[Advertisements⬇️]

UMM ADIYYAH CHAPTER 81 BY AZIZA IDRIS GOMBE - Bankinhausanovels
Sun. Oct 2nd, 2022

[Advertisements⬇️]

[Continue Reading⬇️]

UMM ADIYYAH CHAPTER 81 BY AZIZA IDRIS GOMBE

Www.bankinhausanovels.com.ng 

Suna gama jin bayanin Saadik, Nas aka koma

kurawa idanu, “Tana hutawa yanzu,

amma za a gyarata a mayar da ita (Side

Ward).”

Lokacin ne suka sauke ajiyar zuciya. Maami

ko ta mika baby wa Babansa, ta duba

Zubaidan sama-sama, sannan ta ce da Abba za

ta je gida ta ga me suke ciki.

“Su kadai ne a gidan.” Kasancewar duk a

masauki suka sauka, wannan ya sa kowa

ya riga ya wuce ta can daga gun walima.

Su Umm Adiyya aka bari don su ga yanayin

Adda Zubaidan, kafin Maami ta je

gidan. Faruk ne ya tuka Abba da Maamin, aka

bar Zaid da Baban Walid a asibitin.

Koda Maami za ta taho asibitin ma da su

Walid ta taho. Da ta tashi zuwa wurin

Www.bankinhausanovels.com.ng 

Saudah kuwa Umm Adiyya ta ce ta bar su asi-

bitin za a sake dawowa da Saudan.

Ana mayar da Adda Zubaida dakin gefe, aka

ce za su iya shiga su ganta. Baban

Walid ne ya yi gaba.

Asma da Umm Adiyya aka bari da leke ta

[Advertisements⬇️]

[Continue Reading⬇️]

