[Advertisements⬇️]

MALIKA MALIK CHAPTER 9 BY JANAFTY - Bankinhausanovels
Sun. Oct 2nd, 2022

[Advertisements⬇️]

[Continue Reading⬇️]

MALIKA MALIK CHAPTER 9 BY JANAFTY

Www.bankinhausanovels.com.ng 

………….Rumgumeta hajiya tayi tana Fadin”Kai Saleemata,sannu da zuwa…”

Saleema na dariya tace”Yauwa hajiya,ya gida..? Kewar gida ya dameni sai kuma muka samu dan break shine na taho gida..”

Kafadanta ta dafa tana Fadin”Muna munsha kewarki sosai ma kuwa..”Mirmishi tayi mata tana mikewa daidai lokacin da suka sake hada ido da Malika,wacce tun kallon da Saleema tayi mata taji ta muzanta,Sai ta koma gefe ta rabe,kanta duke ta kurama littafin gabanta ido,kamar tana karatu nan ko, ba karatun take ba,Jikinta duk asanyaye.

Ganin sun kara hada ido ne yasa Malika tace ma Saleema”Ina yini,sannu da zuwa..”Wani dirty look Saleema ta watsa mata kafin kawai ta dauke kai,don ta Shaida ta tantiriyar matar Ya saleem ce,domin Abbi ya sanar da Ya marwan duk Abunda ya Faru,shiko ya sanar ma da  gindin rasit,wato Sadiq,shikuma ya sanarma patner dinshi Saleema,wacce kwata kwata Abun bai mata dadi ba,ita fa bata ga dalilin Abbi na takurama ya saleem kan wata chan banza jinin arna ba.

Ganin yadda tayi mata ne,yasa malika taji idanuwanta sun kawo, ruwa Hajiya ce taga Abunda ya Faru ranta bai mata dadi ba,ta kalli Saleema tana Fadin”Saleema bakiji Matar yayanki na miki sannu da zuwa bane..? Tabe baki tayi tana jan akwatunta take Fadin”Wace…? ta fada tana dan kallonta cike da raini.

Ganin haka yasa Hajiya mika mata dakuwa tana Fadin”Uwarki ce..”Baki ta tura kafin tayi gaba tana Fadin”Au kefa hajiya,baki ma mutun kawaichin marmari wlh..”Tafada ranta bace,ganin an zageta kan wata banza.

Da Ummi taci karo ta Fito daga kichen,Rumgumeta tayi tana Fadin”I miss u my Ummi..”Shafa kumatunta Ummi tayi tana Fadin”Likita na wasa da karatunta ko? baki da aiki sai tahowa gida..”Dan dira kafa tafarayi tana Fadin”Kai Ummi break fa muka samu na one week,kuma nayi kewaeku ne,shiyasa nazo ganinku..”Sakinta Ummi tayi tana Fadin”naga alama,toh baki tsayawa chan kiyi karatu? .

[Advertisements⬇️]

[Continue Reading⬇️]

Tura baki tayi tana Fadin”,Kai Ummi,ga kayan karatuna na nan cike da jaka,..”Dariya Ummi tayi mata tana Fadin”Uwar zence,kinganki Saleema bamai kadake azence..”,Itama dariyan ta kyalkalyalace dash tana Nufar hanyan dakinta tana Fadin”Kai Ummi,me kike dafa na mana ne..?

Shiga kigani..”Ummi ta bata amsa,Yar dariya tayi tana Fadin”Wai ni banga Abbi ba,kuma banga Malalacin Acp ba..? Tsaki Ummi taja tana Fadin”ke wai bana rabaki da sha”anin saleem bako.? Sun fita shida Abbi..”Dariya Saleema tayi tana

Fadin”Kai Ummi bafa ni na sakamai sunan ba hajiya ce gatan chan..”Tafada tana nuna hajiya.

Hajiya ko datake da cikinta na Abunda tayima malika,kyabe baki tayi tana Fadin”Kwarai ni na samai sunan,ammh sai na kirasa ya amsa don dole,kuma koda yaji haushi ban dakuwa,ke kuwa wlh kika kirasa da wannan sunan dakaina zan umarceshi daya nada miki na jaki Tunda baki da mutumci..”Tafada tana kumfar baki,Bude baki Saleema tayi kafin ta kada ta Wuce dakinta tana Fadin”Tabdijam,gamdamemiyar budurwan,da sake kam..”Tafada tana Shigewa dakinta dake yammah da na hajiya.

  Malika ko na jinsu duk Abunda ke Faruwa ammh kanta na duke takasa dago kanta,Hajiya ce ta kira sunanta tana Fadin”Malika kiyi hakuri kinji ko? ahankali zaku saba da ita,ita kebima saleem..”Mirmishin yake tayima Hajiya tana Fadin “Babu komai..”Tafada tana kokarin maida hawayenta,kara sunkuyar dakai tayi tana Tunanin rayuwarta abaya ta tabbata da adane da kudi aka hada Saleema akace tayi mata Abunda tayi mata bazata taba yi ba,ke ko kusa da ita wlh bazata iya zuwa ba,ammh gashi yanayin rayuwa ya chanza da ita,har ana mata duk cin kashin da”aka ga dama Ammh babu komai tayi niyyar Tuba ga Allah kuma bazata koma ga halayyyata ta baya ba.

Tashi tayi ta tatarra littafanta takoma daki ta kwanta bisa gado tana kuka,saboda takasa rike zuciyarta waje daya tsausayin kanta duk ya lullubeta,sai da tayi kuka ya isheta kafin ta mike ta fada tiolet ta dauro alwala tazo tayi sallar azahar,Bata son sake Fita taje su hadu da Saleema ta kara Wulakanta ta,shiyasa tayi zamanta adaki tana cigaba da duba littafanta,.

Har akayi sallar mangariba Bata fito ba,sai da Ummi taji ta Shuru ne ta Shigo har dakin ta isketa saman darduma tana duba karatunta,Har ga Allah Abun Nama Ummi dadi ganin yadda malika take maida hankali wajen koyon ilimin addini,Gefen gadon ta zauna tana Fadin”Dota Anata karatun ne..? Gyada mata kai tayi tana Fadin”Eh Ummi sannu da aiki..”amsa mata tayi da kai tana Fadin”Yayi kyau in kingama ki Fito Falo,yau mu taru muyi Dinner kinji..”Gyada mata kai tayi kafin tace”Toh Ummi..”Tashi tayi ta Fice ta barta nan tana cigaba da karatunta.

Koda Malika ta Fito babu kowa cikin Falon sai Ummi dake kwaso kololin abinci ,tana ganin haka ta isa gareta Da Sauri tana Fadin”Sannu da aiki Ummi..”

