba,haka ta Rumgumeta tana mata maraba da Zuwa,Ita kuma Tana mata Tsiyan Amarya tasha kamshi .

  

Ana gama Daura Aure da Awa daya bayan sungama sallaman bakin da zasu Tafi sai kuma suka koma Shirin komawa Abuja da amarya,wacce aka Dauketa daga nan gidan data ke party Zuwa Family House din Su Daddy Inda Hajiya ke taronta ita da Danginta domin suyi Bankwana,lokacin ita kuma Malika suna Tare da Maman Abba ta rakota kofar gida Baban Abba yace ta Fito su Wuce,shine ta roki alfarman ya dan mata lamani taje tama Hajiya Allah Sanya Alheri Tunda babu Nisa,dakyar ya yarda Ammh da Sharadin bazata Dade ba.

Malika na Sanye da Leshi ne mai maroun colour wanda keda kwalliyan Ja ajikinsa,Riga da Sikat wanda ya Fito da ita Sosai itama an mata kwalliyan Duk da ba cika mata akayi ba,ammh kam kallo daya zaka mata ka fahimci dama chan tana da Sirrin kyanta,mayafin data yane kanta Dashi Ja ne,mai wasu Ratsin Duwatsu masu daukan ido,hakama takalmin kafanta baki ne mai daurin igoyoyin ja ajikinsa kunsa mutuniyar akwai son Takalma masu Tsini da Tudu.

Ayda ce ahannunta Wacce itama taji adonta cikin Riga da wando,Rigar Pick ce,wando ko na Jeans ne baki sai wani takalminta mai kyau da Tsari pick colour kanta ko yasha kitso wanda aka sanya band din kanana aka kama mata Daki daki,Sun Fito da Maman Abba zasu koma Family House din su Hajiya,duk akwai maza sosai akofar gidan da kuma Tarin hadaddun motoci,.

  Saleem ko da suke jingine jikin motarshi Shida Sadiq da wani abokin ya marwan mai Suna Hamza,sai Baban Abba,dukkansu sunci Dayan Shaddodi Farare dinki Muhammed ne wanda ya dace dasu Samarin zamani,Lokacin da su malika Suka Fito hankalinsa na bisa waya bai gansu ba,Sai da Sadiq ya tabosa kana ya Dago ya Sauke ganinshi kan malika tana tafe sabe da Ayda suna hira da Maman Abba tana sakin mata kayatattacen mirmishin din,Wani yam Saleem yaji lokaci daya yaji Ranshi ya baci ballema Daya ga da Sadiq din har dabHamza sun kura  mata ido,yana ji Sadiq na gayama Hamza mai jan gyalen nan matar Acp ne.

Tuni Ran maza ya baci,idanuwansa har sun kada saboda kishi wayarsa ya Cigaba da dannawa kamar babu Abunda ya Dameshi Sako ya Turama malika kamar haka  _Ki tsaya a inda kike ganin zuwa,ban Amince ki kara ko taku daya ba._  Tana jin Shigowar sako Dama wayar na hannunta tana Danna Sreen din Sunanshi yana Wayo ta saman Wayanta Dauke da Sunan data Sanya mai * ABBU AYDA* Mirmiahi tayi kafin ta Shiga sakon da ya Rubuta ne ya Daure mata kai ta Dakata da Tafiya tana waige waige ganin Haka yasa maman Abba tsayawa tana Fadin”Matar Acp lafiya kuwa…? Kowani kike nema..? 

Miyau ta Hadiye kafin tace”Kinga mallam ne yamin Sako yanzu yace na jirashi gashinan Zuwa,kuma inata waigo banga ta inda zai bullo ba..”Tafada tana Raba ido,mirmishi Maman Abba tayi kafin tace”Baki lura dashi ba gashi ta bayanmu yana Tahowa aie…”Da hanzari Malika ta juya sai ko ta hango Saleem yana takowa wajensu cikin takunsa na isa yadda taga yanayin Fuskarshine Sai da Firgita,cikin jin kai ya kariso garesu maman Abba na gaisheshi ya amsa cikin sakin Fuska kafin ta danyi gaba,Malika ta kalleshi taga ya Hade rai duk sai ta Daburce cikin sanyinta tace”Mallam ina yini..”