karamin tagar kofar dakin da aka kai ta,
yana shiga ya rike hannunta a nasa, ya sum-
bace ta. Sai kau da kansu suka yi suna
dariya kasa-kasa.
Kamar daga sama suka ji an bude kofar za a
fito, tuni suka sandare kamar sojoji, sai
suka matsa baya, suna sunne kai, suka shige
cikin dakin.
“Sannu Adda, yaya jikinki?”
Kai ta gyada masu kawai tana murmushi.
Asma ce ta ce, “Ahn! Ahn su Baban Walid
love in hospital. Kin ga yadda yake
murmushi kamar haihuwar fari akayi masa.”
“Ba dole ya yi ba, ko wanne ai, na musamman
ne.” Umm Adiyya ta fada, ka na
ganinsu ka ga farin-ciki karara a fuskokinsu.
“Allah ya raya mana baby, wannan da gani zai
fi Walid kyau, da shi ne babba, da
mun yi kamu.” Asma ta fada.
“Kai haba, lalle ma Walid dina ya rufe kofa
fa.” Umm Adiyya ta fada.
Adda Zubaida kam kallonsu take yi, tana mur-
mushin jin dadin irin yadda kannennata
suke nuna mata kauna karara ita da ‘ya’yanta.
***** ******* Www.bankinhausanovels.com.ng 
Maami kam dai zuciyarta a wuya, ta isa gida don
ganin halin da ‘yar mutane take
ciki. Ai kuwa suna isowa suka ji kukan bebi.
Da gudu Maami ta bi kukan a bandakin
falo ta samesu. Saadik sai wurki-wurki yake yi
da idanu. Ga bebi a hannunsa, yana
ta maganganun da ba su da kai. Gaba daya
ganin jinin da ya yi, ya dagula masa kai
nan take ya kidime ya fara. “Yaya zan yi to da
Bebin? Ba zan iya yankewa ba, idan
ta ji ciwo fa?”
Maami ce ta yi saurin isa wurin, ta dauki al-
makashin da ke cikin robar da ya ajiye ta
yanke cibin, sannan cikin towels din da ya jera
a gefensa ta nade bebi a cikin daya,
daga gefen idanunta ta hango Ipad dinsa a
kunne, da alama a nan ya kalli yadda zai
yi ma hala.
“Tashi ka dauraye hannunka, ka ba mu wuri.”
Nan da nan ta shiga kimtsa bebi. Sannan ta
gyara Saudah, ta hada mata ruwan
wanka. “Baby sai gobe za a wanke.”
Goge ta kawai ta yi ta mika masu ita a falo.
Sannan aka kimtsa ko ina.
Har aka yi waya aka ji fitowar Adda Zubaida,
jikin Yaya Saadik bai bar bari ba. Gaba
daya ya tsorata da yadda ya ga haihuwar, dama
haka ake shan wahala? Motsi
kadan sai ya kalli Saudah, Ya ce, “Sannu,
Babe.” Fuskarsa cike da tausayi.
Sai da Maami ta kora shi a gangansu suka
samu lafiya. Asma’ ce ta zauna gun Adda
Zubaida. Sun fito za su wuce gida ne. Zaid
kawai ya ga Adiyya a rungume da
Safiyya, daya hannunta kuma Walid na tafe.
Don ya farka ya sha ruwa.
“Hajiya yaya dai?” Ya tambayeta cikin nuna
alamun mamaki.
“Maami ba za ta dawo ba, tana gun Aunty
Saudah, so zan tafi da su da safe su
koma gida. Ka ga Adda Asma na tare da
Maama, ga zaman asibiti za su yi mata
yawa.”
“Sai mu kai su gidan Maami, ko gidan Aunty
A’isha?”
Ba ta ko kula shi ba, ta bude kofar mota abin
ta, ta sa yaran, ta koma gaba ta yi
zamanta ta hada rai.
Kallonta ya yi, “To yanzu meye nufinki da
bata rai din?”
“A’a mu tattara su mu mayar da su gidan Ab-
ban, ai can ne kadai gatansu.”
Girgiza kai ya yi kawai ya tada motar, ba
daman ya ce wani abu, yanzu za ta murda
tata fassarar, don haka ya dauki hanyar gida
kawai. Www.bankinhausanovels.com.ng 
Dare ya riga ya yi, ko ina ya yi shiru, lokacin
da suka isa gidan, don haka daya
dakinta ta shigar da yaran ta kwantar da su
hade da masu addu’a. Ruwa ta shiga ta
watsa ta canza kayanta zuwa na barci.
Tana zaune a wurin madubi, tana cire tufkan
kitsonta daga cikin makaurin gashinta
ne hade da fesa ruwan damsasa gashi wayar
Maami ta shigo, da sauri ta daga
saboda kar Safiyya ta tashi, ta ga tana motsi.
Da ta ga ta daina motsi ne, ta sa wayar
a sakel hannu, saboda kar ta bata wayar da
