Skip to content Skip to sidebar Skip to footer

Top Widget Posting

RAYUWAR ASMAU CHAPTER 1

RAYUWAR ASMAU CHAPTER 1

- - Post a Comment

  RAYUWAR ASMAU CHAPTER 1




Da sunan Allah mai rahama da jin kai duk kan yabo ya tabbata ga Allah da kuma annabin sa Muhammad (SAW).


Ina godiya da Allah da ya bani ikon kammala *Koma kan mashekiya* Ya bani damar fara wani sabon littafi *ASMA'U HUSNAH*


To Alhamdulillah ina godiya ga rabbil samati wal ardi. Kuma ina rokan Allah ya bani ikon farawa lafiya tare da kammalawa lafiya

*Ameen*


Ya Allah ka jagorance ni wajen mika sakon da nake son mikawa. Allah ka shigen gaba.


Allah ka sa mu gama lafiya.

*Ameen!*


Wannan labarin kagage ne, ni na kirkire shi in kag yayi dai dai da rayuwar ki/ka akasi aka samu.


Da fatan zzai nishandar ya kuma fadakar da masu karatu.


*Nagode*


*Asma'u Husnah* littafinne da ya shafi soyayya, akwai abubuwan tausayi, da zalunci da yan matan suke da yawan yin sa nabin wajen malamai.*


*Banyi alkawarin baku posting kullun ba amman in lokaci ya samu zaku samu da yaddar Allah.*


Bari dai mu shiga daga ciki dan jin abinda ke ciki.


*THE WHOLE BOOK*


*DEDICATED TO MY LOVELLY MOMY*


Allah ya kara miki lafiya da nisan kwana. Ameen Ya Allah.





Kwance take akan gadon ta. Katone, dakin ma kasan abin kalla ne.


Komai na ciki ruwan hoda ne. Gefen gadon durowa ce katuwa, sai mudubi, sai wani table dake gefe.


Littafai ne a cike akai. Gefen dama littafan isilamiyya daya gefen kuma na boko. Sai wata sofa dake gefe guda.


Sai wajen takalman ta, da jakun kuna, dakin sai kamshi yake ko ina a gyara tsab.

Sanyin AC ya ratsa shi, ga dadadan kamshi. Gefe wata kofa ce guda biyu daya wacce zata sada ka da cikin gidan ce. Daya kuma ta bandakin ta ne.

Idon ta a lumshe sai zuba murmushi take.


Baka ce, amman bakin ta me kyau ne irin sune black beauty. tana da hanci da idanu, da yar haba, sai kumatun ta dake a lubawa sanadin murmushin da take.


Girar ta cike take da gashi wanda yake a kwance ke kace gyara ta akayi ko zane akayi ma. Gashin kanta har gadon baya. Leben ta me kyau da taushi. Pink colour.


Magana take kasa kasa cikin zagin muryar ta mai dadin sauraro wacce duk wandan ya saurare ta sai yaso kara saurara ta.


Kunne na kasa dan jin me take cewa.

Muryar ya me sanyi da zaki naji tana cewa,


"Haba Yayana ai nima ka riga da ka dauken tawa zuciyar dan ban da wani abinda nake so da kauna da ya wuce kai."


Fulon dake gefen ta, shi ta ja jikin ta, ta rumgume shi. Tana sauraron maganar da ake fadi daga can ban garen.


Murmushi ta sake saki wanda ya har sai da hakoran ta farare masu kyau, wanda yake dauke da wushirya ya bayyana.


Magana ta fara cikin shagwaba kamar zatayi kuka.

"Wallahi, nima haka."


STORY CONTINUES BELOW

Shiru ta kuma yi tana sauke ajiyar zuciya.


Mikewa tayi daga kwancen da take, wayar ta cire a kunne tana sa ta a spearker.

Gyara zama tayi, tana gyaran gashin kanta da ya barbaje a bayan ta.

Murmushin fuskar ta be dauke ba.


Muryar sa me dadi ta cikaken namiji ta fito ras sai kace a dakin yake.


"Baby na kin fiya shagwaba fa. banda burin da ya wuce na ganmu tare a matsayin ma'aurata. Kece farinciki na. Dake nake son na rayu na kuma mutu dake."


Murmushi da take yi ne ya nin ku. Dan na yanzu har da sauti.


"Nima haka, na maka alkawarin bazan taba barin ka ba har sai in kai ka bukaci haka."


Ta fada tana daure kanta da ribon.


"Wayoo Allah baby nah! Tayaya zan bukaci rabuwa da rayuwa ta. ai Bazan iya ba."


"Yayana ina son ka."

"Baby na son da nake miki bazai taba misaltuwa ba."


Ido ta lumshe lokacin da ya fara fado mata wasu dada dan kalamai.


Ji tayi kamar duk duniya ba wanda yafita dace da masoyi, ba kuma wanda yake cikin farin cikin da take ciki.


Ya dade yana sanyaya mata zuciyar ta da sata nishadi sannan sukai sallama badan sun so ba sai dan kiran magariba da sukaji ana yi.


"Baby nah! je kiyi sallah!"

"To Yayana."


"Ayi mana addu'a"

"Insha Allahu."


Kiss ya blowing ta cikin wayar, wanda taji kamar a fili yayi dan yadda tsigar jikin ta ta tashi.


Murmushi tayi, ta mike a hankali ta fada ban dakin dakin ta.


Masha Allah ban dakin ma kasan sa abin kallo ne. Komai na ciki shima ruwan hoda ne. Wato pink colour.


Wanka ta farayi sannan ta dauro alwala ta fito. Sai da ta goge jikin ta sannan ta dauki wata doguwar riga ta zuro ta dauki hijab ta, tada sallah.


Tana idar wa ta jawo kur'anin ta, ta fara muraja'a sai da akayi isha'i sannan ta dire shi ta mike ta tada sallah.


Ko da ta idar sai da tayi shafa'i da wuturi sannan ta dauko mannta cocoa butter, ta fara murje jikin ta dashi.