Bai amsa ba ya mika hannu yana Fadin”Bani ita Kirjin biki…”Yafada kai tsaye yana kallonta batayi gardama ba Tamikamai Ayda ya karbeta itako tana ta wangalemai baki dama Tunkafin ya karbeta bai kalli malika ba ya Juya yana Fadin”ki koma ciki malama ban amince kije ko’ina ba,yanzu zamu Wuce Abuja in kuma baki gama bikin bane,in ngama ganin Ayda zan aiko miki da ita ciki..”Daga haka ya juya ya Fara Tafiya,Kunya da Haushi suka kama Malika tayi jagale tana kallon Bayan Saleem kafin ta saki ajiyar Zuciya ta karisa kusa da maman Abba tana Sanar da ita Yadda suka yi da Saleem,dariya tayi mata tana Fadin”Kishi ne ya taso karki damu bari naje kila in yagama dama ya biya dani ko Sharp sharp ne mu gaisa..”Jin haka yasa sukayi sallama dama Tun aciki malika ta bata kayan biki musabaha sukayi kafin su Rabu malika takoma cikin gida itakuma maman Abba ta Nufi Baban Abba wanda har ya Shiga mota Shida Abba ita kawai suke jira.

Malika ko data Shiga cikin Abun sai yaki barin Ranta sai da tayi kuka aboye,Kafin ta dauro alwala bayan ta Wanke Fuskarta tana cikin sallah ne kawayen amarya suKa Dinga zuwa daukansu suna Fadin gashi chan za”a tafi bata damu ba,don ko da ta idar sallar bata Fita zaman ta tayi tana mamakin mallam,shifa yake koyar da ita hakuri ammh yau gashi laifi kadan ya Riketa dashi yakasa yimata Afuwa.

Tanan zaune sai ga kiranshi kamar bazata Dauka ba sai dai ta daga kiran cikin Gadara yace”Kina ina..? Ranta acunkushe tace”Ina cikin gida..”Kifito ki karbi Ayda mu zamu Wuce ne..”Daga haka ya yanke kiran,Wayar tabi da kallo kafin tatashi ta Tafi,Abunda ya kara mata mamaki mikomata Ayda Yayi ya juya zai Shiga mota sai itacene tace”Mallam ni wata mota zan Shiga..? A karkarce ya kalleta kafin yace”Zuwa ina..? Kwallar har sun Fara cikamata ido tana kallonshi tace”Zuwa Abuja..”Tana Fada cikin Sanyinta,Ganin yadda tayi ne yasa ya sauke ajiyar Zuciya yana kallonta akarkace kafin yace”Au yau zaki koma kenan..? Ni zatona sai kin sake Wani satin kinga ko sallaman Jama’a kya taya Hajiya..”Jin Abunda yace ne yasa taji Zuciyarta ta tsinke batamai mgana ba ta juya,ganin haka yasa ya Sha gabanta yana Fadin”Ki Shiryo kayanki mutafi don Tun dazu su ya marwan da tawagar amarya Suka mika..”

Bata kalleshi ba ta mikamai Ayda ita kuma takoma cikin ta dauko karamar jakarta bayan tama matar gidan Sallama Tunda anan suka zauna Tsawon kwana uku,Koda ta Fito Shida Sadiq ta gani yanzu,ba don Sauran kayanta na gidan Su Daddy ba,da Saleem baida niyyar biyawa,Allah dai ya Dorata akanta ta Biyama tama Hajiya sallama suka kwashi kayansu ita da merry,shi kuma ya bude musu booth suka saka kafin su Fada mota su dau hanyar Abuja.

Ko amotar kanzil bai cemata ba,itama bata tankashi ba,shida Sadiq suke ta hiransu sai wani lokacin ne Sadiq ke sakota ciki  itako sai da ta murmusa,shiko Saleem da Sadiq ya sako malika zai dauke baki ya hade rai,Tun Sadiq bai Fahimta Ba har yagane ma’auranta sun Samu mtsala,baiyi mgana ba kawai yayi musu Fatan Allah Daidaitasu domin yasan koyayima Saleem mgana ba Kulashi zai yi ba.