Tafada tana karban kololin ahannunta,sakarmata Ummi tayi tana Fadin”In kin kai wannan maza kije ki zauna kinga baki da lafiya kinji ko? mirmishi kawai tayi tana Fadin”La wlh Ummi naji sauki bakima gani Ba..”Tafada suna karisawa bisa Dinining din,duk yadda Ummi taso tahana Malika kin hanuwa tayi,tare suka Jera komai,sai alokacin Saleema ta Fito daga daki,cikin riga da sikat,Wayace ahannunta tana latsawa kallo daya tayima su Ummi da malika ta dauke tana tabe baki 

Ummi ce tace”Sarkin waya,sai yanzu kika Fito na shiga naga kina wayarki na fama..”Ashagwabe Saleema tace”Kai Ummi,ni fa da ya sadiq ne..”Tafada tana zama bisa daya daga cikin kujerun Falon,tana dariya,Kafin Ummi tayi mgana sai  gaAbbi yayi sallama yana sawo kai falon,bayanshi kuma Saleem ne yana sanye da wata danyar gezner Light blue,wacce taji kyau dinkin muhammed,da hulansa zanna bukar,kayan su matukar amsanshi fuskarshi babu alamar fara”a ko kadan,sai dai bai tamketa sosai ba.

Da Gudu Saleema tatafi gareshi ta fadamai tana mai sannu da zuwa,Riketa yayi yana tambayanta yaushe ta dawo,tace dazu ba dadewa Saleem dake bayan Abbi hankalinshi na bisa waya yaji saleema ta fadomai tana fadin”Mai girma Acp.”Ta fada tana Rumgumosa.

Wayarsa ya maida aljihun yakama kunnan Saleema ya murde yana Fadin”Ke wai bakison karatu ko? baki da aiki sai guduwa gida,Allah sa wannan Semister akori wlh..”tanajin haka ta sakeshi tayi baya tana diddira kafa sai kuka tana Fadin”Wlh Ta Allah bataka ba,Abbi kaga ya saleem ko? wai za”a koreni daga faculty mu..?

Abbi dake zama bisa daya daga kujerun falon,yake fadin”Tunda har shi yagama ba”a koreshi ba kema haka zaki gama insha Allahu..”Dariya takama saleem yadan dara yana kallon Saleema yana mata gwalo,Ummi ce ta kariso wajen ita da Malika wacce ke satan kallon Saleem,shiko ko barayin datake bai kallah ba.

Sannu da zuwa Ummi tayima Abbi kafin Malika ta duka tana gaisheshi,cike da kulawa Abbi ya kalleta yana fadin”Malika,ya jikin ki? ya bakunta,hop dai babu wata damuwa ko?Girgiza kai tayi kanta na batace komai ba,Abbi yace”Toh masha Allahu,Allah kara lafiya,komai dai kike bukata,ki sanar da Umminku gatanan kinji ko”Wannan karon ne ta bude baki tana Fadin”,Tom Abbi nagde sosai..”

Mikewa Abbi yayi yana tafiya zuwa sama yake cema Ummi “Wai ina hajiya banji duriyanta ba..? Saleema tayi karaf tace”Hajiya yau fa adame take,sai Fada take da mutane,hardani yau ban tsira ba..”Karamin tsaki  Saleem yaja yana fadin”Wa.? ai wannan hajiyar ta Abbi ko ba”a mata komai kullim cikin Fada take,ita ko gajiya batayi.”Abbi yawuce kawai baice komai ba saima mirmish dayakeyi.,Ummi tabi bayanshi tana ma su Saleem dariya da Fadin”Ku shiga hankalinku,wlh in tajiku yau ko Sarkin kumo bai isa ya kwace ku ba..”

Falon ya rage daga Saleema sai Saleem da Malika,wacce ke gefe zaune arakube kanta duke,hanyar dakinsa yabi Saleem ta kirashi tana fadin”Ya saleem..”Waigowa yayi yana Fadin”Miye..? Yamutsa fuska Tayi tana kallon barayin da Malika take tana fadin”Ashe kuma Abbi ya matsa maka sai da kadawo da wannan watsatsiyan yarinyar gaskiya ban…”Kallon da Saleem ke watsamatane yasa tayi Shuru ta bakinta tana binshi da kallon mamaki 

Ransa kawai yaji ya baci da Saleema tacema Malika watsatsiya,ko banza shine shaidan Malika,domin shi ya fara saninta abudurwa,ko bakomai zai kareta saboda martabanta,barayin malika ya kallah,suka ko hada ido,idanuwnta cike da kwallah har suka zubo,tayi saurin sadda kanta kasa tana share kwallah,sai yaji zuciyarsa batayi dadi ba sam,.

Hade rai yayi yana kallon Saleema yace”inji uban wa yace miki matata watsatsiya ce? Saleema wai yaushema kika rainani,am your mate dazaki tareni da wannan banzar mganar..? Ya fada yana kafeta da rikatattun idanuwanshi,Tura baki tayi tana fadin”Daga mgana sai cibi yazama kari..”Tafada tana juyawa zata koma daki,cike da Fushi yace”Saleema…!..

Ya kirata da karfi,cak ta tsaya kafin ta waigo tana kallonshi Hannunsa ya tura ciikin aljihun wandonsa yana Fadin”Maza go and tell her srry,yanzunan if kuma..? Yafada yana Kuramata ido,Saleema tayi tsuru tana raba ido,tanajin aranta wannan ai reni ne,ganin tana turamai baki ne yasa yafara takawa zuwa gareta yana fadin”Wlh in baki bata hakuri ba, sai na ci ubanki yanzu nan na tatttakaki awajen nan,kuma na hadaki da Abbi,stupit gal kawai..”,Wani kunya Saleema taji da takaichi kamar tayi kwallah,jan kafanta tayi zuwa gaban malika tana fadin”Srry…”Kanta gefe tafada,Malika dake duke ta dago tana mirmishin yake,tace”Bakomai..”Tafada tana jin kamar ta rushe da kuka.

Wani banzan kallon ya watsama Saleema yana fadin”Get away from here,and dis is d last zaki kalleta ki cimata zarafi in kuma baki ji ba,try me and see..”Yafada yana kada mata hannu,kuka yazoma Saleema ta kwasa da gudu zuwa daki tana kuka tsaki yaja yana Fadin”Munafuka kawai..Yafada yana juyawa zuwa dakinsa  ransa amatukar bace.

Bayansa malika tabi da kallo tana jin wani iri aranta,Akwana biyun da sukayi tare,in tace bata shaku dashi ba toh tayi katuwar karya haka kurum takejin sha’awar kallonsa,sannan muryansa tana jefata cikin wani yanayi wanda takasa fassarashi.

Tashi tayi tabi bayanshi zuwa cikin dakin,sai ta iskeshi yana Kokarin tada sallar isha”i,batayi sanya ba ta Fada tiolet ta dauro alwala tazo da hanzari tabi bayanshi yajasu sallar,suna idarwa tace mai zata biya karatunta,bai musa mata ba,tabiya shi ko tar babu gardama,Karamata da sura biyu yayi zuwa gobe,tunda yaga karatun nata yana sauri sosai,Ummi ce ta kirashi awaya tace su Fito Falo suyi Dinner,bai sanar da ita ba illah Ficewa da yayi yana Fadin”Ki zo Ummi na kira..”

Hijabinta ta dauka,wanda tazo dashi don dai bata da wani,Koda ta fito duka iyalan gidan sun hallara bisa katon tibirin cin abinci,hajiya babba ce kadai bata awajen,may yau bata ra”ayin ci tare dasu ne,don yau kam hajiya tsiya takeji,Saleema na kusa da Ummi,inda Abbi ke gefenta sai Saleem dake gefen Saleema,Jikinta asanyaye ta karisa tunkafin taja kujera Ummi tace”,Saleema gyarama Antynki inda zata zauna..”

