RUDIN SHAIDAN COMPLETE - HAUSA NOVELS
Skip to content Skip to sidebar Skip to footer

Top Widget Posting

RUDIN SHAIDAN COMPLETE

RUDIN SHAIDAN COMPLETE

- - Post a Comment

 RUDIN SHAIDAN COMPLETE 






Uztaz”uztaz”uztaz” tayi kururuwa yanda wayanda suke

nesa da ita ma sai sunji muryarta

.

Kyakkyawar budurwace take tafiya sauri sauri don ta

cimma wani mutum dake gabanta,

Da ganin fuskar budurwan kasan tana dauke da abu mai

muhimmanci, wanda ya shafi rayuwarta

.

Azuciyan budurwan nan kuwa ta tabbata komai zaiyi

sauki muddin ta samu suka tattauna da wannan bawan

Allah din

.

Da Sauri sauri gudu gudu ta karisa har wajen wannan

mutumin , kuma bata daina kiran sunan sa ba Uztazz

.

Mujahid yana cikin tafiya akan hanya a yayin daya ke

nazarin wata littafin Addini , kaman daga sama sai yaji

ana kiran sunansa

.

Nan ya juya don ganin mai kiransa , toh anan ne yayi

arba da wata budurwa tana sauri don ta iso wajen da

yake .

Kallo daya yayi mata yasan ba lafiya take ba dole akwai

wani abun dayake damunta

.

Koda ta kariso gabanshi sai ta cigaba da maida numfashi,

duk tabi ta jike da zufa a dalilin gudun da tayi

.

“Ina yini yallabai ,nasan na takuramaka bisa tsareka a

hanya da nayi ,ina baka hakuri Uztazz,

Ina da wasu batutuwa danake son mu tattauna dakai izan

ban takuramaka”

Budurwar ta fada a lokacin da take tsaye agabanshi,

.

“Babu damuwa ina sauraronki” uztaz ya fada

“Suna na Rufaidah, nasan baka sanni ba , Ni dalibace a

makarantar Mu’azu bin jabal ,

Satinnan nayi rigestration” rufaidah ta fadi

.

.

Mujahid ya dubeta da kyau sannan yace “toh malama

rufaidah ina sauraronki shin wata maganace kike son mu

tattauna akai,

Shin maganar da zamuyin magana ce wacce zamu iya

yinta a tsaye, ko kuwa sai mun samu wajen zama”

mujahid ya tambaya

.

“Uztaz gaskiya yana da kyau mu samu wajen zama domin

kuwa , dogon zance ne zamuyi, domin kuwa bazan taba

runtsawa ba muddin ban fadi maka ba”rufaidah ta fada a

lokacin har hawaye sun fara zuba daga idanuwanta

.

Yafara waige waige ko zaiga wani dan inuwa ,

Cikin sa’a kuwa sai ya hango wani dakali a kofan gidan dake nesa da su, rufin gidan ya yayiwa dakalin inuwa

Ya dubeta yace “toh mu karisa can sai kiyi mani bayanin “

“Toh ”

.

Suka nufi dakalin

Bayan sun zauna sai mujahid ya dubi rufaida yace “malama rufaida ina sauraronki”

Rufaida wacce hawaye suka bata mata fuska ta goge da mayafin jikinta ta budi baki tamkar ba zata iya magana ba ta fara bada labarinta kamar haka

“Sunana Rufaidah………..

.RUDIN SHAIDAN

Gajeran labari

Marubuci

Shuraih Usman

© Shuraih 99% – 2017

Part 2

.

“Sunana Rufaidah ina zaune ne a lafiya, mahaifiyata ta rasu tun ina yar shekara goma sha shida,

Babana yana matukar sona,

Hakanne yasa ya karo aure don ya samu wacce zata runga kula dani,

,

Nayi zaman kadaici lokacin da mahaifiyata ta rasu, duniya tayi mani baki kirin sanadin rashin mahaifiya, akullum nakan zauna nayi shiru ina tunanin mahaifiyata da duk wasu abubuwan da suka wakana tsakanina da ita

,

Matar da babana ya auro inna ladi, ta tsaneni matuka tana azabtar dani sosai,

Arana in ban sha bulala ba kenan tayi mani dari,

,

Kwanan kullum wuni takeyi tana azabtar dani na zama abun tausayi , a wajen mutanen angwanmu kowa yana matukar tausaya mani

,

Nasan zaka yi tambayar ina mahaifina yake lokacin da take gana mani irin wayannan azabobin,

Tunda mahaifina baba sallau ya auri inna ladi shikenan duk wata kauna daya ke nuna mani ta rikide ta koma kiyayya sam baya kaunar ganina cikin gidansa don kuwa bazan taba mance wata rana ba ranar da itace ta janyo mani duk wannan ukubar dana ke ciki,

,

Bana fatan irin wannan ranar ta sake zuwa cikin rAyuwata,

Wata rana da safiya Na futo daga cikin dakina daga ni sai wani yamutsatsen shimi da wani kodadden zani, buta na rike a hannuna

Na je na bude randar gidanmu na debi ruwa

Na nufi bayi, ina shiga bayin ta kurma mani ashar

“Ke dan uwarki ina cikin bayin shine har zaki shigo”

Da guduna na fice daga bayin,nazo na rakube a gefen dakina jikina sai makyarkyata yake, a tsorace nake dun nasan yau sai naci duka sosai,

,

“Yau zaki ci uwarki dani, sai na kure rashin kunyarkin nan”

Inna ladi ta futo daga bayin tana fadin haka,

Ta harbeni da butan dake hannunta, butan ya sameni aka tsinin bakin butan ya sokeni cikin kaina, sai ganin jini nayi yana bulbulowa daga kaina,

,

Maimakon inna ta razana sai ma kara harzuka tayi ta nufoni gadan gadan, tana zuwa ta wankeni da mari, nayi kokarin sanya hannuwana na rufe kuncina, nan ta hau jibgata tamkar tarin dawa, tun ina kururuwa ina bata hakuri har nayi lamo , bakajin sautin komai sai nishi na dake tashi a hankali,

,

Saida tayi mani likis sannan tayi shigewarta cikin daki,

Ina nan a kwance akas ina nishi sama sama, har baba sallau ya dawo daga wajen aiki,

Kallo daya yaimani ya watsar, daga nan yayi shigewarsa cikin dakin inna ladi,

.