********************

   Su ya marwan sun isa ba Dadewa sai ga su malika,Ummi ta Rumgumeta tana murna Abun mamaki Saleema tazo tana gaishe da malika ta kuma yi Saurin karban Ayda tana mata Wasa,sai ga Saleema ta dauki akwatunan Malika tace dakinta zata sauka,Ummi na mata tsiyan yau kuma Anty malika akayi Uwar daki da ita,tace eh yau Ummi ba bakuwar ki bace tawace.

Dakinta ta kaita ta Hadamata Ruwan wanka da kanta Ta Shiga tayi kafin tazo ta rama sallar mangariban data samesu ahanya,tana zaune kan Dardumar aka kira Issha’i ta mike ta gabatar kafin ta Fice Zuwa Shashen baki inda aka Sauke su Joda,ko da joda da kawayenta da yan’uwanta suka ganta sai suka Fara mamakin wace mota ta Shiga joda ce ke dariya tana Fadin”Lalle masu abu da abunsu mallam ne ya taso Abunshi..”Dariya malika tayi tana ma Jodan dakuwa,ta iskesu ankawo musu abinci kala kala da Abunsa suna yaba kirkin Dangin Marwan da mahaifiyarshi,Dariya kawai malika tayi tana kara gayamusu haka suke kowa nasu ne musamman Ummi da Abbi.

.

Batabaro dakin ba sai wajen goma na Dare Saboda ta karajin barci ga gajiyan zirga zirgan biki inda Allah ya taimaketa ma Ayda na Wajen Saleema kilama tayi barci,Falon babu kowa sa yan kumo suna hira,gaishesu tayi suka amsa cikin sakin Fuska suna tambayan Ayda tace tana Wajen saleema,daki ta Wuce koda ta Shiga ba kowa Saleema bata ciki,kila tana sama wajen Ummi,yadda barci yaci idonta ne yasa bata tsaya komai ba Ta kwanta tana jan blanket ta Rufe kafafunta dashi,cikinta kuma acike yake shiyasa bata nemi abinci,ba ko minti goma batayi barci ya kwasheta Saboda gajiya ko addu’an barci batayi ba.

Saleema ko tana Falon Abba,suna hira dukkansu iyalan wadanda sukan Dade basu hadu ba,ya marwan da ya saleem da ummi da Abbi da Sadiq sai Wajen 12 kana suka sauko bayan Ummi ta koresu tace zasu kwanta suma barci suke,Koda Saleema ta Shigo dakin dauke da Ayda Wacce itama ta dade dayin barci ahannun Abbi,ganin Malika na barci sai bata tasheta ba,ta kwantar da Ayda gefe itama ta Shirya cikin kayan barcinta kafin ta hayo gadon bayan Ta Rufe musu kofa kuma ta rage Wutan Dakin Kusa da Ayda ta kwanta tana kamkameta kamar wani zai Rabasu,dama ko banza Saleema irin Abbi suna da Son yara kanana.

[Advertisements⬇️]

[Continue Reading⬇️]

………………Malika Saboda gajiya dakyar ta iya tashi sallar asuba koda ta idar idonta na Rufewa ta koma bisa gado,wani barci mai Nauyi ya sake Daukanta bata tashi ba sai pass 10 lokacin data tashi har Saleema tama Ayda wanka ta goyata,baki ma Tuni sun yi wanka sun karya Wasunsu Duk Sunyi Shirin Tafiya expecillay kawayen Joda da suke Zaria da kaduna Wadanda sukayi mkranta tare.

Yan kumo ma koda tatashi Tuni motarsu ta mika,lalle tasha barci itama wankan tayi ta Shirya cikin Wata Atamfa blue mai kwalliyan pourple ajikinta,Ta daura dankwalinta irin Daurin Zahra buhara,Sai da ta karya kana ta Saka babban Mayafinta ta yane kanta dashi kafin ta Fita tana gaishe da Ummi da Ya marwan Data ga suna mgana,Saleem na Wajen Shida Sadiq gaishesu Tayi Sadiq ne kadai ne ya amsa cikin sakin Fuska,shiko Mallam Fuskarsa ba Annuri ya amsa mata da lafiya lau,daganan ya Dauke kai Duk da yana Satan kallonta ta Gefen ido domin ba karya ta mai kyau sosai a ido kamar yatashi yaje ya Rumgumeta ya fadamata irin missing dinta dayayi ammh bazai iya ba,Tunda ita datayi laifi ta gagara bashi hakuri shiko bazai bata, sai sun koma gida suciga ba daga inda suka Tsaya.