Ko powder bata shafa ba, sai man lebe da ta murza akan tatausan leben ta.


Riga da wando ta saka, rigar ta wuce gwiwar ta sai dogon wando.


Turare ta bade jikin ta dashi sannan, ta nufi kofar da zata sada ta da cikin gidan.


Katuwar barander ta fita. wacce take dauke da falo da aka saka mata kujeru masu kyau da tsari.


Ko ina tsab dashi, sai tashin kamshi yake, ido ta lumshe sannan ta bude su. Tare da sakin murmushi.


Matattakala ta nufa Wacce zata sada ta da babban falon gidan.


Tana sauka, Murmushi dake kan fuskar ta ya fadada. ganin yan gidan nasu duk sun halarta a falon.


Katon falo ne, da yasha kujeru masu kyau manya manya. Dakin sai tashin kamshi yake.


Cikin tafiya me daukar hankali ta nufi wajen Dadyn ta.


"Oyoyo Dady nah sannu da zuwa."

Ta fada tana karasa wa wajen sa.


Hannun ta ya kamo,

"Oyoyo *Husnah* ya gidan?"


Murmushin fuskar ta be bace ba, idon ta akan Mahaifin nata. Ta amsa masa da.

"Lafiya lou Dady nah."


Kallon ta yayi cikin kulawa, yace,

"Makarantar fa. Ince ba matsala."


Wani murmushi ta kuma sakar masa.

"Dady komai lafiya Alhamdulillah."


Shima murmushi yayi, yana kallon 'yar tasa,

"Masha Allah! Allah kara dafawa."


"Ameen ya Allah. Dady na taso kaci abinci kaji."


Ta fada tana kamo Hannun sa.


Yayan ta da ke gefe yayi tsaki ya mike ya kamo hannun Mamin su.


Ya fara magana cikin kishi.

"Mami na taso muje kici abinci."


Dariya Dady yayi. Ya girgiza kan sa.


*Asma'u* tace,

"Wai dan na kula da Dady na ko?"


"Ina ruwan ki badai Dady kika gani a falon ba kawai."


Dariya tayi, Haka ma Dady har da Mami.

"Haba Yayana sorry!"


Ta fada da sigar tsokana,

"Muje Dady na."

Suka nufi daining gaba dayan su.


Dady ta fara zubawa abincin sa, sannan ta hadawa Mami tana me murmushi.


Ita da yayan ta, ta hada musu.

"Yayana muci ko?"


Hararar ta yayi ya dauki cokali, suka fara cin abincin.


Sai da suka gama sannan ta kwashe kwanu kan tayi kitchen dasu ta wanke.


A falo ta same su. Gefen Dady ta koma.

"Dady Nah ya gajiyar aiki."


"Gajiya babu."

"Sannu toh! Allah kara budi da daukaka yasa ka gama lafiya ya jikan iyayen ka."


"Ameen! Ameen! *Husnah tah.* "


"Mami sannu da hutawa."

Ta fada tana daga gefen Dadyn ta.


"Sai da kika gama da Dadyn naki."


Dady dariya yayi.

"To kar ta kula da nine. Wai duk kishi kuke da ni bayan kunsan yadda nake da *Husnah* "


"A'ah Dadyn *Asma'u* ni bance ba."

Dariya ya kuma yi.


"Naji baku fada ba amman kun nuna a fuskar ku ko?"


*Asma'u* ce ta fara magana cikin shagwaba,

"Uhmm Dadyn in fa baka nan dasu nake kula."


"To yanzu na dawo kuma sai a kula dani ko?"


"Eh man Dady nah." Ta fada tana dariya.


Dariya sukai duka suka cigaba da hirar su.


Tara da kwata *Asma'u* ta mike.

"Dady nah sai da safe,"

"Allah tashe mu lafiya."


Ya sumbace goshin ta murmushi ta sakar masa. Sannan ta wuce gun Mami.


"Mami nah sai da safe."

"Allah kaimu."


"Ameen Mami nah."

itama a kumatu ta sumbace ta.


Murmushi tayi mata ta wuce gun Yayan ta.

"Yayanah!"


Banza yayi mata.

"Haba Yaya nah."


Hararar ta yayi

"Shikenan. Yayana sai da safe."


Ta shagwabe fuska tayi gaba. Janyo ta yayi, ta fado jikin sa.


"Haba *Asmy nah* "

Fuska ta hade idon ta na kawo ruwa.


"A'ah dan Allah, kada kiyi. yi hakuri. Please Baby Asmy."


Dariya ta saki tai masa gwalo ta mike daga kan cinyar sa.


"Sai na fada wa Anty Zee nah."

Ido ya zaro dan bai son su Mami suji.


Yatsan sa ya daura akan leben sa.

"Dan Allah man,"


Murmushi tayi. tana kada kai, Tayi hanyar benen.

"Yayana Swt dreams of Ur Zee."


Ta fada da karfi, ido ya zaro. Ya mike ya bita a guje.


"Wayoo Dady night!"

Ta diba a guje tayi daki ta rufe kofar ta.


"Wallahi zan kamaki ne."

"Naji din"


Mami da Dady kuwa dariya suke dan *Asma'u* indai batai tsokana ba bata jin dadi indai tana waje sai anyi dariya.




+

************

Tana shiga dakinta! Ta shige bandaki tayo alwala. Kayan jikin ta ta cire ta saka kayan bacci.


Sky blue din riga da wando ne, wanda suke hade da hular su.


Kan gadonta, ta haye tana me yin Bismillah.


Wayarta ta sa hannu ta zaro daga karkashi filon ta.

Kunna ta tayi, Ido ta zaro, tare da daura hannun ta akan bakin ta, missed call din shi ta gani guda biyar.


Murmushi tayi tana girgiza kanta.

Tana kokarin kira sai ga kiran sa nan ya shigo.


Murmushi tayi, ta dauka.