Ina jin muryansa yana tambayar inna me yafaru dani,

“Shegiyar yarinyace, dubifa ina cikin wanka a bayi ta shigo kanta gade, shi yasa na lakada mata wannan duka”

,

Baba sallau yace “ai kaji irinta saida nace maki duk randa yar iskarnan tai maki abu, kiyi mata dukan da bazata ma iya motsa koda dan yatsanta ba yo gata can har ta fara mikewa”,

Fuu ya fito daga cikin dakin hannunsa rike da dorina mai baki hudu, ina kallonsa ya nufoni, nayi kokari na mike don na ceci rayuwata amma babu hali sakamakon ji dana keyi tamkar an dora mani mirginenen dutsene a bayana

A Haka ya cimmini ya dunga tsala mani dorina a bayana, tun ina iya bashi hakuri har na fara ganin dishi dishi, daga nan ban san abun daya biyo baya,

Abun da zan iiya tunawa shine kamar naji muryan makwabcinmu malam buba yna cewa “haba sallau kasheta zakayi, wannan wani irin jahilci ne , yarka ce fa ta cikinka”

“Toh ba gwamma na kasheta na huta da irin bakin cikin datake kunsa mani ba”

**********

Bani da farkawa ba sai a gadon asbiti inda nayi arba da malam buba a gefena, sai wani doctor fari dogo yana sanye da rigan asibiti (lab coat)

Na daga kaina don ganin rufin dakin anan ne naga ledar ruwan da ake karamani

,

Kwalla ne ya fara gangarowa akan kuncina,

Ji nayi na tsani mahaifina, na tsani kishiyar babata, inna ladi,

Na kasa yarda cewa mahaifina ne yai mani wannan dukan,

Duk irin kiyayyar da mahaifina yake nuna mani ban taba tsammanin takai ga yana neman ya kasheni ba,

.

Malam buba ya dafa hannuna yace “rufaida kiyi hakuri, kinji Allah sai ya sakamaki, akwai ranar kin dillanci”

Nayi shiru ban ce masa kala ba ya mike yace min “ina zuwa rufaida bazanje gida na dauko maki abinci na dawo, kinsan uwargidana tayi tafiya”

Ya dubi likitan dake gefensa yace “likita daga nan zanzo da cikon kudin “

Likitan yace “ok ina jiranka a ofishina “

Dukkansu sukai ficewarsu ,

.

Bayan fitar malam buba sai na daddage na daure na mike zaune, na cire ruwan da ake karamani, na ajiye a gefe,

Na mike na shiga tafiya ban san ina na nufaba, ko kadan bana kaunar komawa gidan mahaifina

Bayan na fito daga cikin asibitin sai na wuce tasha, anan ne na hawa motar keffi,

,

Acikin motar na hadu da wata mata , wacce na lura tun shigata motar take kallona,

Cikin kankanin lokaci matar ta gama shawo kaina na amince zan zauna wajenta a garin keffi,

Matar me suna jummai itace ta fara dora ni a turban KARUWANCI,

Tun daga wannan lokacin karuwanci ta zama sana’ata da ita nake ci da ita kuma nake tufatar da kaina,

Na tsinci kaina cikin wani yanayi, wadda cikin sati muddin namiji bai kusanceni ba toh banajin dadin jikinah,

Sai a kwanakin baya ne nayi wani mugun mafarki wanda ya rikita mani kwalkwalwa nan take naji nadama tazo mani,

Naji na tsani kaina da kaina, naji ina kyamar irin rayuwar danayi a baya,

Nayi yunkurin na kashe kaina, daidai zan sha guba shine naji WA’AZINKA a gidan rediyon maloney fm,

Shi yasa na fasa kashe kaina,

Uztazz ! Shin Allah zai iya yafemani wayannan laifukan nawa kuwa?”

.

Mujahid wanda tun lokacin da rufaida ta fara bada labarinta yayi shiru ya kuma natsu sai yanzu yayi gyaran murya sannan yace “malama rufaida hakika Allah maji roqon bawansa ne…..