Wani takaichi ne ya kule dama bata Wuce da Abun da ya saleem yayi mata,Shiko yana cin abincinsa ko kallonta ma baiyi ba,balle ya lura datana jin haushinsa,Dkyar taja mata kujeran tana sakin wani Siririn tsaki,Zama malika tayi tana dan mirmishi kadan,Ummi dakanta tayi sarving dinta Tuwon Shinkafa ne miyar agun,wanda yaji manshanu da naman kan rago,Tun kafin ta fara ci taji miyanta ya tsinke,cikin Son cin tuwo taja cokali tafara ci,itako saleema na gefe tana Faman zabgamata harara,wanda data dago ido,Zata ganta tana mata wani kallo,sai dai ta maida kanta kasa kawai idanuwanta su ciko da hawaye,saboda ita bata saba da wannan rayuwar ba.

Saleem yana gama cin abinci ya yagi tissue ya goge baki yana Fadin”Abbi gobe fa zan koma bakin aikina..”Abbi yana cin abinci ya ijiye yana Fadin”Masha Allah,har kun gama mana bakunci zaku tafi? Toh Allah kaimu..”Jin Abunda Abbi yace ne yasa yace”A”a Abbi nikadai zan koma,ai Ita tana nan tare daku..”

Zuramai ido Abbi yayi yana Fadin”Miye dalili..? Kai tsaye yace”Toh Abbi nake ga kamar hakan shine daidai..”Ajiyar zuciya Abbi yayi kafin yace”Ko daya sai dai kace kai hakan ka tsara,toh don mai garinku in katafi ka barta anan wajen wa zaka kabarta..?”Wani miyan takaichi Saleem ya hadiye yana Fadin”Tare daku mana Abbi,kofa na koma kasani ba zama nake ba,toh sai naga data rinka zama ita kadai gwara na barta nan ko banza zata dinga ganin mutane..”

Mirmishin su na manya Abbi yayi kafin yace”Ra”ayinka kenan Saleem,ammh ba gaskiya bane duk uzurin daka bayar bamasu mihimmaci bane mallam,ka dauki matarka kawuce wajen aikin ka da ita,kana da muhallin bawai baka dashi bane,….”,Saleem yayi jagale yana jin wani takaichi kamar ya fasa ihu,

ya bude baki zaiyi mganan kenan Abbi ya dakatar dashi da cewa”Kul..Karka kara cewa komai,ka dauki matarka ku tafi,fakat umarni ne ba shawara ba..”,Yana gama fadin haka ya mike ya haye sama,Malika dake zaune jikinta duk yayi sanyi ganin yadda Saleem din yayi,ada in akace tabishi bazata ba,ammh ayanzu batason ya barta anan,saboda shine gatanta duniya da lahira kuma bazata so ya barta da saleema ba,don sai ta zaneta saboda yadda take wurgamata wani banzan kallo 

Ummi ce tace”Ai kaji Abunda Abbinku yace ko? bai samu zarafin mgana ba ya daga mata kai,maida kallonta tayi kan Malika tana fadin”Dota kina so kibishi..? dagowa tayi tana kallon Ummi,kafin ta maida kallonta kan Saleem wanda ya kafeta da ido yana kallonta cikin wani yana so yaji mezata ce,itako wani yanayi taji yana shiganta saboda yadda ya tsareta da manyan idanuwansa masu dauke da wasu surrika

kanta ta dukar kafin ta gyadama Ummi kai,washe baki tayi tana Fadin”Masha Allah,tashi to kije ki Shirya kayanki,Da safe zaku wuce ko Saleem? Gyada mata kai yayi,yana mikewa bai kai da gama tashi ba Saleema ta ture kujera tana sakin wani wawan tsaki takama hanyar dakinta tana kunkuni,dukkansu da kallon suka bita na mamaki,Saleem ne kadai da malika su ka san dalilinta na yin gaba,Ummi ko ta dauka ko wani ne ya bata mata rai.

Adan kaikaice yabi bayan Saleem da kallo,Ransa ya baci da Abunda Saleema tayi mishi,yanzu ko bashi ba,ko malika ai ba sa”arta bace kuma a al”adance tana mtsayin Antintane,ammh saboda ta rainashi shi takema tsaki,Tunda ni sa”anta ne,bai yi yunkura binta ba ya kada kai yabi hanyar dakinshi yana cije baki.

Malika bata bi bayanshi ba,sai da taya Ummi suka maida Kayan da suka bata zuwa kichen,Ummi taso ta hana Malika wanke wanke,ammh taki,tace sai tayi hakan ta barta suka wanke tare,sunayi suna hira,Ummi na kara mata nasihan hakuri da rayuwa,da kuma hakuri da biyayyah da mijinta,sannan Ummi ta roketa alfarma kada bayan sun koma zamfara ta yada karatun data fara koya,tace zata sanar da Saleem yasata a mkranta islamiya na matan aure,wanda zai taimakamata sosai..

Hakika taji dadin Nasihan Ummi da shawaranta,ita kuma tayi mata alqawari zata sameta mai Bin umarninta,Ummi ma taji dadi tayi ta sakamata albarka,wanda Malika taji dadi harda kwallah,saboda Farinciki don bata taba samun saka albarka daga wani ba,bayan Daddynta,sai gashi Ummi na sakamata haka Abbi,ai ita babu Abunda zatace da Ahalin Kabir kumo,sai godiya da Fatan alheri.

  Koda ta koma dakin ta iske Saleem kwance ya juya baya yana kallon bango,wayarsa kuma sai daukan Tsuwa take,ammh sai ya dinga saka hannun yana latsewa,ganin bai mata mgana ba yasa ta fada tiolet ta wanke baki kafin Ta fito,wajen akwatun nanta ta isa,tana kokarin budewa taji yana Fadin”Meyasa kika ce zaki bini..?baki tsoron irin zaman da zai gudana tsakani na dake..? Waigowa tayi tana kallonshi sai taga baima juyowa ba, Fuskarsa tana kallon bangon dakin kamar ba shine bane,yayi mgana.

  Bayanshi ta kurama ido,tana jin wani sanyi na Shiganta,Kasa mgana tayi illah kuramai ido kawai datayi,bata ankara ba taga ya juyo yana mikewa zaune bayan ya jingina bayanshi da gado,ido ya zubamata yana kallonta,kunya ne ya kamata sai kawai ta duka tana kokarin bude akwatinta taji yace”Ina tambayarki baki bani amsa ba,kuma kin tsaya kina kallona..,?”Ya Furta yana harde hannuwanshi akan kirjinsa..

Tana duke tace mai”Armmm me kace..? Wani kallo yayi mata kafin yace”Bansani ba kina nufin bakiji ni ba,bansan rainin wayau fa..?yafada muryansa acunkushe,diridiri tayi tana kallonshi Shiko ya sakarmata idanuwansa kamar zai daketa dasu,Sunkuyar dakai tayi tana Fadin”Kawai bani so kamin nisa ne..”Ware ido yayi yana Fadin”Really…? Saboda mene..? 

Kanta na duke tace”Saboda bani son karatun dana fara ya tsaya ne..”Yamutsa Fuska yayi yana Latsa wayarsa datake ta neman Dauki,yana sakin wani kafirin mirmishi,yace”Ba gaskiya bane,ko bani ba akwai masu koya miki karatu,baga Ummi ba ga kuma hajiya ko Saleema,duk wanda kika ma mgana zai koyamiki..”Idanuwanta ne suka ciko da kwalla,sai kawai tajuyamai baya tana share hanci.