Shiru sukayi ba wanda yace kala. Sun dauki wajen minti goma a haka, Sai numfashin su dake tashi kawai.


Ido ta lumshe, Tana me tunanin kyakyawar fuskar sa.


"Baby nah!"

Yayi maganar da wata irin murya. Dan numfashin ta dake tashi ji yake kamar a jikin sa dumin sa ke sauka.


Kiran sunan ta da yayi shi ya dawo da ita daga duniyar tunanin da ta lula.


"Na'am!"

Ta amsa da wata murya me rikita me sauraron ta.


"Baby na ina kika shiga, duk na rikice. Gashi number su Mami na kira duk sunki shiga."


Numfashi ta sauke,

"Ayyah Yayana Dan Allah kayi hakuri, ina wajen Dady nah ne."


Ajiyar zuciya ya sauke,

"Dady ya dawo kenan."


Itama ajiyar zuciyar ta sauke, tare da yin murmushi.

"Eh!"


"Ki gaishe shi."

Ido ta lumshe,

"Zai ji."


Murya ya kara yin kasa da ita,

"Baby na son ki zai haukatar dani fa."


Ido ta bude da sauri, tare da zaro su ta mike zaune.

"Ya Salam Yayana tayaya?"


Wata ajiyar zuciyar ya sauke dan duk lokacin da *Asma'u* na magana tana kashe masa jiki ne.


" *Husnah* son ki yayi mun kamu sosai. Baki ji yadda naji dana kira bakya nan ba. wallahi *Husnah* nasan bazan taba daina son ki ba."


Murmushi tayi, tare da sauke ajiyar zuciya.

"Shine kuma zai haukatar da kai."


Tayi maganar cikin shagwaba.

"Baki ji yadda naji a time din bane."


Kai ta girgiza tana murmushi.

"To am sorry Yayana Banyi dan na bata maka ba."


"Kar ki damu nasan da haka. Nasan yanzu kuma ana gun Dady mantawa nayi na neme ki."


Murmushi tayi. Ta lumshe idon ta, dan yana da saurin fahimta da bawa mutum uzuri.


"Nagode da fahimta ta da kayi."

"Nagode da son da kike min."


Sukayi murmushi a tare.

"To Baby kije kiyi

alwala kiyi addua ki kwanta."


"Toh!"

ta fada tana tashi daga zaune da take. A speaker ta saka wayar ta wuce ban daki.


STORY CONTINUES BELOW

Sai da tayi, addu'ar shiga sannan ta shiga.

Alwalar tayi, sannan ta dawo Dakin.


"Nayi Yayana."

"To maza yi Addu'a naji muryar ki."


"Toh!" Tace, ta bude tafukan hannayen ta ta fara karantowa.

Falaki da Nas da Kul huwallahu Ahad

Kafa uku uku sannan ta tofa a hannun ta ta shafe jikin ta dashi.


Sai ta karanto Ayatul Kursiyu, sannan ta daura da amana Rasuli,

*Bismika rabi wa da'atu. Janni wa bika arufa'uhu fa ina amusakutu nafsi daru jamha wa ina aru salutaha fa hufazuha bima tahufazu bihi ibadakal salihina*


*Allahumma fina axabaka yauma tabu'asu ibadaka ×3*


*Bismikallahumma Amutu wa ahaya.*

*Subhanallah ×33*

*walhamdililah ×33*

*wallahu akbar ×34*


*Allahuma Fadiri samaqati qal'ard raba kulli sha'in wa malikatu. Ashadu al la'illa anta a'uzu bika min sharri nafsi wa min sharri shaidanu wa shirukihi. Wa an aftalihu ala nafsi au adillahu illa muslim*


"Shafe jikin ki ki kwanta da dama."

Yin yadda ya umarce ta yayi sannan ya karanto mata shima.

"Rufe idon ki."

Rufewa tayi,

"to kiyi bacci me dadi tare dani."


Murmushi tayi tana gyara kwanciyar ta.


Kissoshi ya dinga karanto mata. Tin tana ji har bacci ya dauke ta.


Sai da ya tabbatar tayi bacci sannan ya kashe wayar sa.


Alwala yayi yai addu'a ya kwanta da tunanin Babyn sa a ransa.


Karfe sha daya Mami ta leko dakin nata, bacci ta same ta tana yi.


A gefen ta ta zauna, kanta take shafawa ta zuba mata ido. Ido ta lumshe sannan ta bude.

Addu'a ta kara tofa mata ta ja mata bargo ta fita tare da rufe mata kofa.


Karfe biyar da kwata, ta mike, ban daki ta shiga tayo alwala.


Tana fitowa, taji karar wayar ta.

Murmushi tayi da taga me kiran nata.


"Asssalamu Alaikum!"

"Wa'alaikum salam My Ra'isul khalbi."


"Kin tashi kenan."

"Eh na tashi."


"Masha Allah kije kiyi ibada kiyi mana addu'a."

"Insha Allah!"


Kan sallaya ta zauna sallah tayi raka'a biyu sannan ta dauko alkur'ani.

A dai dai lokacin Mami ta shigo dakin nata.

Akan sallaya ta ganta tana rairo karatun al kur'ani.


Ganin tana karatun yasa ta juya ta fita.


Jin za'a fara kiran sa yasa ta mike tayi raka'atanil fijir.


Tana idar wa ta mike tayo sallah. Ta jima tana addu'ar sannan tajawo kur'anin ta ta cigaba da karanta wa.

Sai da takai izifi biyu sannan ta mike ta dauko littafin makarantar boko tayi bitar karatun ta.


Tana son karatun bayan magariba dana asuba dan in ta karanta ji take, kamar an bude kan ta an zuba mata dan sauki da yadda take fahimtar sa.


Sai shida da rabi ta sauka kasa. Ko ina tsab sai tashin kamshi yake yi.


Murmushi tayi, Mamin ta akwai tsafta da son kamshi.


Kitchen ta shiga, Mami ta gani tana gyara nama.