Mujahid wanda tun lokacin da rufaida ta fara bada labarinta yayi shiru ya kuma natsu sai yanzu yayi gyaran murya sannan yace “malama rufaida hakika naji dukkan labarinki na kuma tausaya maki bisa ga halin da kika tsinci kanki abun dana ke son ki sani shine  Allah maji roqon bawansa ne, muddin kinyi imani kan ba zaki koma ki sake dulmiya cikin wannan sabon ba, toh Allah zai yafe maki  shi kansa Allah yana son bayinsa masu Tuba, kuma a kowani lokacin Allah yana amsar tuba”
.
“Uztazz yanzu me da me yakamata na dunga aikatawa na wanda zai nisantani daga alfashan dana bari”
“Ki yawaita yin Azumin litinin da alhamis da yin Sallah akan lokaci,sa’annan ki yawaita karatun al’qurani da yaddar Allah zaki ga rayuwa tazo maki da sauki sannan kuma akwai darasi na musamman da ake dauka a makaranta ranan asabar da lahadi, na matan aurene kiyi kokari ki runga zuwa”
.
Ta mike tsaye yanzu kam fuskarta sai sheki yake tayi wa uztazu mujahid sallama, ta yi tafiyarta
,
Uztazu mujahid
Asalinsu mazauna  kaduna ne daga bayane lokacin da aka yi wani rikici a kaduna shine sukai hijra suka zo keffi, jihar nasarawa
Mujahid ya taso a gidan mutunci, tun yana dan shekara biyar mahaifansa suka sanya shi a makarantar islamiya na mu’azubin jabal,
.
Wannan yasa yataso cikin tarbiya da sanin ya kamata, gashi fasihi da an biya masa karatu yake dauka,
Wani lokacin sau daya yake karanta abu ya haddacesa akansa,
,
Malamai da mutanen angwansu suna yabonsa , bisa matukar kokarinsa,a haka har ya sauke alqur’ani,
,
Mujahid dogone baki mara duhu, fuskarsa a shimfide take, dararan idanunsa gami da dogon karan hancinsa, da dan mitsitsin bakinsa, su suka karawa fuskarsa kyawu,
,
Arayuwar mujahid bai damu da mace ba, babu ruwansa da neman mata, haka kuma bai cika magana da mata ba, gaba dayan al’amuransa ya karkatasune ga karatunsa,
,
Ahaka har Allah ya sanya ya zama malami , yana koyarwa a makarantar mu’azu bin jabal makarantar data fara haska kwalkwarsa,
.
Haka kuma yanayin program da dama a gidajen talabijnin na garin keffi,
Kaf mutanen keffi babu wanda zaka tare shi ka tambayeshi wanene Uztazu mujahid yace maka bai sanshi ba,
,
Ayanzu haka yana 100 level zangon farko a karatunsa na jami’a wanda yake a jami’ar NSUK
,
Bayaune karo na farko da mujahid yake haduwa da mutane masu matsaloli a rayuwarsu ba
Shi ya sa ma bai nuna damuwarsa sosai ba ga labarin da rufaida ta bashi,
,
Ya mike  ya nufi gida,
********
Wa she gari mujahid ya shirya ya nufi makarantar mu’azu bin jabal,
Yana karisowa ana kiran Sallan La’asar,
Bayan ya ja sallah ya idar lokacin mutane sun fara watsewa daga masallacin,
Ya mike ya fita daga masallacin ya nufi wani lungu wanda yake cikin makarantar,
.
Gajeriyar Tafiya yayi takawoshi ga wasu ajujuwa guda biyu,
Ya nufi ajin dake farko ya bude kofar hade da sallama, sannan ya shiga
“Wa’alaikassalam” matan dake cikin ajin suka amsa masa
.
Babban ajine wanda ya isa akirashi da falo,
Ajin ya kawatu da ire iren kayayyakin da ake bukatan agansu cikin ajin makarantun islamiya,
,
Zazzaune akan kujerori, sanye da bakaken hijab mai hade da nikab,
Matane burjik
Mujahid ya samu kujera ya zauna sannan ya mika hannu ya dauko abun daukan sauti Microphone,
,
Anatse yake masu karatun, yana kawo masu hujjoji, cikin hadisai da qur’ani,
Fuskarsa yana kallon littafin dake ajjiye akan teburin gilashin dake gabansa,
,
Bayan ya iddar da darasin, sai ya daga kai ya dubesu yace
“Masha Allah mun iddar da darasin wannan satin, in Allah ya yarda sati mai zuwa zamu yi bayani akan Jinin NIFAS , amma kafinnan dakwai mai tambaya akan wani abu da bata gane ba”
.
Ajin yayi shiru, ya dade yana kallonsu koda zaijji mai tambaya a cikinsu,
Dayaji shiru sai yace “tun da bakwada tambaya ina ganin lokacin tashi ma yayi sai kuyi mana addu’a?”
Dukkansu suka hada baki sukai Addu’a
.
Ya fito daga ajin lokacin da hayaniya ta fara gauraye ajun,
Da sauri ya nufi bangaren da zai sada shi da masallacin makarantar,
“Uztazz” yaji an kirasa daga bayansa
Ya juya da sauri saboda ya gane mamallakiyar muryan
,
Rufaidace a gabansa sanye da wani murgujejen bakin hijabi har kasa, ta yaye nikab din dake fuskarta sama,
Hakanne ya fallasa asirin zunzurutun kyawun dake tattare da fuskar, wanda sam mujahid bai lura da shi jiya ba
.
Kyakkyawace fara doguwa, ta mallaki faffadan fuska ma’abocin sheki,
Mujahid na kallonta yaji zuciyarsa ta buga,
Tunda yake bai taba kallon mace zuciyarsa ta buga ba sai a wannan karon
.
Yasha arba da kyawawan mata wayanda suka dare rufaida kyawu, amma bai tabajin hakan ba sai ayau da suke tare da Rufaidah
,
Cikin takun nutsuwa ta kariso inda yake yadda take tafiya sai ka rantse mara lafiyace,
Murmushine dauke akan fuskarta,
“Inayini uztazz” ta fada lokacin data kariso
“Lafiya malama rifaida? Ya karatu da makaranta”
“Lafiya lau ?dama uztazz tambaya nake so nayi game da darasin yau”
.
“Mai yasa dana tambaya ko akwai mai tambaya baki tashi ba” ya tambayeta fuskarsa na kallon kasa
“Kunyar mutane naji ? Amma kai hakuri”
Ta bashi amsa
Ya jinjina kai yace “malama rufaida  in har kina so ki karatu ki san addini sosai dole sai kin cire kunya da tsoro acikin zuciyarki, ya kasance kina yawan tambaya akan dukkan wani abun da baki gane ba, ko baki sani ba, Tambaya mabudin ilmine, dafatan dai kin gane”
Ta gyada kai
Yacigaba
“Yanzu ina sauri da kwai inda zani izan mun hadu gobe cikin aji sai kiyi tambayan”
“Toh uztazz sai anjima” ta fada cikin marairaice murya,
Mujahid ya juya yacigaba da tafiyarsa
******
.
Alkalamin 99%
RUDIN SHAIDAN
Gajeran labari
Marubuci
Shuraih Usman
© Shuraih 99% – 2018
Part 4
.
Tun daga wannan rana sai ya kasance rufaida ta zage dantse sosai kan karatunta, a kowani rana akayi darasi sai ta yi tambaya akalla goma
.
Sosai mujahid yake jin dadin yadda take da matukar kokarin ganin tayi tambaya kan duk wani abun daya shige mata duhu,
.
Ta hakanne mujahid ya gane cewa rufaida mace ce nutsatsiya bata cika son magana da mutane ba,
Haka kawai yaji tana burgeshi, duk da kasancewar magana bata cika hadasu ba sai in ana dau kan darasi
,
“Malama rufaida ina jin dadin yadda kike da kokarin fahimtar darasi sosai,
Ki cigaba da aiki mai kyau sannan a kullum ki runga rokon ALlah ya yafe maki zunuban ki na baya, “
Mujahid ne yake fadawa rufaida haka wani lokaci da suka hadu bayan an fito daga daukan darasi
Rufaida tayi murmushi tace “nagode uztazz, ina matukar godiya ga taimakon ka, Allah yayi maka sakayya da kyakkyawan karshe, kuma in sha Allahu bazan gaza ba wajen karatuna, da halayyana,”
.
*******