   Daganan Shashen Da’a Sauki su Joda Ta nufa taje suka gaiggaisa chan tama tarar da Saleema,sai lokacin taga Ayda wacce ke barcinta lum abayan Saleema,ko da tashiga Duk suna ta haraman Tafiya ne,nan sukace tama ya marwan mgana Kawayen Amarya zasu Wuce,awayar Joda ta kirashi ta Sanarshi yace Su Fito koda suka Fito sukama Ummi sallama ta basu 20k tace su raba kafin Marwan yasa Direba ya kwashesu Zuwa tasha su hau mota su hudu Ne Shima 20k din ya basu yace Suyi na mota suka karba suna Godiya

    Koda Azahar tayi gabadaya yan kawo amarya sungama Shirinsu suka taso keyar Amarya Joda Zuwa Falon Ummi suka Damka amanarta gareta tare da yan Nasihu sai manya Robobi guda biyar,Daya na cincin,daya na Dubulan,daya na Alkaki,daya na hikima,daya na Nakiya,sai Buhun shinkafa Biyu dana Tuwo daya sai kwalaye suma Sunfi Ashirin gasunan burjit,ba laifi dangin Uban Joda sun mata kayan gara Sosai kusan katsinawan Dikko akwai kaya da Babban Harka.😂

Ummi tayi ta Fadan meyasa suka Wahalar da kansu,sukuma sukace ai bakomai an zama daya basu zauna ba Suka bar Joda nan suma Direba ya kwashesu Shi zai maidasu Malumfashi,bayan Ummi ta cikasu da kudi da Turaman zannuwa aka Rabu cikin Mutumci da karammawa.

Sai Da daddare kana Abbi ya tarasu gabadayansu yayi musu Nasiha da Fada mai Ratsa jiki,wanda kowa Nasihan Abbi ya Shigeshi musamman Wajen da Abbi ke Nusar dasu hakuri da Mazajensu da kuma girmama Aure wanda Abu ne mai matukar amfani kana ya horesu da yaki da Shedan azamantakewarsu komai ya Shiga tsakaninsu na bacin rai kada su kullaci Juna Su tsaya su Saurari uzurin Junnsu su kuma ba junansu Hakuri wanda indai Sukayi haka Har Abada bamai jin kansu,kana daga karshe ya Horesu da su zama Tsintsiya daya madaurinta daya Domin Dukkansu yanzu sun zama Ahali Guda Daya,koda akabama Ummi damar mgana bata ce komai ba Domin tace Abbi ya gama mgana Albarka tayi ta saka musu,Hajiya ma ta tofa albarkacin bakinta daga karshe ta karke musu da Tsiya da mutunin nata Saleem,wanda yake Wani cin mgani,kamar wanda akama Dole.

   Tare Sukayi Dinner dukkansu Harda amarya da ango wanda ya zaku abashi dama ya kebe da amaryansa,Aiko suna gama cin abincin Abbi da Ummi suka Haura sama,shima yaja matarsa suka Fada dakinsa suka yi lum dasu,Sadiq ko afalo suka yada zango Shida Saleema Suna Hira,Saleem ko Dakinsa ya Shigo yana Dauke da Ayda ganin haka yasa Malika komawa dakin Saleema ta kwanta tana Tunanin mafita,Aranta taji komai ya sauka Duk Fushinta itama ta Saukeshi Takuma kudiri niyyar bama mallam Hakuri da Zarar sun koma gida 

  Barci yafara kwasanta taji Bude kofa da  Shigor mutum kamshin Turarensa kadai ya tabbatarmata da Shine,sai ta kara lafewa jikin katifa kamar mai barci gabanta yazo ya Tsaya yana Dauke da Ayda Wacce take ta Sharar barcinta cikin Aminci,Dukawa yayi ya Kwantar da ita gefen Malika yana yafa mata blanket din da malika ta Rufe rabin jikinta dashi… 