Mikewa yayi yana Fadin”Kinsan wani Abunda baki sani ba game dani? na tsani muna mgana da mutum ya juyamin baya,ko kuma yayimin tsaki? i hate does wlh..”Yafada yana daga kiran dake shigowa wayarsa bayan ya Fice daga dakin.

Ajiyar zuciya ta sauke tana bin bayanshi da kallo,agurguje ta saka rigar barcinta,doguwar rigace mai kalan ja da fari,hijabinta ta saka ta haye gado,ta lafe gefen datake kwanciya,Tun tana sa ran dawowarshu har wani barci mai dadi ya kwasheta bata farka ba,sai da taji yana tashinta da asuba,lokacin ma harma yayi alwala Sanye da jallabiya,yace tatashi tayi sallah ta shirya yana dawowa masallaci zasu Wuce.

Wanka tayi kafin ta dauro alwala,sai da tayi sallah kafin ta shirya cikin wani riga da Sikat,Rigar Farace da digon baki,sai sikat din na roba ne baki,yana da budewa daga kasa,sai vail dinta baki wanda ta yane kanta dashi bayan ta daure gashinta da band,Tana cikin sanya takalminta ne ya Shigo dakin,tana ganinshi ta rankafa tana fadin”Gud mrnig mallam..”

Mrning..”Kawai yace yana kallonta kasa,,kasa,kafin yace mata”Baki da wani kayane sai wadannan..”tana durkushen tace”Eh..”karamin tsaki yaja yana Fadin”Ok,.Kada ki dauki kayan duka juz akwatu daya ya isa,munje chan zansa adinka miki kayan mata mai mutumci..”Gyada kai tayi kafin tace”Tanque..”Bai amsa mata ya shige tiolet,ita kuma ta mike tana hada kayanta akaramin akwatunta guda daya.

Baijima ba ya Fito daure da babban Towel,kirjinsa na Fitar da maikon Ruwa kallo daya tayimai taji gabanta ya fadi,saurin dukar dakai tayi tana jin wani sanyi sanyi na Shiganta,bata jira komai ta Fice daga dakin kamar zata kifa saboda yadda jikinta ke rawa,da irin kallon da Saleem yake binta dashi,batasan dalili ba,ammh da zarar ya samata ido,shikenan sai taji tana neman rasa natsuwarta.

Tana Fitowa Falo babu kowa,kichen ta Shiga,nan babu kowa Ummi bata riga ta Fito ba,kila yau bata da zuwa aiki da wuri ne,dakin hajiya ta wuce suka gaisa,ta sanar da ita zasu tafi,tamata Fatan Allah ya tsare hanya,Sai da ta Fiti daga dakin Hajiya kana taga Ummi ta Fito,tana kokarin hada breafsat,gaisawa sukayi cikin girmawa,Fere dankali Ummi keyi Malika ta kariso zata karba,Ummi taki bata tace tabari kawai kada ta bata kyanta,suna cikin hakane sai ga Saleem ya leko yana Gaishe da Ummi,gabadayansu suka waigo,yana sanye da Suit Red and black,ya daure wuyanshi da bakin Tie,jakar brief case dinsa ne sagale akafadanshi yana duba agogon Fatan dake hannunshi ne yake cema Ummi..

“Ummi zamu wuce,ina da Meeting 12..”Wukar Fera dankalin ta ijiye tana Fadin”Da wuri haka saleem…? Fita yayi daga kichen din yana Fadin”,Eh Ummi,bari nayi ma Abbi sallama,Ke dauko kayanki ki Fito mana..”Yafada yana haurawa sama,Ummi tace”Maza kije ki dauko kayanki,Saleem bayason jira..”Jikinta asanyaye Ta koma dakin ta jawo karamar akwatunta tana kallon dakin cikin kewa,littafanta ta manta da hanzari,ta Daukosu ta saka cikin aljihun akwatun ta Fito,koda ta Fito Abbi da saleem sun Sauko kasa, har kasa ta duka ta gaishe da Abbi ya amsa yana tambayanta jikinta,ita kuma Ummi kichen takoma da hanzari ta Daukoma Malika Dambun nama dayawa cikin wata katuwar roba,ta damkamata karba tayi tana ta godiya,A gurguje Saleem ya Shiga bangaren hajiya suka yi sallama har bakin mota suka rakasu suna saka musu albarka,sai da motarsu ta fita daga gidan kana suka koma cikin gida cike da kewa.

  *********    ************

  Wurgi tayi da wayar bisa gado,tana zuba tagumi hannu bibbiyu,Nadira dake gefe tana kwance Ruf da ciki tana Danne danne bisa system dinta ta dago tana kallon Zahra take Fadin”Wht happend best..? Hawaye ne suka cikamata ido,ta girgiza kai tana Fadin”Best baya picking call dina,Tun Shekaranjiya nake kiranshi yana yankemin kira..”Tafada hawayen na zubomata.

Ture laptop din tayi ta mike zaune tana Fadin”Shine ya isa ya sakaki kuka..?Kara Narke baki tayi tana Fadin”Haba best,do u know how much i luv him? wlh inajin in ban aureshi ba zan iya mutuwa..?Tafada wasu hawayen nakara zubowa mata.

  Cike da mamakinta ta karisa gareta tana Rike hannuwanta take Fadin”Kinga srry inaga baya kusa ne,kimai uzuri kibar kiransa har zuwa gobe,in bai kira ba,ni zan nemasa ta wayata,kinji..? Kan jikinta ta kwanto tana Digan hawaye tace”Sai dai gobe ki kirasa,saboda bazan iya jurewa ba har nan da wasu Awanni ba..’Kanta ta Shafa tana Fadin”Ok don’t wrry i will try my best,kibar kukan hakanan,yans tabamin rai kinsani..”Tafada tana dagota ta share mata kwallah tana Fadin”Oya smile..”

Nakwa nakwa tayi da Fuska alamar zata kara saka kuka,Saurin taro habanta tayi tana Fadin”Oya Smile aha..,Smile MRS SALEEM KABIR KUMO”Kamar ana tallar closeup,haka ta washe baki tana Rumgumeta take Fadin”Tanque my best..”

[Advertisements⬇️]

[Continue Reading⬇️]

…………….Karfe goma da yan mintina Saleem ya shiga da motarshi cikin dan karamin flat din gidanshi,megadinsa ne ya rugo da gudu yana mishi barka da zuwa,bayan ya gaida Malika data ke Fitowa daga mota,tana bin dan karamin gidan nasu da kallo,duk da gidane daidai na talaka,ammh kuma ya burgeta sosai.

  Saleem da kanshi ya daukan mata akwatinta zuwa cikin gidan,mai dauke da Babban Falo da 2 bedroom  sai kichen,shikenan,ammh duka dakunan akwai kayan more rayuwa aciki,Dayan bedroom din ya kaimata kayan nata,bai mata mgana ba,shi kuma ya Shiga wanda Tun  dama nan ne dakinsa,Bai dade ba ya Fito ya Fice daga gidan gabadaya bayan ya sanar da ita ta shiga ciki Shi zai Fita.