“Rufaida wata shawara nake so na baki  mai matukar muhimmanci? Wacce nasan ba za ki yi nadama ba muddin ki kayi aiki da ita “
Mujahid ya fada yana kallon. Teburin gilashin dake gabansa,
Rufaida wacce take tsaye a gabanshi tana sanye da burgujejen hijab dinta fuskarta na boye cikin nikab,
Kwayoyin idanuwanta ne kadai a bayyane
Tace “ina saurarenka uztaz dun na san baza ka taba sani a hanyar da zanyi danasani ba”
.
Mujahid ya dago kanshi ya dubi rufaida a karon farko kwayan idonsa ya ci karo da nata
Nan take yaji zuciyarsa ya buga da karfi,
.
” mutuncin ko wacce ya mace  shine tayi aure tta samu kanta a Gidan mijinta,
Alokacin da akace maki mace tayi aure, kimarta yana karuwa a idon mutane, darajarta yana daukakuwa a wajen ubangiji, sam bai kyautu ace mace kamarki tana zama babu aure ba, kiyi nazari sosai ki duba maganata zaki ga cewa gaskiya nake fada maki”
.
Rufaida tace “nagode uztaz da shawarar daka bani ni kaina abun dayake cimin tuwo a kwarya kenan, bana da wani buri da ya wuce nai aure , toh amma bana da yadda zanyi don shi aure nufin Allah ne shi yasa na fawwala dukkan lamurana ga Allah”

.
**********
“Kwankwan! Kwankwan!! Kwankwan!!!” Sautin Karan kofan dakin ya gauraye dakin
Yana zaune akan kujera yana nazarin wani karamin littafi
Sai ji yayi ana kwankwasa kofan dakinsa
Yana daga zaunen yace “waye wannan, “
Maimakon abashi amsa sai aka cigaba da kwankwasa kofan dakin
“Ina zuwa ” mujahid yafada yana yunkurin mikewa
.
Cire sakatar dake jikin kofan yayi sannan ya bude
Cikin matukar mamaki ya ce “malama rufaida kece a gidan namu, “
Rufaida wacce take tsaye a jikin kofan dakin, sanye da burgujejen hijabi ruwan kasa, hannunta na rike da Kulan zuba abinci,
Tayi murmushi tace “eh wallahi uztaz nice “
“Shigo daga ciki mana” yafada lokacin daya juya ya koma cikin dakin,
Ta shigo cikin dakin tana duban yanayin dakin
Komai na dakin cikin tsari yake,
Ta zauna akan tangamemen katifarsa wanda ya kusa mamaye dakin,
Shi kuwa mujahid sai ya zauna nisa da ita sosai akan kujeransa,
Har alokacin zuciyanshi yana bugawa,
“Dafatan dai komai lafiya malama rufaida
Mujahid yafada
.
Rufaida tace “komai lafiya ustazz dama abuncine na girka na kawo maka”
“Na gode rufaida , Allah yabar zumunci “
Sun danyi hira sosai kan batun karatu, kafin ta mike ta tafi
.******
Tun daga wannan rana sai ya kasance kusan kullum sai rufaida ta girka abinci ta kawo ma mujahid,
.
Aduk lokacin da ta kawo abuncin mujahid yana kokari yaga ya nisance ta, saboda gujewa RUDIN SHAIDAN,
.
Rufaida ce a tsaye. A bakin kofan dakin mujahid wanda dakin ya kasance a wani gefe daban na gidan na su,
,
Tana sanye da riga da siket, wayanda sukayi matukar dame ta, ta yafa dan fingilallen mayani, inda mayanin ya samu nasarar rufemata daga kan kirjinta zuwa cibiyarta,
,
Sake-sake take a zuciyarta na ganin ta samu cikar burinta,
“Wannan daman itace dama ta ta karshe ba zan taba yin sakaci da ita ba”
Rufaida ce take fadin haka cikin zuciyarta,
Ta dade a tsaye kofan dakin tana saka abubuwa cikin zuciyanta,
Kafin daga karshe ta fara kwankwasa kofan
.
Kwankwasawa biyu tayi taji alamun ana zare sakatar kofan,
Da sauri ta gayra ttsayuwarta,
Mujahid ya bude kofan dakin,
lokaci guda numfashinsa ya tsaya sakamakon Ganin irin shigan da rufaida tayi
Ita ko rufaida koda taga haka sai tayi murmushi sannan ta wuce cikin dakin ,
Kai tsaye kan katifarsa ta nufa tana zuwa ta zauna akan katifar,
.
Mujahid wanda abun ya matukar rudashi, ya juyo ya dubeta lokacin daya dan bata ransa yace “menene ya faru”
Ganin irin yadda yayi maganar shi ya sanya rufaida ta sha jinin jikinta, mikewa tayi ta matso inda yake a bakin kofa tace
“Farin ciki nazo ka tayani” tana maganar cikin wani irin salo
“Na me” ya tambaya
Batare data bashi amsa ba sai ta rungumeshi,
Ya fara kokarin ya bambare jikinsa daga nata, sai ji yayi ta kama kanshi ta hada bakinsa da nata
,
Duk yanda mujahid yayi don ya hanata abun datake kokarin sashi aikatawa amma ya kasa,
Ji yayi gaba dayan lakar jikinsa sun mutu, yanaji yana gani ta tureshi kan gado sannan tabi bayansa,
,
,