Hannayensa Duka ya Tura acikin aljihun Wandon barcinsa na pjm,Yana kallon Fuskar malika cike da so da kauna Hade da Wata kewa,Rankwafa yayi yana kallon karamin bakinta da kirjinta wanda ya kara cika,Kamar zai kai hannu ya Shafa mata Fuska sai kuma ya Fasa,yana tsuramata ido saboda yaga kamar tana motsi kenan ba barci take ba,Asirinta ne ya Tonu da mirmishi ya Subucemata bata Shirya ba,Agaggauce ya dago yana Kara Tamke Fuska yayi Saurin Juyawa zai Tafi ta damko hannushi da Hanzari,bai waigo ba yace cikin muryan Dakewa

“Meye haka kuma..? plz leave my Hand..”Yafada yana jin Wani iri kawai yadda ta kamkame hannun nashi,Jin Haka yasa sai ta kara narkewa cike da Shagwaba take Fadin”Haba mallam..,Ni..Ni ko nice fa Yar Amanarka kadaina sona ne yanzu..? Muryanta ta narkar dashi ya dago yana kallonta yadda take wani lumshe ido Baki ya tabe kafin yace”Keba Amanata bace,don da kin dauki kanki ahaka da bazan hanaki Abu ba,ki mtsama sai da kikayi,Mganar ko na Daina Sonki ne Eh na daina Sonki ko da mgana ne..”Yafada yana Tara gashin Giransa waje Daya.

Mirmishi ta sakarmai tana kokarin mikewa kenan Sai ga Saleema ta Shigo,ganin hannunsu sarke cikin na juna yasa ta koma da baya tana Fadin”Oh!Srry…”Tafada tana kunshe dariyanta ganin yadda ya Saleem yake maka mata Harara,Ganin haka yasa malika ta sakeshi tana kallonshi bai kara bi ta kanta ba ya Fice daga dakin Duka hannuwansa suna cikin Aljihun wandon barcinsa kamar wani basarake.

   Girgiza kai tayi ta mike daga Kan gadon Tiolet ta Shiga ta Dauro alwala tazo ta yi Shafa’i da Wuturi kafin tayi Shirin barci ta kwanta tana Tunanin mallam dinta wanda tayi Kudiri Niyyar sai sun koma Zamfara zata Shiga Fagen lallashi Ta lura bazai sauko da Wuri ba,har tayi barci Saleema bata Shigo ba itako Saleema dakin Hajiya taje tayi kwanciyarta Azatonta ya Saleem zai kwana wajen Malika ne,Tunda ya Sadiq na dakinshi.

*********

Washegari Tun 7 Saleem yakai Sadiq airport inda ya Shiga jirgi yakoma wajen aikinsa,itama Saleema koda karfe 9 tayi ita da Direba sunyi nisa ahanyar komawa kano,dama Weekend ne tazo,suna da aiki sosai a asibiti ,Shima Saleem wajen 12 din Rana ya Fito cikin Shirn sa na Tafiya yacema Ummi zai Wuce da Ummi tamai mganar ba tare zasu Tafi da malika ba,sai ya tamke Fuska yace gobe Direba yazo da ita,shi yanzu sai ya bi Wani waje ba zamfara zashi kai Tsaye ba,kanzil Ummi batace mai ammh Tana Lura da Saleem da malika wannan Zuwan ba wata jituwa atsakaninsu,bata yi Shisshigi ba balle tazo taji kunya Fatan isa lafiya tamai Domin tasan ko tace ya tsaya Su Tafi tare da Malika sai ya bata mata rai Don Shigen Taurin kai gareshi.

Malika bata da masaniya sai dai Fitowa tayi ta iske Saleem ya Tafi,tana duba wayarta kuma taga ya Turo mata sakon  _Ummi tace mu Taho tare nayi mata karyan Ba Zamfara zani Direct ba,Ban yi ra’ayin Taho dake bane,so wanda ya kawoki sai kimai mgana ya maidoki.._  Sakon nashima Dariya ya bata sai Da ta kyakyata ita kadai tana kaunar Halin Mallam Shifa akomai na  *MALIKA MALIK..”!*  _Sai na rama ne_  Bata damu ba illa itama ta Hau Shirin tahowa don batason daga gobe takara kwana kada ta kara wani laifin.