Malika ta dade zaune afalo tana bin ko”ina da kallo kafin,tatashi ta shiga dakin daya nuna mata,shima din ba laifi,Tunda yana malale da wani makeken cafet,ja sai Gado da wardrope sai dressing morrior dinshi,sai Kofar tiolet,Dakin duk yayi kura sosai alamun andade ba”a Shigo shi ba,hankalinta ne yatashi ta rasa ta ina zata fara gyara dakin ita daba komai ta iya ba,Ta tuna sanda tana Asalin malikarta,wlh ko baranta bazai zauna awannan gidan ba,ammh gashi rayuwa ta juya da ita,itace zatayi rayuwa awannan gida,kuma batare da wasu yan aiki ba.

Hawaye suka cika mata ido,tayi zaune gefen gado tana goge hanci,ganin zama ba nata bane,cuz Malika bata son zama cikin kazanta mikewa tayi tafara kakkabe dakin tana gyarawa,sai gashi har kayanta ta zazzage daga akwati ta jera cikin wardrope tanayi tana hutawa,tana tunawa da merry da Dose,tana gode musu aranta,wanda ko dauko kaya batasan wahalanshi ba,

Koda tagama gyara dakin wanda harda tiolet ta wanke,don bazata iya wanka dashi ahaka ba,bayan ta ya kage,dakyar take mikewa,Falo kuwa sai da tayi hawaye wajen shareshi,kichen dai ko kallonshi batayi ba da dakin Saleem don koda tagama tafita hayyacinta,wanka tashiga tayi,saboda tsabar jigata azaune tayi sallah Azahar da la”asar alokaci daya saboda jirin data ke gani,Ashe harda yunwa sai lokacin ta tuna duk Wunin yau bata ci abinci ba,Jingina kanta tayi jikin gadon dakin tana tsiyayan hawaye,tana tuna yau fa in kaine to ka tabbatar da zuwa gobe waninka ne,Itace fa *MALIKA MALIK* abaya mace ce,mai aji da jinkai,ilimi da takama,In tagama sai tace bazataci abinci kasar Nageria ba kuma ta zaunu,Bata cikakken sati a kasa daya,ammh sai gashi yau ankoma itake rabe awannan gidan tana kukan Yunwa da gajiya,wayyo rayuwa kenan..

Haka take ta zencen zucci har barci yafara kwasheta babu Saleem ba dalilinshi,kiran wayartane ta farkar da ita daga barcin data fara nan kan Darduman,Zabura tayi ta mike ta dauki wayan wanda ke kan Stool din gadon tana neman Dauki,sunan Daddylove dinta tagani yana kiranta da hanzari ta dauka,tana gaisheshi amsawa yayi cikin murna da Farinciki kafin ya tambayeta iyayen mijinta da shi mijin nata,amsa mai tayi duk suna nan lafiya,nan take sanar dashi yau suka zo zamfara,yaji dadi sosai yayi ta sakamata albarka,jikinsa ta tambaya da kuma hajiya,yace komai lafiya,kafin yabama Hajiyar waya suka gaisa,tana kara jadaddamata data kula da kanta da Abunda ke cikinta,gyada kai take cikin zuciyarta tana kukan zucci.

Bata karajin kuka ya ciyota ba,sai da Daddy ke tambayanta taci abinci,wasu hawaye ne masu zafi suka ketomata,bata samu zarafin sharewa ba,tabarsu suna ta sauka bisa hijabin dake jikinta,dakyar ta furta eh taci saboda batason Ta fadi wani Abunda zai tadama Daddynta da hankali wanda bata da kamarshi duk Duniya,domin shine gatanta yanzu,koda suka yi sallama Daddy yaso ya fahimci wani abu game da ita,ammh ta tabbatarmai da lafiyanta kalau kuma babu Abunda take bukata.

Itako Zuru tayi bayan sunyi sallama,tana tuna lokacin tana gida,sai taga dama ma takecin abinci,in bataci ba ko Daddy ya dinga rawan jikin lallashinta taci abinci,in ko iskacinta yatashi sai tace duka abincin basu mata ba,sai ansake dafamata wani,Watarana ma ko andafa sai tace bataci ta dauki mota taje wani Restaurant taci abincin data ga dama,ammh gashi tana neman abincin ma taci basai ta jira an lallasheta ba,ammh bata samu Ba,Saleem yayi tafiyarshi ya ma manta yazo da wata halitta wai Malika.

Shiko Saleem Tunda ya Fita bai zarce ko”ina ba sai headquater su,meeting din daya tara suka shiga,sai wajen 3 suka Fito yafada office, yana shiga office ya tarda tarin Cases cases,kala kala nan yazauna yana dubasu kwata kwata bai samu sukunin kanshi ba banda sallah babu Abunda ke tadashi,kwata kwata ya manta da wata halitta malika,sai da Ummi ta kirasa tana tambayan ko sun isa lafiya,kuma ya turomata nombar Malika zata kirata ta mata Allah huta gajiya.”Sai alokacin ya saki salatin aranshi yana dafe kai,koda ya duba agogon Shidda saura na yammah,da hanzari ya Fice daga office din yana jin ransa babu dadi in bai manta bata karyaba  gwarashi ma dayazo Office yasha tea,ammh itafa bataci komai ba,Tun safe ga kuma ciki,kai ya illah nan da nan yaji bai kyauta ba, gaskiya.

Agurguje ya isa wani Restaurant yayi mata take away din Fride rice,da ferfesun kayan ciki,sai lemon hollandian da Viju,don yaga ko agidansu tafi sonsu sosai,koda ya isa gidan Abun gwanin ban tsausayi,ashe da yunwar ta isheta Sai ta tuna da dambun namanta wanda Ummi ta bata,shi ta dauko ta dinga ci babu kama hannun yaro,toh shine ma man Gyadan suyan Dambun naman ya dinga Taso mata,sai amai tun tana iya tashi ta Shiga bayi har daga karshe takoma tana kelayashi akasan cafet din dakin,koda ya Shige ya isketa kwance cikin amai tana maida Numfashi ga dambun naman ne agefe aroba taci fiye da rabi da kwata,Hankalinsa tashe ya duka gabanta yana Fadin”innalillahi,ke me kika ci haka..’,? 

Yafada yana binta da kallo,nan idonshi yabashi amsa,ganin robar dambun naman,ido ya zaro daya tuna yawanshi ammh saura kadan,Dawo da kallonshi yayi kanta ganin yadda hawaye ke Fita idanuwanta sai da yaji tsikar jikinsa ya tashi,Cikin wani yanayi ya Furta'”Dole kiyita amai kalli uban Dambun da kikaji haba,shikenan bazaki dinga kiyaye lafiyanki ba,Tunda kinsan halin dakike ciki..”

Bata iya dagowa ba,dakyar ta iya Furta”Yun..wa…Na..ji..”,Tafada tana Sharbe majina,Wani tsoro ne ya shigeshi ganin tana kara dago ido sama kamar zata shide,da hanzari ya ijiye lodojin daya shigo dashi ya kama hannunta ya ciccibeta tsab ajikinsa ya nufi hanyar Toilet da ita yana Fadin”Am srry sam na manta dake,koda naje office na tarar da tarin ayyukane,su suka daukemin hankali,ammh da kika jini Shuru why not kikirani ta wayata..”,Tanajinsa bata iya bashi amsa saboda wani Haushi ma,daya kamata ita  ina taga nombarshi balle ta kirashi,Kalmar ya manta da ita tafi komai bakanta mata,ita take sata kwallah tanayi tana Sharewa da hannu.,sauke ta yayi tayi saurin dafa bango ta tsaya kan kafafunta.