RUDIN SHAIDAN
Gajeran labari
Marubuci
Shuraih Usman
© Shuraih 99% – 2018
Part 5
.
.
Cikin magagin barci ya farka,
Mikewa yayi daga kan katifarsa , ganinsa   da yayi a tube babu ko singeliti shi ya tayarmai da hankali,
.
Sai a sannan madaukin kwalkwalwarsa ta fara haska mai duk abun daya faru baya tamkar a majigi,
“Inna lillahi wa’inna ilaihirraji’uun”
Shine abun dayake ta furtawa a fili,
Kafin ya fashe da kuka
Ya dau lokaci yana kuka shi daya a cikin daki
Zuciyansa na tuna mai da abun daya aikata ji yayi ya tsani kansa da kansa,
“Shike nan na biyewa son zuciyata na  gurbata rayuwata, da wanne irin ido zan fuskanci mahaliccina ,”
Mujahid ne yake fadin hakan cikin zuciyarsa
,
“Rufaida TA CUCE NI ta bata mani rayuwa, “
Waige waige ya farayi yana neman wani abu, ya dau lokaci yana tsaye
Yana kare ma dakin kallo zuciyarsa na ci da wuta,
.
Wani farin takarda ne ajjiye akan katifarsa ya dau hankalinsa, ya mika hannu ya dau takardan,
Gajeran rubutu yagani, ya fara karanta rubutun
“Assalam social Uztazz, burina ya cika , na dandani abun dana ke kwadayin dandana wanda yake tattare da kai, daga wannan rana baza ka sake ganina ko jin labarina ba,
Daga Rufeeeee.”
.
Katon makwallaton hushine ya tokare mai makogwaro, shakka babu da zai hadu da rufaida a wannan lokaci da babu abun da zai hana bai kasheta ba,
.
hankalinsa ya dugunzuma ransa ya baci,idanunsa suka yi jajur da su kamar garwashin wuta. Da kyar yake numfashi kamar kumurcin maciji,
Ya yayyaga fallen farin takardar
********
Tun daga wannan rana mujahid ya dena futa daga gida hatta makaranta ya dena tafiya babuu inda yake zuwa kullum yana kulle cikin daki
.
Lokaci daya ya fara ramewa ,babu irin dabon duniya da  mahaifiyarsa batayi ba don ya fadi mata me ke damunsa amma yaki,
A kullum babu abun dake ci masa zuciya face zullumi, da tunanin irin babban sabon daya aikata wa ubangiji,
.
Ga duk wanda yasan uztaz mujahid, kallo daya zai mashi ya gane cewa da kwai abun da ke damunsa,
Rufaida kuwa tun daga ranan da wannan abu ya faru, aka daina ganinta  a makaranta, ko duriyarta an daina ji
.
**********
.
.
Motace kirar peogeut ta faka a gaban dan kareren Asibitin
Daya daga cikin masu bayarda tsaro a sibitin  ya na sanye da uniform din aikinsa ya mike daga kan kujeransa ya nufo wajenda da peugeot din ta faka, koda ya kariso sai ya karkato da kanshi kasa ta yadda zai iya ganin mutanen da suke cikin motar,
.
“Sannu maigida”
Mai bada tsaron yace
“Yauwa sannu”
Mutumin daya ke cikin motar ya amsa
Mai bada tsaron ya sanya hannunsa aljihu ya ciro wata karamar kati ya baiwa ya mika wa direban motar,
Direban motar ya sa hannu ya karfa yana mai kallon katin wanda yakasance korene ajikinsa an rubuta, F M C passing card,
“Nagode “direban ya fada
A daidai lokacinne mai bada tsaron ya daga wa dan uwansa wanda yake nisa da shi  hannu,
.
Aka bude musu gate suka kusa kai cikin dankareriyan asbitin mai suna FEDERAL MEDICAL CENTRE KEFFI wanda ya shahara  a gaba dayan fadin jihar nasarawa,
.
Motar bata tsaya ako’ina ba sai a harabar asibitin inda direban ya sauko da gudu, ya nufi wajen wasu mata ma’aikatan asibitin
Saurayin direban wanda bazai wuce shekaru ashirin da biyar ba yana sanye da doguwar riga tazarce wadda tayi mai yawa ya kifa hula akansa, yadda ya kifa hular sai yafi kama da masu tallan alawa
.
Aka bude kofan bayan motar wata matace fara mai dan jiki tana da zanen kalangu a gefen kunnenta guda biyu,
Matar bazata wuce shekaru arba’in ba, fuskarta kadai mutun zai kalla ya fallasa asirin zuciyanta,
Idanuwanta sai bulbulowa suke da kwalla tana amfani da handkicin wajen share kwallan,
,
Bata dade da fitowa daga cikin motar ba dan saurayin direban nan ya dawo ma’aikatan asibitinne su biyu dauke da gadon tura majinyaci a bayansa
Suna isowa basu tsaya bata lokaci ba direban ya bude masu kofan motar ta baya, ya shiga cikin motar ya kinkimo majinyacin dake ciki, a hankali ya kwantar da sHi akan gadon majinyatan,
Ma’aikatan asibitin suka gungura gadon sukai bangaren kudu da ita,
Da gudu direban da matan suka bisu a baya
Kai tsaye emargency aka wuce da majin yacin, wata nurse ta dakatar da direban ganin yana kokarin shiga dakin da aka shigar da majinyacin
“Kui hakuri mama ku jira anan yanzu za aje a gwada shi don ganin meke damunsa”
Nurse din ta fada tana kallon farar matar
Gyada kai kawai matar tayi alaman taji
,
Farar matar ta ciro kudade a cikin karamin jakarta  sannan ta dubi direban tace “Abdullahi  amshi wannan nagode Allah yai maka albarka”
Dan saurayin da aka kira da Abdullahi fuskarsa na cikin alhini yace “A’a mama Tani ki barshi kawai ai kun wuce haka a wajena, don kuwa mujahid aminina ne tun yaranta yayi mun abun da bazan taba mantawa da shiba a rayuwata”
.
“Allah yaimaka albarka abdullahi”
Ta fadi kwalla na gangarowa daga idanunta
“Ameen mama hafsa, kibar kuka mama ,shima In Allah ya yarda zai samu lafiya
“Abdullahi ya fada fuskarsa na kallon kasa
“Ameen Abdullahi”
Mama hafsa ta amsa
,
Sun kai awoyi biyar suna zaune a bakin dakin da aka shigar da mujahid