Joda ko da ya marwan basu Fito ba sai bayan Azahar Amare kenan Akwana a Hantse inji Hajiya Babba,Dukkansu sai Shekin amarci suke suna walwali kamar Zara da Wata,daga gani Ya marwan baiyi Wasa ba,don Joda idonta ya tona mata asiri saboda yadda ya kode saboda kuka,koda suka kebe da malika adakin Saleema kuka ta sakama ta Ita kuma tana mata Dariya,aranta tana Fadin!Uhmm joda aike bakiji komai Tunda har kika iya Tafiya da kanki,nice Wacce tafi kowa jin maza Tunda harda su Dinki da jinyar Sati biyu,ammh afili sai ta Shiga lallashinta da bata wasu Shawarwari Wadanda zasu amafeta,tare suka Wuni Ranar hatta Dinner ma tare suka taya Ummi Shiryaawa sunayi suna Hiransu Cike da Kaunar juna da Soyayyar,wanda kaunar Ummi ya cika ransu ayayinda itama kaunar Surukan nata ya ki Boyewa acikin Ranta tayi ta godiya ga Allah daya Hada Zaratan ya’yanta da mataye na gari tare da Fatan zaman lafiya a tsakaninsu har Abada…

************

Malika Tun Safe tagama Shirinta ita da Ayda da Merry,Direba ya kwashesu sai Zamfara,sukansu su Ummi da Abbi Sunji kewar Tafiyar malika mussaman ma Ayda Wacce ta Shiga Ran kowa.

  

Da Wuri suka isa Wajen Azahar Direba Ruwa kawai yasha ya juya ita kuma suka zage suka gyara gidan Abunda ya bata mamaki wlh Saleem bai taba abinci datamai ba,harda miyan data hadamai,dama ya Fada,ta zata Wasa ne ashe da gaske yake miyar dai batai komai ba,da soyayyen Nama,wanda saboda ya Soyu sosai,sai ta zubar da Shinkafa kawai ta gyara kicin din kafin ta Dora girki Duk da Uban gayyah baison da Dawowarta ba,so take yau ta wanke laifinta kaf.

   Sai Bayan la”asar ta Dora girkin Megadi tabama kudi yayi mata cefanan miyar ganye Ta yimai Tuwon Semo,don ta san mutumin nata yana Son Tuwo kowani iri ne yana Son Shi da miyar ganye,bata gama ba sai gabda mangariba,lokacin ta Mulmulashi a leda ta zubasu cikin kololinta masu kyau da tsari,Ta gyara kichen din kafin ta Fito tA karbi Ayda ita kuma saka merry tace takara gyara mata Falon ta sakamata Socket din Turaren Wuta.

Wanka ta Shiga tayi ,tayima Ayda suka chakare,bayan tayi sallar Mangariba,Wani material less dinta ta saka Doguwar riga wacce ta Fito da Tsarinta tsab dayake Rigar Ashape ce,ta ci daurinta wanda ya zubomata da gashinta bayan ta saka band ta matseshi ta baya,Ayda taci wata Doguwar rigar bulawus mai bulewa itama harda Jan baki Malika ta saka mata domin Taran Abbanta…

  Bayan issha’i motar Saleem ta sawo kai gidan Bayan ya Zuba hon megadi ya wangalemai get ya Sulala ciki,Malika na jin tsayuwar motarshi yasa ta Fada daki da Sauri ta Fara mata kanta Feshin Turare,sai da tabbata da kowani lungu Ya samu mazaunin kamshi kafin ta Fito Falo tana takun isa,Shiko Tunda ya doso kofar Shigowa Falon,yaji wani kamshi ya dakeshi Lumshe ido yayi yana Shafa kanshi afili ya Furta”Lalle na yarda mata ne Ni’imar cikin gida..”Yake Fada yana Mirmishi Shi kadai kafin ya saka kanshi cikin Falon da sallama hannunsa na kada key din motarsa sai wayarsa dake Rike A hannunsa.