Murmushi tayi, ta karasa. Durkusawa tayi sannan tace,

"Mami ina kwana?."


Juyowa Mami tayi, ta kalle ta tare da yin fara'a

"Kin tashi lafiya?"

"Lafiya lou."


STORY CONTINUES BELOW

"Kawo na taya ki."

"A'ah jeki wajen Jamila, ki amso dankalin dana bata ta feraye."


"Toh" ta amsa,

Fita tayi wajen masu aikin gidan ta karbo ta dawo.


kara wanke shi tayi sannan ta soya shi sama sama. Ta tsame shi ta kada kwai ta zuba kayan hadi ta dinga dibar soyayen dankalin tana zubawa cikin kwan tana soyawa.


Tana gamawa ta hadawa Dadyn ta kunun gyada da yaji madara yai fari tas da shi.


Tana gamawa ta gyare kitchen din sannan ta wuce sama.


Dakin ta kara gyara wa ta saka room freshner da turare da dadi sanyin AC dakin nata.


Kayyan jikin ta ta cire, ta shige ban daki danyin wanka. Sai da ta fara wanke bandakin ta sannan shima ta bade shin da kamshi. Sannan tayo wankan.


Tana fitowa ta tsane jikin ta, mai ta shafa, sannan ta hade jikin ta da kamshi. Body spary ta dauko na Alharaman da na man sa ta shafe jikin ta dasu.


Hoda kawai ta shafa sai kwalli da ta saka ya kara fito mata da manyan idanun ta. Sai man lebe da ta saka shima, ya amshi leben ta.


shirya wa tayi, cikin wata, bakar doguwar riga da akai mata ado da ruwan hoda.


Ruwan hodar mayafi da takalmi ta dauko, sai bakar jakar ta.


Dakin Dady tayi,

"Dady ina kwana,"

Ta fada tana karasawa wajen sa.

"Lafiya lou *Husnah tah* "


Tea da yake hadawa ta karba ta karasa hada masa.

Fulas ta bude ta zuba masa soyayen dankalin da tayi sai, farfesun duk ta hada masa.


Dankali ta dauka guda daya taci.

"Dady na tafi."


"Ina zaki?"

"Makaranta."


"Kin karya ne?"

"In naje naci a makaranta."


Fuska ya bata. Dawo wa tayi,

"Menene Dady?"


"Zauna kici kinji ko?"

"Toh,"


Ta fada tana daukar kofi zata hada tea.

"Karbi wannan."


Murmushi tayi,

"A'ah! Dady gashi ma zan hada."

"Toh!"


Tana gama hadawa ta saka hannu suna karyawa. Kadan taci ta zare hannun ta.


"Dady na koshi."

"Haba *Husnah* wai meyasa bakya son cin abinci ne."


Murmushi tayi

"Dady duk abincin da naci."


"Kina cin abinci kinji yar gidan Dady."

"Insha Allah Dady nah."


Mami ce ta fito daga daki.

"Iyye wai meyasa kike son kina deben ladan nawa, kici nawa kije kici naki."


Murmushi *Asma'u* tayi,

"Mami duk abinda nayi na bar miki ladan."


"Toh kinji dai."

Dady ya fada.


"Naji amman tana bari na ina yin aikina."


"Da kika samu me son yin aikin ma."

"Rabu da ita dai Dady, haka take cewa in nayi aure bata san ya zatayi ba duk ta sangar ce fa."


" 'Ka niyar ki. Yaushe na ke fadan haka."

"Haba Mami kin manta ne."


"Ina ji dai!"

Ta fita. Tana dariya,


"Dady bari naje kar na makara."

"To *Husnah* a dawo lafiya."


"Allah yasa,"

"Karbi wannan."


Juyowa tayi,

"Dady ka barshi da kudi a hannuna."


"Haba *Husnah* ki karba, kika san wanda zai nemi taimakon ki kuma kika san abinda zai taso miki na kudi."

"Toh Dady nagode Allah kara budi ya jikan mahaifa."


"Ameen! Ameen! *Husnah* "

"Na tafi Dady nah."


"Allah kiyaye hanya. Ayi karatu da kyau."

"Insha Allah."

Dakin ta ta wuce, ta dauki jakar ta. ta dauki waya tayi. ta dauki hoton kanta.


Dakin yayan ta, ta wuce.


Yana kwance akan gado ya rufa da bargo. Murmushi tayi ta karasa kan gadon nasa.


Yaye masa rufar tayi,

"Yaya nah!"


Ta kwala masa kira a kunnen sa. A gigice ya mike. Kallon ta ya tsaya yi.


Baya taja. Tana murmushi.

"Ina kwana Yayana."


Hararar ta yayi,

"Allah *Husnah* ki shiga hankalin ki, ina bacci kizo ki tashe ni."


"Yi hakuri Yayanah, makaranta fa zan tafi shiysa naxo na gaishe ka."

"Wai ke tin yaushe na fada miki bana son kina tadani ina bacci."


Wayar tace tayi kara, tana dubawa taga Zainab ce.


Murmushi tayi ta dauka.

"Besty ya aka yine."


"Kin tsaya tsokanar taki ko? Bayan kinsa Yau Sir Sabir ne damu kuma kinsan baya bari a shiga in an makara, ki kalli agogo karfe tara saura minti goma fa."


Ido ta zaro,

"Wayyo Sis gani nan."


Ta fice a dakin da sauri. Mami taje taiwa sallama sannan ta dawo dakin Ya Buhari.


"Ya please! Kazo ka kaini wallahi Baba baya sauri."

"Naki."


"Dan Allah!"

Ta fara masa magiya. Har da su zubewa a kasa.


"Tashi muje."

yai gaba tabi shi a baya.





Suna shiga mota, Aka kira ta. Dagawa tayi, da fara'a akan fuskar ta.


"Assalamu Alaikum!"

Ta fada dauke da murmushi.


"Wa'alaikum salam!"

Aka amsa mata daga can bangaren


"Ina kwana Yaya nah!"