Dukkansu suna cikin zullumi, Abdullahi kam babu abunda yake face Addu’a Allah ya baiwa abokinsa lafiya,
A karon farko suka ji kofan dakin ya bude dukkansu suka mike da sauri wata nurse ce ta kariso garesu tace “kuna iya shiga amma kada ku fada mai wani abun da zai tayarmai da hankali”
.
Dukkansu suka gyada mata kai sannan suka shiga cikin dakin,Dukkansu suka gyada mata kai sannan suka shiga cikin dakin,
Babban dakine, wanda yake cike da majinyata
A gefen kofan dakin an kafe abun kashe gobara
An bi bangon dakin an lillika hotunan sassan jikin dan adam
.
Babu wani sauti dake tashi a cikin dakin in ba na nishin majin yata, da kuma sautin kukan masu kula da su ba
.
Duk tsananin rashin tausayin mutun muddin yayi duba ga wayannan mutane sai yaji wani abu ya darsu mai a zuciya
Wani daga cikin majinyatan barin kansa ne ya fafe, likitoci sun yi kokari ganin sun dinke masa
.
hawayene  kadai ke kwaranya akan kumatunsa
Abdullahi bai san lokacin da shima ya fara zubar da kwalla ba sakamakon ganin halin da mutanen suke ciki,
“Mutum ba zai taba sanin cewa duniya ba komai bane face wata karamar gida a gareshi wacce take cike da kayan alatu masu janyo hankulan sa ga barin aikin Allah , shi isa manzon Allah SAW yake cewa mu yawaita ziyarar marasa lafiya,
Abdullahi ne yake  zancen zuci
Suka karisa wajen da aka kwantar da mujahid
.
Ga wanda yasan ustazu mujahid indai aka nuna masa shi ayanzu bazai taba yarda cewa shine ba
Ustazu mujahid daya kasance mutum kakkaura mai wadataccen haske, amma yanzu ya koma yankwanne fuskarsa tayi duhu, ya rame sosai ta yadda kasusuwan jikinsa suka fito fili
Yana kwance akan gadon asibitin baya iya numfashin kirki,
Gaba dayan jikinsa ya yankwane
.
Abdullahi ya dafa hannunsa yace
“In Allah ya yarda mujahid zaka samu sauki”
Mama hafsa ta zauna a wani kujera dayake fuskantar gadon da mujahid yake kai tace “ameen”
.
Abdullahi ya dubi mama hafsa yace “mama”
“Na’am” tace tana dubansa
“tun yaushene ya fara wannan ciwo”
Abdullahi ya tambaya
Mama hafsa ta dukar da kanta kas tace “ni kaina ban san lokacin da wannan ciwo yakama shi ba, tun lokacin da ka tafi KANO sai ya kasance ya dena fita ko’ina kullum yana kulle cikin daki
Hatta makaranta ya dena tafiya izan na tambayesa ko me ke damunsa sai yace dani zazzabi ne babu yadda banyi da shi ba akan muzo asibiti amma yaki
,
Iyaka saide na sayo mashi magungunan zazzabi na kawo mai,
Tun waccan satin na fara lura da yanayin jikinsa yadda ya rame ya koma kamar ba shi ba shi isa na takurasa sai yab fadamani abun da ke damunsa ,
Muna cikin hakanne sai kuma Allah ya kawo ka”
.
Abdullahi ya jinjina kai yace “Allah ya bashi sauki,”
,
Wata nurse ce ta tunkaro su tana sanye da uniform din da aka kayyade ma nurse,
Tana isowa wajensu tace “sannun ku”
“Yauwa sannu dai” Abdullahi ya amsa
“Kune ku ka kawo wannan majinyacin”
Ta fada tana nuna mujahid wandaa yake kwance yana barci
“Eh mune muka kawo shi” Abdullahi ya fada
“Likitan daya dubashi yace yana son ganin ku yanzu ” nurse din ta fada
Abdullahi yace “a ina likitan yake”
“Biyone na kai ka”
Nurse din ta fada batare da ta tsaya jIn mai zai kara cewa ba ta juya ta fice daga dakin
Abdullahi ya juya ya dubi mama hafsa yace mata “mama ki jira bari naje naji ko menene”
Ta gyada masa kai
Cikin sauri Abdullahi yabi bayan Nurse din,
.
Wani bangare suka bi sannan Nurse din ta tsaya a gaban wani ofishi
Ta juyo ta dubi Abdullahi “wannan shine ofishin likitan yana ciki “
“Nagode yar uwa” Abdullahi ya fada yana kallon nurse din
Yai sallama tare da murda hannun kofan, sannan ya shiga
Babban ofishine mai madaidaicin fadi, ofishin na dauke da tangamemen teburin gilashi wanda ya kusan cinye rabin ofishin, kalandun sassan jikin dana adam da hotunan kiwon lafiya sune a mammane a bangon ofishin,
Likitan wanda ya kasance Dogo launin tarwada yana sanye da riga T shirt da wandon jeans ya dora farin lab coat a kan rigan , sannan ya rataya magwajin numfashi a wuyansa ya dubi Abdullahi ya ce mai “maraba da zuwa ga wuri zauna”
Ya nuna daya daga cikin kujeru biyun da ke gaban teburin gilashin da tai masu iyaka
,
Abdullahi ya zauna sannan yace “likita ni dan uwan majinyacin daka ce kana bukatar wanda suka kawosa ne,”
“Ok, menene Sunan ka”
Likitan ya tambaya
“Sunana Abdullahi”
Abdullahi yabashi amsa
“Abdullahi a gaskiya munyi wa majinyacin ku gwaji test ga sakamakon da gwajin ya bayar”
Likitan ya fadi yana mai miko wa abdullahi wasu takardu
Abdullahi yasa hannu ya karba yana mai dudduba wa
Lokaci daya fuskarsa ta canja kala, alamun razana suka bayyana a akan fuskarsa cikin jan numfashi Abdullahi yace “kanjamau! Karyane wallahi, taya ma za’ace mujahid yana da Aids, mutumin da ba ruwansa da kowa baya shigan harkan mata,”
Ya dubi likitan yace “likita inajin kayi kuskure wajen bani result dinnan, kila result din wani kabani bana dan uwana ba”
.
Likitan yayi murmushi yace “ka kwantar da hankalinka wannan result din dan uwanka ne, shi yasa ma kaga nace a kirawo min kai don bana son na fada maku hankalin mahaifiyarku ya tashi, kuma ciwon yaci jikinsa sosai, dun ybamu da tabbacin ko zai iya rayuwa”
.