   Da Malika ya ci karo Wacce take kasheshi da murmishinta Tundaga Nesa,wani sanyi ya ratsashi tsaye yayi yana kallonta ita kuma tana wani Taku Zuwa gareshi kamar Wata Wahainiya tana Zuwa ta Fada jikinsa daga ita har Ayda tana wani Narkemai ganin Sunyi baya ne kamar zasu Fada yasaka Duka hannunsa ya tarbesu dashi ya Rumgumesu tsam ya matsesu yana sakin Wasu tawagayen ajiyar Zuciya,Ayda ko tana ta taba Sajensa tana gwarancinsu na yara,tana wangale baki bata gane iyayen nata Sun Shiga wani yanayi ba..”

Kiss ta sakarmai awuya tana Fadin”Nayi kewar malamin mijina..”Tafada tana,Kara lafemai kamar wata mage,Ajiyar Zuciya ya saki kafin yace”Nima nayi kewar marajin matata Sosai,Malika kece Farincikina..”Yafada yana Sumbatar Tsakiyar kanta,Shuru tayi kafin tace”Baka na Fushi dani ba,kai akomai na Malika sai ka rama ko..? Yar Dariya yayi kafin ya Rabata da jikinsa yana kara Rike Ayda yace”Ashe kingane,Ammh Kadan nake Ramawa saboda in na Rama da yawa yana Zurmawa dani..”Yafada yana Dagamata gira,Hannunsa ta riko tana Dariya tana Fadin”Tuba malika take,Mallam yayi mata Afuwa bazata kara nuna damuwa ko Bacin rai game da Hukuncin ka ba..”

Suna tafiya Zuwa hanyar dakinsa yace”Gud matar Aljannah,Allah miki albarka ammh na dade da Hucewa kawai Ramawa nima nakeyi..”Yafada suna Shiga dakinsa kan gado ya kwantar da Ayda kafin ya kamo Malika ya Rumgemu yana Faman Shinshinar Wuyanta,hannayensa kuma yana karakaina ajikinta,itama matseshi tayi tana Sauke ajiyar Zuciya kafin ya lalubi bakinta yana bata wani irin kiss mai tsaya a zuciyar wanda aka yimawa.

   Da malika taga Saleem ya Rikice mata,Dakyar ta yakice jikinta ta Dauki Ayda ta mikama Merry ta dawo Mallam ya Dasa sabon karatunsa,domin yayi kewar Dalibarsa tasa sosai,Susuce mata yayi yana zayyanamata yadda yayi kewarta itama zagewa tayi tana mai salo salo mai Tafiya da Zuciyar masoyi,sai da suka dawo natsuwarsu kafin ya Kwasheta Zuwa Tiolet ko awajen wankam ma Rabi da rabi Duk Romance ne da tsotse tsotse,Shikanshi wanka dakyar sukayi bayan kowanne yayi wankan Tsarki,Suka Fito suka Shafama juna mai cike da Soyayyah ko abinci ma Ranar cikin Bedroom ta kawomai nan suka ci,tana kan cinyarsa tana cinyar dashi,shima yana cinyar da ita cike da Soyayyah da kauna,Ranar dai an gantale suka kare😂😂,don kololin kadai ta tattara Zuwa kichen,kafin ta Dawo suka Cigaba daga inda suka tsaya Ranar dai Ko Ayda Wajen merry ta kwana Tunda taga iyayen nata Tunda suka Shige daki ko lekowa basuyi ba,Shiyasa itama tayima Ayda Shirin barci suka kwanta.

Ko Washegari basu Fito da Wuri Ba,sai da Merry ta buga musu kofa Ayda na Rigima kana malika tazo ta amsheta,Ranar Saleem ko aiki baije ba yana Nanike da Matarsa da yarsa Abun Alfaharinsa wanda ko Kuda bayaso ya tabasu saboda yadda yake Kafa kafa dasu,itama malika haka take,Duk Abunda tasan Saleem bayaso tana Gudunshi,shiyasa yanzu karatun nasu ya Dau Nisa,don Malamin nata ya Rike mata wuta,Rabi karatu ne Rabi kuma Karatun Samun lada ne,Wanda dukkansu yanzu sun zama cimgam din juna ko gajiya basuyi,kowanne baya gajiya da Rabar jikin Dan’uwanshi.

 

[Advertisements⬇️]

[Continue Reading⬇️]

By AIS

Leave a Reply

Your email address will not be published.

[Advertisements⬇️]