"Lafiya lou. Kin fita dai ko."

"Gani a hanya."

ta amsa masa"Ina hoto nah?"

y


a tambaya.


"Bari na turo maka. Ina nawa?"

Ta fada tana lumshe ido.


"Naki yana can yana jiran ki."

ya bata amsa.+


"Masha Allah ganawa nan zuwa."

Ta kashe wayar. whatsapp ta hau tayi masa sending pics din da ta dauka.


Nasa ta fara budewa, kallon wayar ta zubawa idanu.


Wani hoto ne ya bayyana, akan wayar ta.

Wani hadaden Balarabe ya bayyana, yana sanye cikin bakar suit, idon sa sanye da farin gilashi.


"Masha Allah! Yayanah kayi kyau."

Ta tura masa.


Amsa ya turo mata.

"Tabarakallah! Allah nagode maka da ka bani wannan kyakyawar yarinyar Allah ka mallaka min ita."


"Ameen Ya Allah Yaya na. Ka fita ne."

"Gani a hanya."


"To kaje ka duba mutane sai anjima."

Ta fada.


"Toh ki kular min da kanki kar ki bari kowa ya kalli fuskar ki."


"Hmm ka kular min da kanka nima."

Ta sauka a online. Titi ta kalla.

"Haba Yaya."


"Mene?"

Ya tambaya yana kallon ta. Fuska ta dan bata ta ce,

"Baka sauri fa."


Murmushi yayi ya ce,

"Karbi tukun."


STORY CONTINUES BELOW

"A'ah yi hakuri. Amman dan Allah ka dada sauri kaga har tara tayi."

ta fada tana marairaice masa fuska.


Sauri ya dada sukayi gaba, yana direta ta bude kofar da sauri.

"Nagode Yayana ka bada sako ga Besty nah."

Ta fada tana murmushi


Hararar ta yayi.

"Ban da wayar ta ne ko baki."


"Allah sarki Yayanah ji zanyi ko da gyaran da zan maka ne dan nasan na fika iya love."

ta fada tana kanne masa ido daya.


Kokarin bude kofa yake ya fito.

"Yi hakuri!"


Ta fada tana yin gaba da sauri.


Kofar ajin ta karasa. Wani kyakyawan saurayi ne a ciki baki ne amman yana da kyau ba kadan ba.


Sai kayi tsamanin irin black american nan ne.


Sanye yake da farar shadda kansa ba kula sai gashi da ya kwanta luf luf akan sa.


Lekawa take yi jifa jifa. Ganin sun hada ido yasa tai saurin dauke kan ta.


Fita yayi ya zuba mata ido. Kai ta dukar kasa. Kallon ta ya cigaba dayi.


"Wa kike nema."

Ya tambaye ta da turanci.


"Uhmm daman yanzu nazo ne."

ta bashi amsa tana in ina.


"Shine kuma me?"

Ya tambaye ya.


"Ba komai."

Ta fada jiki a sanyaye


"Karfe nawa kuke da lecture?"

Magana yake cikin turancin da ya kware a bakin sa.


"Sir karfe tara."

ta fada masa kan ta a kasa.


"What say's d time now (Karfe nawa yanzun)."

"Ban sani ba."


Kallon ta ya tsaya yi. Sannan ya duba agogon hannun sa. Karfe tara da rabi.


"9:30am yanzu ne lokacin zuwan ki."

"I am sorry Sir."


"Naji daga yau kika makara kar ki kara dosan kofar ajina kinji ko?"

Kai ta gyada masa.


Kanta a kasa taki yadda su hada ido dan wani kwarjini yayi mata.


"Shigo ciki."

Ya fada yana yin gaba


A gaban allo ya tsaya tayi hanya zata shige ciki.


"Come here (zo nan),"

Ya fada yana nuna mata wajen da zata zauna. A gaban sa.


Komawa tayi ta zauna, duk dagowar da zatayi idon sa na kanta. Kuma duk tambayar da zaiyi ita yake jefawa.


Sosai take bashi amsa dan *Asma'u* akwai kokari.


Sai karfe sha daya yabar ajin nasu. Tana zaune a inda take zaune sai ga Zainab ta karaso wajen ta.


" *Asma'u* amman fa kinyi sa'a har malamin nan ya bar ki kika shigo."


"Nima nayi mamaki dan kinsan haka yan wacan shekara suka sha fama dashi."


"Dan Allah kina dai kula."

zainab ta fada cikin damuwa dan bata son kawar tata ta rasa aji.


"Kar ki damu yau ma akasi aka samu ne."


Wani malamin ne ya shigo musu, yai musu lectures dan sai karfe daya ya fita.


Yana fita suka shige, masallaci. Sai karfe daya sukai sallah sannan sukayo cafeteria.


Lemo kawai ta karba, sannan ta tambayi Zainab me take so. Ta siya mata.


Suka samu wajen zama.

"Sis wannan gayen fa ya dame ni da maganar ki."


Murmushi *Asma'u* tayi,

"Wane gaye fa."

STORY CONTINUES BELOW

Hararar ta Zee tayi,

"Wai har kin manta."


Asma'u ta ce,

"Wallahi na manta."


Zee ta ce,

"Wannan Nasir din dan unguwar mu."


Murmuahi Asma'u tayi ta ce,

"Oh na tina. Ya akayi."


Dan hararar ta zee tayi ta ce,

"Wallahi ya dame ni ne."


Kallon Zainab Asma'u tayi ta dan saki murmushi ta ce,

"Ki bashi hakuri kinsan dai irin karatun da muke ciki ko?"


Zainab ta ce,

"Haka ne, amman ai karatu mun gama tinda asibiti zamu tafi, ya kamata ki maka ma miji da mun kammala sai mu shige gidan mu ko."


"Haka ne Zee amman nifa nayi karama da yawa!"

Hararar ta Zee tayi.


"Shekara sha tara din shine kike karama. Da da akewa yan shekara goma aure fa suce me."