man gashin da ke hannunta.
“Assalamu-Alaikum! Maami?”
“Wa’alaikumussalam. Faruk ya je daukar su
Walid. Asma ta ce wai kin kwashe su?”
“Eh, haka ne mun taho da su, ga su nan har sun
yi barci ma.”
“Yana zuwa ya daukesu yanzun nan.” Maami
ta fada, daga ji a tsume ta yi maganar
cikin ganin rashin hankalin Umm Adiyyan, har
Asma sai da ta kwashi rabonta na bari
da ta yi suka tafi da yaran.
“Maami ki bar su kawai da safe za mu kawo
su, idan mun fito zuwa asibiti.” Zaid ya
fada, ba ta san lokacin da ya shigo dakin ba,
sai daga idanu ta yi cikin madubi ta
gan shi a tsaye a bayanta. Yana sanye da T
Shirt mai V-Neck ruwan toka da
bakaken wando, kansa yana sheki, alamar
wanka ya fito.
Kallonsa ta yi, taga ya kawar da kansa, bayan
ya gama yiwa Maami bayani.
“To shi kenan sai da safe.”
“Allah tashemu lafiya, a gaida masu jego, sai
mun z0.”
Maami kam dadi fal ne ya cika ta a yau din, ba
za ta iya nuna ma farin-cikinta ba, sai
dai ta godewa Allah, kyautar jikoki biyu rana
guda, ga kuma ‘yarta a dakinta, wannan
ya sa ta tashi ta yi sallolin nafila na godiya ga
Allah da ya yi mata wannan arzikin,
domin ta san sam ba dabararta bace, bare kuma
ace tarbiyyarta, kawai ya sa
ya’yanta suka je inda suka taka a yau. Tsari ne
da kuma ikon Rabbil Izzati..
Kwarai ita ma ta so ta koma ta kara ganin jikin
Zubaidan, amma Abba ya ce tunda ta
fito lafiya ai, da safe za a je a ganta, yanzu dare
ya yi.
“Noorie,” Umm Adiyya ta sa baki ta kira shi
hade da riko hannunsa, don ganin zai
Juya ya bar dakin.
“Twinkle, na gaji sosai. Ki kwanta ki yi barci.”
Ya zare hannunsa a hankali ya fita
daga dakin. Www.bankinhausanovels.com.ng 
Take ta ji zuciyarta tayi mata ba dadi, sauke
numfashi ta yi, sannan ta mike ta bi
bayansa.
***k*******
“Fushi ka yi?” Ta fada daidai lokacin da ta iso
tsakiyar dakinsa. Juyowa ya yi yana
kallonta a gajiye, “A’a ban yi fushi ba, na gaji
ne.” Ya dan yatsina fuska hade da
shafa cikin sa. “Kuma ina jin yunwa.”
“Yun…
Saura kadan ta kwashe da dariya. “Yun…
yunwa ka ke ji? Duk abincin wurin
Walimar nan?”
“Ke ma kin ci ne?” Ya tambaya hade da daga
girarsa.
“Na taba dai, amma ba na jin yunwa.” Tsareta
ya yi da idanunsa yana jiran ta fadi
gaskiya. “Okay, kadan na ke jin yunwan. Me
za mu ci?””Mu je mu gani.” Har sun fara sauka, ya juyo
ya ce mata, “Yaran nan ba za su tashi ba ko?”
Yana magana murya Kasa-Kasa.
“A’a ba yanzu ba dai kam, ina ga, na sa sun yi
fitsari.”
Suna shiga kicin, ta juyo don ta tambaye shi
abinda za ta yi masu, sai ta same shi
tsaye daf bayanta, wannan ya sa ta matsa baya
kadan.
“Uhh… za ka ci indomie?”
“Ko me ki ka yi zan ci, Twinkle.”
“Akwai Snacks din biki, ka fara da shi.”
Kallonta kawai yake yi, bai jin ma yana da
karfin yin magana. “Bari na hada maka Tea
kafin indomin ya karasa.” Ta kara fada
ganin alamar da gaske akwai matsala, don ida-
nunsa har sun yi ja. Ta san baya jure
yunwa ko kadan. Amma kafin ta motsa zuwa
wurin da tukwane suke adane, ta ji ya
sa hannunsa ya rikota jikinsa, ta baya.
Cak! Umm Adiyya ta tsaya tana sauraron bu-
gun zuciyarsa a jikinta. Bai ce mata
komai ba, na tsawon lokaci.
“Noorie, sai na motsa kafin mu samu abincin
da za mu cin ai. “
“Ni ke na ke so.” Ya furta mata, muryarsa tana
fita a hankali. Tamkar da kyar yake
HMMM LABARI FA NATA TAFIYA SHIN KOYA ZATACI GABA DA KAYAWA KUDAI KUCI GABA DA KASANCEWA DAMU A KODA YAUSHE WWW.BANKINHAUSANOVELS.COM.NG 

[Advertisements⬇️]

[Continue Reading⬇️]

By AIS

Leave a Reply

Your email address will not be published.

[Advertisements⬇️]