Da kanshi ya hadamata Ruwan wanka,ganin ya Nufota,da hanzari taja baya tana fadin”Zan iya yi da kaina..”Bai damu ya tabe baki yana Fadin”Ok..”Daganan ya Fice daga bayin,yana Fita tabi bayanshi da kallo tana Sakin Siririn kuka,Tanajin takaichi yadda yanzu komai na yaron yake burgeta,tanajin gwara ta zauna dashi Fiye da kowa ayanzu,dakyar ta iya shiga bath din ta gasa jikinta,ammh tanayi tana kukan makomar rayuwa,yanzu balle ma nan gaba.

Sai gashi Saleem ya nadadde kafan wando hannun Riga,shi ya goge aman datayi Tas,kamar bata bata wajen ba,Duk da babu wanda ya kaishi kyamkyamin amai,Aranshi yasa ne kawai don shine silan Shiganta wannan Halin ya barta da yunwa,da kar wani abu ya sameta Abbi da Ummi su tsinemai yabi Duniya,shiyasa ya zage ya gyara ko”ina,koda ta Fito bashi adakin ammh ya barmata sakon Take away dinta,kallo daya tayi ma take away din ta kauda kai domin Duk wani abinci ya Fitar mata aka yanzu,mai ta shafa tazo ta shimfida sallaya,ta nada mayafinta akai,Tunda hijabin ya lalace tayi sallar mangariba,bata tashi daga wajen ba,sai datayi sallar isha”i kana ta rarrafa ta hau gado ta kwanta tana ji kamar bayanta zai cire,Dakyar tasamu barci ya kwasheta.

Shima saleem ya dakinshi yakoma yayi wanka yayi alwala ya fita masallaci nan gaban gidan ne,shima bai dawo ba,sai da yayi sallar isha”i,ya shigo mata da kaza kasassiya koda ya leka dakinta tayi barci duk ta kure,Ya dade tsaye yana kallon Fuskarta yadda duk ta rame kwana biyu,bai san dalili ba kawai sai yana jin tsausayinta yana Shiganshi duk da bayason tasirin hakan ya shigesu sosai,kauda kai yayi zai Fita,sai idonshi yakai kan Lodojin take away din daya yimata,ganin bata taba bane,yasa ya dauka duka harda kazan ya kaimata kichen ya bude fridge ya sakamata aranshi yana Fadin”Zaki nemeshi gobe,in baki ci yau ba..”

Shima dakinshi ya shiga yayi shirin barci yafada gado,sai alokacin ya kara duba wayarsa,wacce ya bari agida misseds din Zahra ba adadi kai ya dafe aranshi yana Fadin”Allah ya hadani jaraba,kai yarinyarnan in mayyace takama mutum sai Allah kuma..”Tsaki yaja afili kafin ya latsa nombar ya marwan wanda hardashi a cikin wadanda suka kirashi baya kusa.

  

********************

Washegari Saleem bai yarda yabar Malika da yunwa ba,12 nayi yaje yayo mata take away yakai mata,Tunda dai ba’iya girkin zatayi ba,koda ma zata iya yi bata iya dafa komai ba,so ko ma yace tayi zai batama kanshi lokaci ne,balle bata  da wani issshiyar lafiya sosai,shiyasa ya dauki Nauyi kullun yayo mata takeway sau uku arana.

Basu samu daman cigaba da karatu ba,sai da suka kwana biyu da zuwa kana yake dora mata da daddare,da asuba kuma ta biyamai,babu laifi Tafara sanin addininta da abubuwan daya kamata tasani,Kayan sawanta kuwa Sargent musa yayima mganar yanason Siyan Atamfofi da lesuna,da hijabai,da kuma inda za”ayimai dinkuna masu kyau,nan  yacemai ai baya da mtsalan wannan matarshi tana Sana”ar Saida Atamfofi,gabadaya kwangilan Siyan kayan da dinkin ya tura mata ta acccoun dinta ita kuma ta siyan mata atamfofi da lesuna,aka dinkamata dinkin Riga da sikat,da masu zani,ko masurement dita,shi ya fasalta yadda take,saboda yana ji aranshi ba wani wawan Telan da zai bari yazo ya saka tep ya gwadamai matarshi.😂

Nadira kuwa tacika alqawari domin takira Saleem,ammh itama sai da tayimai 3 missedcalls,kafin ya daga lokacin yana office yana aiki,kanshi ya dau zafi,koda ya daga kiran Bai yi mgana ba ganin bakuwar nombace,Tunkafin yace komai Nadira ta gabatar da kanta amtsayin Cousin Sister din Zahra,yamutsa Fuska yayi yana asking dinta wacece zahra kuma? Amsa ta bashi da Fadin”Zahra bukar mada,sai lokacin ya tuna da mayyar yarinya,Tsuke baki yayi yana jin bayanin Nadira tana sanar dashi irin halin da Zahra ta shiga saboda shi,wai harda kuka baki ya rike yana Jinjina Abun,aranshi yana Fadin”Lalle yarinya kin zake dayawa..”Hakuri yabama Nadira yana sanar da ita Aiki ne yayimai waya baya samun lokacin kansa,ammh tabari zuwa anjuma in ya koma zai kirata insha Allahu,daga haka sukayi sallama ya kife wayar yana jan tsaki,haushi duk ya kamashi Afili ya Furta”,Nayi kuskuren bama Yarinyarnan Digit dina wlh..”Yafada yana Sosa kunnenshi da pen din dake hannunshi.

Itako Zahra agabanta Nadira ta kira Saleem, bayan ta saka wayar aspeaker,tana jin sanda yace zai kirata ta koma gefe tana tsallen murna,Suna gama wayar ko,ta daka tsalle ta Rumgume Nadira tana mata godiya,itako tana binta da dariya bayan ta zaunar da ita tana bata Wasu karin Sirrinka da zata kama zuciyar Saleem dashi itako tana gyada kai murna duk ya cikata,kamar ance gobe ne bikinsu.

Shiko Saleem aranar bai koma gida ba,sai araound 10:39,yakoma agajiye Takeway din Malika ya kaimata fridge,saboda ya iske har tayi barci,Wanka kawai yayi dakyar yayi shafa’i da Wuturi,ya haye gado zai kwanta,wayarsa ya dauka zai kashe,sai yaga sakon zahra na yawo bisa saman wayarshi,yana ganin sakon bai kai ga Shiga ba alqawarin da yayi mata ya fadomai arai,bai karanta sakon ba ya lalubo nombarta wacce bai adanata ba,ammh tsabar nacin kiranta yasa ya ke gane Nombar.

Zahra ko tana zaune dirshan akan gado tayi tagumi da hannu bibbiyu faskekiyar wayarta ne agabanta ta zura mata ido,fuskarta tana nuna tsantsan damuwar datake ciki,Nadira dake gefe kwance ta dago tana kallonta kafin tace”Wai don Allah best baki kwanciya kibar wannan damuwar..?