"Haka ne, Sis ina tsoron aure ne, kuma dai bari kinji na fada miki. Nayiwa kai na miji kuma nasan shi zai fahimce ni ya kuma gatan tani."


Murmushi Zee tayi,

"Masha Allah wane wannan."


"Ya Aslam mana."

Asma'u ta bata amsa tana lumshe ido.


Dariya Zainab ttayi ta ce,

"Wane ma Ya Aslam."


"Ke Zee har kin manta shi. Dan gidan Yayar Mami nah fa. Ta Abujar nan."


"Oh nagane shi. Abinda har gida sun zo tare da Love dina."


Murmushi *Asma'u* tayi.

"Dan haka ki bashi hakuri. Nasan Nasir nada hankali da ilimi komai dai ya hada. Amman ki bashi hakuri."


"Ba komai zan san yadda zan sanar masa insha Allahu."

"Nagode."


"kar ki damu."

Wayar tace tayi kara,


Tana dubawa ta saki murmushi ta dauka.

"Assalamu Alaikum Baby "

aka dada daga can bangaren


"Wa'alaikum Salam."

Ta amsa masa murmushi dauke a fuskar ta.


"Kina lafiya dai ko?"

Ya tambaya.


"Lafiya kai fa?"

"Lafiya Alhamdulilah da fatan kinyi sallah kinci abinci."


"Yaya duk nayi biyu nake jira tayi mu shiga aji."

"Masha Allah abinda na kira naji kenan."


"Nagode da kulawar ka."

"Ba komai."


"To kai kaci abincin da sallah "

Na dai yi Sallah abinci kuma sai na gama aiki zan ci."


"Kai Yaya!"

ta fada a shagwabe

"Yi hakuri befi mutum uku ba kinji "


"Da gaske."

"Eh!"


"To dan Allah kana gamawa kaci."

"Insha Allahu!"


"Yauwah nagode."

"To sai ajima ko."


"Aha bye."

Ta katse wayar.


Zainab ce ta kalleta.

"Kece kuwa *Asma'u* "


"Me nayi?"

"Soyayya "


"Haba Aunty Zee ina wata soyayya anan. In ma soyayya ce ke kika koya min ai."


"Ni kuma?"

"Eh man yadda ko da yaushe kike yi a gabana."


Dariya tayi,

"Tashi mu tafi."


"Toh!"

Suka tafi hall din da zasuyi lectures.


Tinda suka shiga sai bayan hudu suka fito. Suna fitowa sallah sukayi su.


Lokacin har anzo daukar Zainab dan haka ta tafi ta bar *Asma'u* tana jiran azo daukar ta.


Ba tayi minti biyar da zama ba, aka zo daukar ta.


Tana mota Ya Aslam ya kira ta.

"Baby nah ya makaranta."

"Gani a hanyar komawa gida."


"Sannu kin gaji ko?"

"Wallahi, na gaji jikina sai ciwo yake min"


"Sannu kinji ai da ina kusa da nayi miki tausa ko."

Murmushi kawai tayi.


"Yaya nah kai fa ka tashi."

"Ina fa, aiki ma zan fita yanxu."


"To Allah bada nasara."

"Ameen! Sai anjima."


Ta kashe wayar. Idon ta ta lumshe, gaskiya tayi sa'a samun Yayan ta a matsayin me sonta, wanda tasan tin kafin ya fara son ta yake kula da ita da riritata bare yanzu kuma.


A rana sayi waya sau nawa banda text din safe na rana da na dare. Yayanta na son ta sosai da duk tafiyar da zaiyi tsarabar ta daban ce.


Haka nan Ga soyayyar Dadyn ta da itama take kara sa mata nutsuwa.


Tana shiga gida ta tadda Mami a kitchen dan haka kitchen ta shige ta fara taya ta aiki. Sai gab da magariba suka gama sannan ta mike ta hau sama.


Wanka tayi ta saka kaya mara sa nauyi. Turare ta feshe jikin ta sanna ta hau kan sallaya tayi sallah.

Tana idar wa ta dauko kur'ani ta fara bita sai da ta kai ixifi daya sanna taji kiran sallah isha'i mikewa tayi, tayi sannan ta fita zuwa falo.



Kamar kullum sai bayan isha'i na sauka. Da fara'a ta na karasa wajen Dady na.

'Barka da dawowa Dady ya aikin?"
Murmushi yake ta zubawa.

"Yauwah *Husnah tah* aiki lafiya Alhamdulillah! Ya makarantar."
"Makaranta lafiya Dady."

"Masha Allah!"
"Dady tashi muje kaci abinci kaxo ka huta."

"Toh yar gidan Dady."
Suka mike.

Wajen Mami ta karasa,
"Mami taso."

Itama mikewa tayi, sai tayi wajen Ya Buhari,
"Babban yaya taso"

Baki ya tabe ya mike. Gefen Dady ta koma ta kamo hannun sa ta hade dana Momy, suka nufi gun cin abinci.

Sai da ta zubawa kowa sannan ta koma gefen Dady,
"Yau tare zamu ci."

Suka fara cin abincin su.

Suna gamawa tayi kitchen dasu ta wanke sannan ta dawo falon.

Tausa takewa Dady a kafafun sa, yana tambayar ta harkar makaranta.

Karfe tara tayi dakin ta bayan ta gama tsokanar yayan ta tayiwa Dady da Mami sai da safe.

Tana shiga wanka tayi tayo alwala sannan ta murje jikin ta da mai, me kamshi tasaka kayan bacci a jikin ta.

Gado ta hau tana me janyo wayarta da ta ajiye.
Ido ta lumshe lokacin da tayi tozali da hoton Ya Aslam akan wayar ta.

Fita tayi daga galleryn ta duba screem din wayar sakon sa ne akai.

Dubawa tayi.
"Love na dawo gida amman tunanin ki kawai nake. Ji nake dama anyi auren nan muna tare da na shigo nayi tozali dake."

Murmushi tayi,
"Yaya nah ina sonka."