RUDIN SHAIDAN
Gajeran labari
Marubuci
Shuraih Usman
© Shuraih 99% – 2018
Part 7
Karshe
.
Likitan yayi murmushi yace “ka kwantar da hankalinka wannan result din dan uwanka ne, shi yasa ma kaga nace a kirawo min kai don bana son na fada maku hankalin mahaifiyarku ya tashi, kuma ciwon yaci jikinsa sosai, dun bamu da tabbacin ko zai iya rayuwa”
.
“Inna lillahi wa inna ilaihirra ji’uun”
Kalmar da Abdullahi ya runga fada kenan
Bai jira cewan likitan ba ya mike tsaye ya nufi kofan dakin,
.
Kai tsaye ya nufi dakin da aka kwantar da mujahid yana zuwa ya iske mujahid ya farka saide da gani kasan yana cikin mayuwayacin hali duba ga yadda yake ta faman son yai magana amma ya kasa
.
Abdullahi ya dafa kafadarrsa kwalla na gangarowa daga idanunsa yace “kar ka damu abokina Allah zai baka sauki, amma ni nasan wannan ba yin kanka bane, babu tayadda za’ai ka aikata hakan, don ba dabi’arka bace”
,
Mama hafsa ta dubi Abdullahi “me likitan yace ma ka,”
Abdullahi yace ” ba komi mama “
Mujahid ya kalli mahaifiyarsa bakinsa sai murkususu yake, alaman yana son ya fadi wani abun,
Ganin haka yasa Abdullahi ya karkato kansa gareshi ya fara biya masa kalman shahada,
Jin abdullahi ya na biya masa kalman shahada yasa mama hafsa ta fara kuka, don tasan cewa shi kenan dan data mallaka daya tilo zai tafi, tafiyan da bazai sake dawowa ba,
,
Duk yadda Abdullahi yaso mujahid ya yi kalman shahada amma abu gagara a haka har Allah ya karfi ransa batare da ya biya kalman shahada ba
,
Sosai Abdullahi ya girigiza da wannan lamari
Lokacin daya ga bakin mujahid ya tsaya ga yin kakkarwar dayake, jikinsa yayi sanyi
Ya sanya tafin hannunsa ya rufe masa idanuwa yana mai cewa “Allah ya jikanka abokina”
.
**********
Ahalin garin keffi da kewayanta sun yi jimami sosai na rashin, dan uwa,amini kuma malaminsu da sukai, wanda yake kokari sosai don ganin ya gyara halayensu
,
Allah ya jikansa yai masa rahma ,
Ai mujahid mutumin kirki ne
“Ayya yaron kirki’ Allah ya jikansa”
“Malam mujahid , Allah yai masa Rahma”
.
Addu’o’I da fata nagari wanda mutane da dama suke mai kenan,
Wanda ko kokwanto basa yi Aljanna itace makomar mujahid
******
.
“Nan kuma ina ne , me nake anan”
Mujahid ne yake fadin haka lokacin daya tsinci kansa a cikin wata iriyar duniya mai tsananin duhu,
Ihu da ifacen jama’a su kadai kunnuwa ke iya saurara,
Cikin firgici mujahid ya fara waige waige yana kallon wajen fuskarsa cike da Al’ajabi
,
Babban filine  shimfide fetal, ko’ina ka duba a cikin filin mutane ne maza da mata Tsirara haihuwar uwarsu,
Mutanen suna kuka da idanuwansu yayin da wasu bakaken halittu ke gana masu Azaba
,
Wani bakin haske ya bayyana a gaban Mujahid a hankali hasken sai kara yawa yakeyi yana dunkulewa waje guda, wata kakkausar muryace ta fito daga cikin hasken ta yace “sannu da zuwa bil’adama, wanda ya kasance mai sabon ubangijinsa, ina yimaka albishir da tarin Azabobi kala kala”
,
Mujahid  ya tsorata ainun da jin wannan zance duk da bai ga mai maganar ba yace
“Ta yaya akayi na zamo mai sabo, ni da dukkan rayuwata na gina tane akan turban gaskiya,
Ni da na kasance a kullum ina bautan Allah ba dare ba Rana,
na kasance A kullum sai nayi tsayuwan dare, babu satin da bana Azumin lada,i na kyautatawa iyayena, ina bin umarninsu,ban taba aikata wani Sabo ba, ina kyautata Sallah ta, da dukkan Aiyukana, ban taba yin wani Abu don Riya ba, ina kyautata zamantakewana da Al’umma , a iya sanina laifi daya ne na taba aikatawa a ban kasa “
,
Mujahid yayi shiru ga barin magana a daidai lokacin da kakkausar muryan ta sake fadin “wannan laifi da ka aikata shine babban kuskurenka a duniya, Manzon Allah yace a cikin ku bil’adama akwai wata Tsoka izan tsokar nan ta baci toh dukkan jikinku ta baci, haka izan tsokarnan ta gyaru to ba shakka dukkan jikinku ta gyaru, wannan tsokar itace zuciya,
amma kai sai ka biyewa Son Zuciyarka ka aikata mafi munin alfasha, wanda ya bata dukkan wasu kyawawan aiyukan ka na baya,
Ka kasance kana aikata aiyuka masu kyau, kana Sallah akan lokaci, kana Azumtar watan Ramadan, Qiyamul laili ,da sauran ibadu duk kana yi,
Amma daga karshe sai ya kasance ka maye gurbin kyawawan ayyukanka da mummunan Alfasha wacce Allah yai Hani da ita, ka biyewa son zuciyarka har shaidan ya samu Nasara akanka toh yanzu zaka tarar da makomarka”
.
Muryan na gama fadin haka, sai wannan bakin hayakin ya bace bat
Alokaci daya sai kunnuwan mujahid suka tsinkayo mashi wani Kara da rugugi ,
Cikin sauri ya daga kansa sama don ganin me ke wannan rugugin, jin rugugin ta sama yake zuwa
,
Mulmulallun manyan dutsuna ne,suke saukowa daga sararin samaniya wani abun mamaki dayake tattare da dutsunan shine  Wutar dake ci a jikinsu
.
Mujahid ya fara neman taimako ganin cewa dutsunan kasa suke yiwowa
“Ataimakeni, dan Allah wani ya taimaka ma…..”
Maganarsa ta katse lokacin da wata katuwar dutsen wuta ta kusanto kokon kansa,
Wani radadime da zafi ya ziyarci kwanyansa alokaci guda kafin ya sanya hannunsa ya kare a daidai lokacinne dutsen ya sauko a kan mujahid
“Ataimakeni”
“Ataimakeni
“Ataimakeni”
Mujahid ya farka firgigit daga nannauyan baccin data shammaceshi tun shigowarsa cikin ofishin
,
Ya daga kai ya na kallon inda yake
Cikin ofishinsa ne na makarantan Mu’azu bin jabal yana zaune akan kujera ga tarin tulin littafai da takardu a gabansa,