Bata kalleta ba tace cikin Sanyin murya kamar zata fashe da kuka,..”,Toh bai kirani ba best..”Ajiyar zuciya ta sauke kafin tayi mgana wayar Zahra dake gabanta ta dau tsuwa,koda ta kyallah ido taga Sunan Saleem wanda tayi Saving da *COOL EYES* da wani uban zabura da chakuma ta damko wayar ba inda jikinta baya rawa take Fadin”Best..best gashi yana kirana..”Mikewa zaune Nadira tayi tana Fadin”Dallah to ki dauka,kin zauna kina rawan jiki,har sai wayar ta katse..”Tana jin haka ta dauki wayan tana karawa akunne cikin sanyayyiyar muryanta ta Furta..”Hello…”

Gyara kwanciya yayi yana Fadin”Hello kina lafiya..”Ya fada kai tsaye,Washe baki tayi kamar zatayi dariya,Hararanta Nadira tayi tana Mata mgana da hannu,da hanzari ta gyara muryanta tana Fadin”Lafiya lau,Fatan kaima kana cikin koshin lafiya kamar yadda nake..”,Fuskarsa ya dan saki kafin yace”Normal…”Shuru ne ya biyo bayan kafin Saleem ya kauda shurun da Fadin”Dazu cousin Sis dinki ta kirani,duk da am very Sure,kina wajen ta kirani,so tayimin complain din kina kirana bana picking,do u know what..? Girgiza kai tayi kamar yana ganinta kamar yasani ya cigaba da fadin”Ban cika son yawan takura ba,ni mutum ne jama”a,kuma ina kokarin kare hakkin kasata,da kuma Tsoron rantsuwan danayi wajen sanya kakin yan sanda,so plz nd plz kidaina damuna da kiranki kina Shiga uzuri na sosai,ki bari ni dakaina in na samu lokaci i promise u i will call u..”Wani yamm Zahra taji idanuwanta suka ciko da kwallah,Ta juya tana kallon Nadira,wacce taji komai domin Zahra ta sanyamata aspeaker.

Alamu tayi mata da hannun data bashi hakuri,Maida kwalarta tayi kafin tace”Ayyh am srry bansan cewa kulawar danayi dakai zai zama laifi ko takura ba,buh insha Allahu korafinka ya karbu za”a kiyaye..”Tana Fada tana yaken karfin hali,mirmishi yayi mai sauti ganin kamar mganarshi ta sosa mata rai,sai yadan saki ranshi yana tambayanta mutanen gidan,kafin ya gangaro yana tambayanta karatu,nan zahra ta tankwashe kafa tana bama Saleem lbrin matakin karatunta,dayake ta iya lankwashe murya,duk bawasu kalamai ta iya ba,Nadira ce ke dorata bisa hanya,Tunda ta Fita budewar ido.

Sai gashi hira tayi dadi tsakanin zahra da Saleema,sai wajen 12 suka kafin suyi sallama,shima bawai don Zahra ta gaji ba,sai don Saleem ya nuna yana jin barci saboda Fita aiki gobe,itako Nadira tun tana jinsu sama sama har barci ya kwasheta,sai da zahra tatasheta tana ihun murna,tana sanar da ita yamzu suka gama waya da Saleem,Nadira ta rumgumeta tana ihu,wanda gar Momi dake dakin Abbansu,ta Fito tazo kofar dakinsu tana tambyansu lafiya,sai lokacin suka dawo hayyacinsu,Nadira ce tace wai Ya Nazir ne yayi musu kyautan 50k ta account yanzu,tsaki taja ta wuce tana Fadin”Allah ya Shiryeku kuyi dai ahankali yanzu dare ne..”

Sai gashi duk dare sai zahra da saleem sunyi waya da juna kafin su kwanta,duk da yanzu ta rage kiranshi,ammh kuma ta chanza taku takoma turamai sakon soyayyah masu sanya zukata,wanda Nadira ke Rubuta mata tana turamai,na safe dabam na rana dabam hakama na dare shima dabam,kuma kalamai so sexy and Romantic,shiyasa lokaci kadan Zahra ta fara burge saleem,har baya iya barci sai yaji muryanta,duk da wani lokacin yana basar da ita,bayason soyayyarsu tayi zurfi kuma yazo yace zai aureta Abbi ya dakatar dashi.

*BAYAN WATA DAYA*

Wata daya kenan da zuwansu zamfara,Alhamdulillah kawai malika zatace domin abubuwa suna Tafiyan mata yadda Yakamata,duk da akwai abubuwan da ba haka taso ba,bangaren karatunta kuwa Tuni tayi nisa son Saleem bai yi mata da wasa,koyar da ita yake kamar yadda ya dau alqawari,bata aikin komai sai gyara dakinta da Falo in yayi kura,da yan kwanuka in ta bata,Mganar abinci kuwa Saleem yadauke mata wannan Nauyin nayimata takeaway kullum sau uku arana,kuma babu laifi yana bata kula sosai abangaren cikinta,ga kuma kayan daya kawo mata kamar za”a bude shago,ta dade bata iya daura zani ba,sai da ya dinga koyamata,ko daura dankwalin ma,shike amsa yana gwada mata yadda zatayi har tasamu ta iya dan sagala shi,ganin Riga da zanin na bata wahala sai takoma sanya masu sikat kawai saboda sunfi mata saukin sawa,duk tafi sati kafin ta saba da saka kayan,da farko damunta sukeyi ba kadan ba,sai hijabai wajen kala ashirin da masu hannu da marasa hannu,kuma duka yadi uku da rabi rabi ne,in tasaka har kasa suke kaimata kamar wata zulumbiya😂

Satinsu biyu da zuwa gidan ta samu ziyarar wata makociyarsu wanda gidansu ke kallo nasu,MAMAN ABBA,Nurse ce tana aiki general hopital Zamfara. Mijinta kuma manajan bankin First bank ne,danta daya Isma’il suna kiranshi Abba,Ta shigo suka gaisa da malika,nan take sanar da ita ga gidanta nan kusa da nasu,tun sadda Acp ya sanar da Baban Abba,cewa yazo da matarsa takeson Shigowa ammh kuma bata samu lokaci ba sai yau,fatan zasu dinga zumunci….

Murna ta cika Malika rana ta farko Tun bayan Shiganta wannan Halin ta samu wani akusa da ita,cikin Fara”a da sakin Fuska ta karbi Maman Abba,wanda suka dade suna hira kafin tayi mata sallama tatafi,da saleem ya dawo jikin Malika na rawa ta sanar dashi zuwan Maman Abba,tace kuma ya barta itama ta Shiga wajenta,murtuke Fuska yayi yace bai yarda ta Fita konan da kofar gida ba,Dole ta hakura duk da ranta baiso ba ammh bata nuna mai, ba,Wannan Abun yana sa Kimarta yana karuwa a idon Saleem sau tari zai kuntatamata da gangan ammh ko a fuska bata nuna taji haushi ko ranta yabaci,sai dai shi yadaga baya yaji bai kyauta mata ba sam.