Ta fada tana mai kiran number tasa. Bugu daya ya dauka.
"Hello Habibaty."

"Uhmm Honey, ya gajiyar aiki."
"Ruwan zafi ya tafiyar da ita. Kinga da munyi aure ke zaki gusar min da ita."

"Rai dai wani lokacin ni zan gusar da ita."
"Wayyo Allah! Da kuwa naji dadi. Allah nuna min wannan lokacin."

"Ameen!"
"Fadan me dame zakina min in munyi aure."

Ido ta rufe da hannayen ta, dan sai taji kunya.
"Yaya nah sai anyi aure ka gani."

" *Husnah* kenan baki san yadda nake son ki ba. Na miki alkawarin bazan taba rabuwa dake ba."

"Nima na maka alkawarin baxan taba juya maka baya ba duk abinda zakayi min."

" *Husnah* zan gatataki na nuna miki tsantsar soyayyar da nake miki. Baxan taba barin ki kiyi kuka ba."

"Nima insha Allahu zaka same ni mai kula dakai da kuma faran ta maka."

"In kuwa har hakan ta kasance nasan zaman mu zai yi dadi."
"Allah tabbatar mana da alheri."

STORY CONTINUES BELOW
"Ameen Baby nah. A tashi aje ayi alwala azo ayi addu'a ki kwanta."

A speaker ta mai da wayar, taje tayo alwala ta dawo tayi addu'a duk yana jin ta, ta gama Ta shafe jikin ta.

Kissar Annabi Musa ya ke bata, tin tana ji har bacci ya duke ta.

Sai da ya tabbatar tayi bacci sannan ya kara karanto mata addu'a, sannan ya mike yayo alwala yai sallah ya kwanta yana me karanto addu'ar ya tofe jikin sa da ita.


Kamar yadda ta saba karfe biyar da biyar da kwata ta tashi alwala tayo tazo tayi raka'atanil firji.
A lokacin Ya Aslam ya kirata.
"Baby nah kin tashi dai ko."
"Eh na tashi."

"Kinyi sallah ko."
"Nayi ai tinda ka kara fadan darajar ta ban kara fashin yin ta ba."

"Masha Allah. Sai anjima."
Ya kashe wayar
Sannan ta mike lokacin da ana kiran sallah tayi sallah. Karatun al kur'ani sannan ta dauko littafin makaranta tana dubawa.

Mami ce ta leko ta ganta ta dukufa akan littafin ta,

Murmushi tayi ta juya. Tana son *Asma'u* yarinyar akwai shiga rai da neman ilimi tare da ladabi da biyayya.

Sai karfe shida sannan ta fita.

Falon su a gyare sai kamshi yake da ke Mami da ta tashi take gyara wa. Dan bata yadda da masu aiki suna gyara mata cikin gida ba.

Kitchen ta nufa. Mami ta tadda har kasa ta durkusa ta gaida ta.
Doya taga ta sauke, karba tayi ta fara soyawa sannan tabar kadan tayiwa Dady yamball da ita.

Sai kunun gyada da ta dama masa. Ta kai komai sama.

Sannan ta dawo ta taya Mami gyara kitchen din. Sannan tayi sama.

Dakin ta, ta gyara ta share sanna ta wanke bandakin ta feshe shi da turare ko ina.

Wanka ta shiga tayi ta fito ta shafe jikin ta da mai sannan ta murje jikin ta da humra.

Katuwar doruwar ta. ta bude, Kasa ta duka ta dauko kayan cikin ta. Sanna ta mike ta dauko wata bakar riga me adon ja.

Sai jan mayafi da ta dauko. Babba dashi. Shiryawa tayi bayan ta saka kayan ta kama gashin ta tayi parking nasa.

Jar hula ta saka sannan ta dauko mayafin tayi rolling nashin. Ta dauko turaren ta, ta fesa.

Jakar ta ta dauko ta zuba duk abinda take bukata. Sannan ta dauko wani cover shoe takalmin ta ja tasaka.

Fita tayi ta nufi dakin Dady, yana hango ta ya saki fara'a.
"Dady ina kwana?"

"Lafiya lou *Husnah* kin tashi lafiya?"
"lafiya lou."

"Har kin shirya kenan."
"Eh Dady."

Mami ce ta fito daga dakin Dadyn ita ma taci adon ta tayi kyau.

"Matsa na hada masa abinci."
"Mami bari na hada masa."

Kunun da ta dama ta dauko masa ta zuba sannan ta juye masa madarar ruwa, ta mika masa.

Sai doyar da yam ball da ta zuba masa.

Tea ta hada ta fara sha. Ta dan tsakuri doyar taci.

"Wai *Husnah* baza kina cin abinci ba ko?"
"A'ah Dady wallahi dana fara cin nake jin ciki na ya cika."

"Kina son na fara miki dura ko."
"Ah yoh *Dadyn Asma'u* ai kaima gara ka gane bata son cin abinci."

"Kai Mami."
"Karya zan miki."

"A'ah!"
"Toh ya isa, ke *Husnah* kina cin abinci kinji ko."

"Naji Dady."
"Allah miki Albarka."

"Ameen!"
Hira suka dan taba sannan ta masa sallama ta mike.

Kudi ya kara bata kamar kullun sai taki amsa haka kuma dole zai sa ta amsa dan ko wani zai nemi taimako a gun ta.

Jakar ta, ta dauko, ta shige dakin Yayan ta. Baccin sa yake hankali kwance.

Bude shi tayi ta dinga daukar sa hoto. Sai da ta gama sannan ta tashe shi.

"Ooo *Asma'u* Allah kada ki bari na tashi."
"Haba Yaya ai kai ma kasan bazan iya tafiya ban gaida ka ba."

"Naji nagode dan Allah jeki."
"Please ka tashi kaga princess din taka mana."

" *Asma'u* "
ya kira ta da babbar murya.

"Na'am!"
"Tafi nagode!"

Bargon da ya rufa dashi ta yaye sannan ta fita a guje. Bayan ta yabi da gudu shima.