Fuskarsa dauke da alamun firgici, a fili mujahid ya furta”inna lillahi wa inna ilaihi rra ji’un”
.
Sai ayanzu hankalinsa ya kwanta daya fahimci ashe mafarki yake, ya daga hannunsa sama yace “ya ‘Allah na rokeka kada ka sanya wannan mummunan mafarkin dana yi ta zama gaskiya, ni ina cikin bayinka salihai kuma da yardan ka zan kasance a cikinsu har izuwa mutuwana, mata, kudi da sauran kawan Duniya baza su taba janyo mani ra’ayina ko su sayi imani na ba ya Allah ka kare ni daga sharrin Shaidan, don kuwa babu dan adam din daya tseracewa RUDIN SHAIDAN a rayuwa”
.
Azuciyarsa kuwa yana jin  tsanar mace na darsuwa ainun,
Tarin farin ciki ne ya ziyarci zuciyarsa yayi hamdala daya tuna cewa duk wannan dogon Al’amarin rayuwan mafarkine
.
Kofan ofishin ya bude
Kyakyawan matashi, ya shigo a guje ko sallama babu, cikin dimuwa ya dubi mujahid yace “lafiya mujahid naji kana neman agaji”
“Lafiya abdullahi, wani Mugun mafarki ne nayi wanda ya firgitani ainun “
Mujahid ya fada
Abdullahi ya sauke ajiyan zuciya “nagode Allah, Ai na zata ko wani abun ne ya faru,”
Sai a sannan mujahid ya lura da hannun Abdullahi inda yaga wata fankaceciyar shebur din kwashe shara,
“Me kuma zakai da cebur ”
Abdullahi yayi murmushi yace ” na sanka daa tsoron kadangaru, shi isa kaga na zo da shi koda ya kasance kadangare ne ya tsorata ka”
“Assha kadangare sai yasanya ni rafka wannan ihu” mujahid ya fada yana kokarin harharda wasu takardu da suke kan tebur din
Abdullahi ya juya zai futa har ya kai bakin kofa sai ya juyo ya dubi mujahid yace “au na manta ma ban fada maka ba, wata budurwa tana can a waje wai wajenka tazo,”
,
Mujahid ya tsaya da harharda takardun yace “budurwa kuma, wacece ita”
“Bansanta ba amma yadda na lura da yanayinta tana cikin wani hali na rayuwa, don kuwa kuka take yi, ta dai ce min wai dakwai wani batun da take son ku tattauna da ita”
,
Zuciyan mujahid ta buga da karfi
“Uztaz gaskiya yana da kyau mu samu wajen zama domin
kuwa , dogon zance ne zamuyi, don bazan taba
runtsawa ba muddin ban fadi maka ba”
Mujahid ya tuna kalaman Rufaida a mafarkinsa da irin yanayin daya ganta,
Alamun firgici suka bayyana karara a fuskarsa cikin in ina yace “ba,ba,bbb ta fada mmmm ka sunan ta ba”
,
“Ta ce dani sunan ta RUFAIDA wai daga LAFIYA tazo musamman don ta gana dakai”
Abdullahi ya fada cikin kokonto
,
Cak dukkan wasu sinadaran kuzarin jikin mujahid suka tsaya ga barin aiki, zuciyarsa ta fara bugawa sau uku a dakika daya,
Akalla sai da ya samu kansa a cikin wannan yanayi na dakiku 30 kafin ya mike cikin kuzari yace
“RUFAIDA !”
Abdullahi ya dubeshi shekeke yace “ko kasanta ne”
“A’a bansanta ba Amma na wayeta a MAFARKI”
Mujahid ya bashi amsa
“Kaman yaya ka wayeta a mafarki”
Abdullahi ya sakee tambaya
“Dogon labarine zan fada maka anjima amma yanzu kaje ka sanar da ita cewa ba nanan”
.
****
Minti daya kenan da fitan Abdullahi daga ofishin  dukda sassanyar iskar da fankar ofishin ke badawa hakan bai hana mujahid jikewa da gumi ba zuciyansa sai bugawa take,
,
Ya tashi ya fito daga ofishin ya nufi bakin gate din makarantar adaidai wajen wani katanga ya tsaya ya leko da kansa, yadda ya leko din sai ya fi kama da BARAWO yayin dayaje SATA
,
Ya hango Rufaida a tsaye da Abdullahi yana koramata bayanai,
Ya dafe kirjinsa sakamakon ji dayake tamkar kirjin zai fashe,
“Inna lillahi wa inna ilai hirra ji’uun”
Ya furta
Shakka babu ya gane fuskar rufaida ta mafarkinsa wannan fuskar bazai taba mancewa da ita ba har karshen Rayuwarsa
********
Abdullahi da mujahid suna tafe cikin makaranta sun dumfari sashin ofis din Abdullahi, mujahid ya na baiwa Abdullahi labarin mafarkin sa na jiya da kuma yadda mafarkin yake so ya zama gaskiya,
“Allah ya karemu daga RUDIN SHAIDAN”
Abdullahi yafada bayan ya gama sauraren labarin mafarkin mujahid yace Ameen
,
Suka dunguma dukkansu suka shige cikin ofishin
********
“Kwan kwan kwannn kwann”
“Waye wannan”mujahid ya fada daidai lokacin ya fito bayin dake cikin dakinsa yana sanye da jallabiya ya dau makulli ya nufi kofan dakin ya bude,
Mujahid ya dubi karamin yaron da bazai wuce shekara goma sha biyu ba yana tsaye a kofan dakinsa yace “nasir ya akayine”
Yaron da aka kira da nasir din yace “yaya wata mata ce a waje wai sunanta RUFAIDA, wai tana neman ka”
,
Duniyarce ta fara juyawa mujahid da sauri ya dafe kansa yace ma nasir “kace mata bana nan”
“Toh yaya”
Yaron ya juya da gudu ya nufi waje
Mujahid ya dawo cikin dakinsa ya zauna yata tunane tunane,
Kome ya tuno oho, sai ya mike zumbur ya fara hada kayayyakinsa a cikin jaka ,
Cikin kankanin lokaci yashirya cikin fararen Jampa, ya dau jakarsa ya rataya da sauri ya fice daga cikin dakin,
Ya futo kofan gidansu , babu kowa a layin sai yara da ke ta wasannin su ya yafuto kaninsa da hannu, da gudu kanin nasa yazo
Mujahid yace mai “kaje umma na kiranka”
“Toh? Amma yaya zakaje inane”
Nasir ya tambaya
“Kaduna zan tafi” mujahid ya bashi amsa
“Yaya in zaka dawo ka kawo min tsaraba”
“In Allah yayarda, kuma banda rashin ji”
,
Kai tsaye Tasha mujahid ya nufa yana zuwa ya hau motar KADUNA
……..
ALHAMDULILLAH
.
Anan na kawo karshe wannan gajeran labarin nawa
Dafatan ya fadakar kuma ya wa’aza

Post a Comment for "RUDIN SHAIDAN COMPLETE "

Please chat with our team Admin will respond in a few minutes
Hello, is there anything we can help you with?
Type message...