Maman Abba batayi Fushi ba dataga Malika bata Shigo ba kamar yadda tace sai ita ta Shiga wajenta,suka kara gaisawa,nan take kara lura da cikinta har ya Fito,ada kamar bazata tambayeta sai kuma ta tambayeta ko ta fara zuwa awo..? amsa mata tayi da”a”a.Nan,Maman Abba tace aiko yakamata kifara zuwa awo,saboda daga ganin cikin jikin ya kai 4month in ma baifi ba,Mirmishi kawai malika tayi tana sunkuyar dakai,don azahirin gaskiya bazata iya dora komai kan cikin jikinta,game da Saleem ba,don bata ga yana wani damuwa dashi ba balle dokinshi,balle har yagane ya isa zuwa awo.

Bata mai mganar ba,sai da aka kwana aka Wuni,bayan sun gama karatun dare,take mai mganar zuwa awon da Maman Abba tayi mata ya dade yana kallonta domin shima satin daya Wuce Ummi ta kirashi take tambayanshi Malika ko tafara zuwa awo..?karya ya zabgamata yace eh kafin ya gyada kai yana Fadin”Yaushe ne tace zaki fara zuwa awon..?Kanta na kasa tace “Bansani ba,sai in ta shigo na tambayeta..”Mikewa yayi daga tsaye yana Fadin”No gobe da Safe ki Shirya ki shiga gidan sai ki tambayeta,ko goben zaki fara sai ki sanar dani..”Gyada kai tayi tana Fadin”ngd..”Bai kulata ba ya Fice daga dakin zuwa nashi,yana kokarin amsa wayarshi wacce zahra ce ke kira.

Haka ko akayi da safe bayan ya tafi tayi wanka ta saka atamfanta dogowae riga da dogon Hijabinta ta Shiga gidan Maman Abba ta sameta tana Shiri zata asibiti yau Dutyn safe gareta,nan suka gaisa cikin Fara”a Shine take sanar da ita Abunda Saleem yace,Maman Abba tace “Toh ai Faduwa tazo daidai da zama,gobe ne ranar Zuwa awon ,sai ki koma ki sanar dashi,gobe in zan Tafi sai mutafi tare,Allah barshi bayan an miki scaning da sauran abubuwa,ni sai na cigaba da dubaki agida.

Haka ta sanar da Saleem da daddare bayan ya dawo,bai yi gardama ba yabata kudi 10k yace taje dashi,da kanshi ya dauki wayarta ya saka nombarshi yace takirashi in ance ana bukatar wani abu,Murna takama malika ranar batayi barci ba tana murnan yau itama zata asibiti ta shiga sawun iyaye mata masu ciki,koda 8 tayi sun tsufa ageneral ita da Maman Abba,wacce ta tukasu asabuwar motarta 306.

Sakamakon zuwanta da wacce take da sani awajen Bata wani jima ba,aka bude mata Fayel likita ya dubata kafin aturata dakin awo,Shima din bata jima ba Tafito,Aka bata sati hudu ta dawo,batayi amfani da kudin da Saleem ya bata ba,saboda asibitin ta gwannati ne,sai dai ta siya magungunar da’aka Rubuta mata na karin jini,Maman Abba da kanta takara tukota ta maidata gida tana ta mata godiya.

Saleem yana office ammh kuma rabin hankalinsa na kan Malika yana so yaji ya ake ciki,gashi bai karbi nombarta ba,Ganin har wajen yammah bata kirashi ba,kuma yau bashi ya kaimata abinci ba, Sarger musa ne,ammh ya tabbatar mai da megadi yace ta dawo Zahra ce ta kirashi ta daukemai hankali da hirarta tana mai kukan Shagwaban yaki yazo ya ganta,Shikuma bayaso yayi mata alqawari ya saba ne,yau dai ya tabbtar da mata data jirashi zai zo dis weeked insha Allahu,Murna kamar zata kashe Zahra tayi ta murna tana tsalle ita da Nadira,wacce itace ke dorata adukkan hanya data kama Saleem yanzu ahannunta,duk da bai gama kamuwa duka ba.

Shiko Saleem yanajin aransa zai iya maneji da zahra,domin yana cikin wani mayuwacin hali na bukatar mace akusa dashi,bayaso yaje ga malika tadauka yafara sonta ne,Ko ana Farko yayi mata hakane don tagane kuskurenta,yanzu kuma sai yakoma..? Abun da kunya gaskiya bayason yarinyar ta rainashi sam,ammh kuma yakasa Fuskarta wani abu koda zai ga mata awaje koda ko da wani irin banza Shiga ne basa burgeshi kuma bayajin hankalinshi ya tashi,ammh da zarar ya dawo gida yaga Malika,sai kawai yaji yanayin jikinsa ya chanza,ko dakinsa tazo karatu haka zai dinga jinsa konai nasa na chanzawa,In ya kalli cikin idanuwanta tsausayinta da sha’awarta na kara Tsumashi balle yanzu yadda ta cika sosai kirjinta da kugunta sun kara Fitowa,haka Fatar jikinta tayi kyau Fuskarta tacika da kumatu ta kuma kara haske Fata,koda kuskure jikinsu ya hadu da juna,ranar haka zai kwana mafarki sai Da asuba yayi wanka Kafin ya tafi mssallaci,Yarasa yadda zaiyi da rayuwarsa,Sai kawai ya yanke shawarar yayi aure,Tunda dai bazai iya kara Tunkarar malika ba,gwara ya neman ma kanshi mafita duk da yana tsoron kada Ummi da Abbi su dakatar dashi.

Koda ya koma gida,gim da rai yayima malika,yana ijemata takeaway dinta ya Shige daki,ya kulle koda tazo da littafan karatunta taji kofarshi akulle,sai kuma taji jikinta yayi mata sanyi Ranar dukkansu ba wanda yayi barci,shi yana Mukurkusun Ciwon mara da fama da sha’awarta,ita kuma tana juye juyen damuwar da Saleem yake ciki,kwata kwata hankalinta yaki kwanciya,Har da safe ma daya Fito data gaisheshi dakyar ya amsa yana wani cin mgani,Tana so ta sanar dashi Abunda yafaru a asibiti ammh kuma tana jin tsoro,shine da kanshi ya tambayeta,cikin faduwar gaba ta sanar dashi,Harara ya zabgamata yana mata fadan meyasa bata kirasa ta gayamsa ba..? saboda ta rainashi ko? toh in tagaji da zama dashi ne,toh shima ya gaji zai maidata wajen mahaifinta bazai iya karban amanar ba,ta inda yake shiga batanan yake Fita ba,Zuru tayi tana digan hawaye,hakuri takeson bashi,ammh ganin yana cikin zafi shiyasa ta kyaleshi har ya Fice daga gidan yana ta bata rai,shiko aranshi baijin dadin Abunda yake mata,ammh haushin shi daya shine ita tajamai yake kwana yana Fama da tamkewar mara,shiyasa sai ya sauke komai akanta,Kuma Abun takaichi sai yayi mata fada,yakoma yana Fama da damuwa,duk da bazai iya bata hakuri ba,ammh babban Abunda ke dafamai zuciya shine Kukan Malika.,Kukanta na bala’in dagamai hankali barin ma ta kalleshi tana share hawayen,sai yaji jikinsa yayi sanyi kamar ya Rumgumota yayi ta lallashinta,ammh jin kai yahanashi.

*Ina godiya sosai da addu’o’inku ga Mama,Allah ya saka muku da alheri….¹⁸

[Advertisements⬇️]

[Continue Reading⬇️]

By AIS

Leave a Reply

Your email address will not be published.

[Advertisements⬇️]