Dakin Mami ta fada tana.

"Mami kingan shiko."
Tayi bayan ta.

"A'ah fah *Asma'u* kin cika tsokana kin qi dai ki girma ko."
"Mami shikenan bazan je na gaida Yayana ba. Bayan tin muna yara ake cewa muna gaida na gaba damu."

"Oh sai akace in yana bacci ma a tashe shi a gaisar."
"To Mami dan me bazai tashi ya wuce aiki ba ko dan yasan a karkashin Dady yake aiki."

Dai dai lokacin da ya shigo dakin. Kara kamkame Mami tayi tana ihun ta taimake ta
"A'ah a'ah Buhari rabu da ita kayi hakuri kaji."
"Haba Mami kullum sai ta tada ni ina bacci."

"Yi hakuri kaji baza ta sake ba."
Lokacin wayar ta ta fara qugi. Da sauri ta dauka.

"Baby kindai fita ko!"
ya tambaya daga can site din.

"Yanzu zan fita."
Ta fada tana kallon Mami.

"8:30 fa kina kuma da lecture 9 me kika tsaya yi."
ya tambaya.

"Yi hakuri na tafi."
Ta fada tana diba a guje, tana cewa
"Mami na tafi. Yaya kayi hakuri sai na dawo."

"Tafi dai a hankali. Kar ki fadi."
Mami ta fada.

"Allah ya kara kullun sai ta tsaya tsokana taje ta makara."
Yayan ta Buhari ya fada.

"Ya Aslam na fito."
Asma'u ta fada bayan ta fita compound din gidan.

"To daina gudun kada ki fadi."
Ya fada cikin tausasa murya.

"Toh!"
to ta amsa.

"Tsokanar kika tsaya ko?"
ya tambaya dan yasan hali.

"Yaya kaima tsokanar zaka ce ina yi zuwa nayi fa mu gaisa."
Tai maganar cikin shagwaba wacce ta riga ta zame mata jiki kasancewar ta Autah.

"Kuma yana bacci kika tashe shi ko?"
Ya fada daga can barin.

"A'ah fa."
Ta fada masa tana karasawa wajeen motar gidan su,

"Ki daina dai."
"Toh!" ta amsa.

"Bari mayi magana anjima."
"To a dawo lafiya."

Ya ce,
"Ni tin dazu ina office. Ke zan cewa a dawo lafiya ayi karatu."

"Insha Allah!"
"Bye!"

Tana karasawa Baba driver ya tashi ya bude mata.
"Baba nagode."

Ya shiga gidan gaba yaja suka tafi.

Sai daga baya ta samu ta gaida shi. cikin sa'a tara saura minti biyar ta shiga makaranta.

Da sauri ta karasa hall din da suke daukar darasi.

Tana shiga har Zainab ta sama mata wajen zama..




+
Sai bayan sun fito Zainab ta samu damar yi mata korafi.
"Wallahi ke dai kin baci yanzu."

"Da me?"
"Makara mana. Gobe dai Sir Sabir ne."

Murmushi tayi!
"Ki kwantar da hankalin ki da wuri zan fito."

"Allah yasa."
"Ameen!"
*-*-*-*-*-*-*-*-*-*-*
Zaune yake cikin office din shi ba abinda yake sai tunanin ta duk inda ya juya hoton fuskarta kawai yake gani.

"Ya Salam! Allah ka dauran abinda zanyi dashi."

Ya fada yana jinginar da kan sa a jikin kujerar da yake zaune.

Yarinyar tayi min, irin ta nake son aura. Gaba daya ta gama tafiya dani.

Ido ya lumshe yana tuna maganar Mamahn sa.

"Sabir kana girma amman har yanzu kaki ka kawon matar aure ko, ga yan mata nan a family amman duk kaki ka kula su ko."

"Mamah ki kara min affuwa na kusa kawo matar da zan aura."

"Allah nuna min."
"Ameen!"

Ajiyar zuciya yaja.
"Insha Allahu na samu mata."

Ya fada yana bude firij din gefen sa ya dauko lemo.

Haka ya koma gida sukuku dashi duk ba wani karfi a tattarre dashi.

Yana shiga Mamahn sa tasan da abinda ke damun sa.

"Sabir lafiya dai ko?"
Murmushi ya kakalo.

"Lafiya lou Mamah."
"Ka tabbata."

"Eh!"
Ya fada yana daga mata kai.

"Taso kaci baccin ka kaji."
"Mamah sai anjima."

"Sai anjima"
ta tambaya dan tabbatar wa
"Eh!"
Ya amsa mata.

"Allah ya kyauta."
ta fada. Tana kallon sa.

"Abbu ya dawo ne?"
Ya tambaya.

Mamah ta ce,
"Yana dakin sa."

Sabir ya ce,
"Ohk bari naje na dan huta in na fito ma hadu."

Kallon sa ta tsaya yi, saboda tasan indai Abbu na nan ba abinda ke rabasu da gudu zaiyi wajen sa.

Kai ta jinjina Tana me masa Addu'a a cikin zuciyar ta.





Wata kyakyawar farar yarinya ce, doguwa ce, siririya amman sam bata da shape.

Zaune take a katon falon ta kayan marmari ne a cike a zube sai wata kawar ta dake gefen ta.

"Preety wai ya zancen Aslam kin shawo kansa dai ko."
gyara zama wacce aka kira da Pretty tayi. Ta ce,
"Ina fa, abi ya ci tura."

"To yanzu mene abin yi."
"Wajen Malamin nan nake son zuwa. Wallahi bazan iya rasa Aslam ba shi ya nacewa karamar yarinya kome tafini dashi oho. Amman wallahi sai na raba su."
preety ta fada.

STORY CONTINUES BELOW
kawar tata tace
"Preety ina bayan ki. Amman ina zakije wajen malamin?"
"Kinsan gobe zamu tafi Dubai ni da Moma. To da mun dawo zan shirya zuwa nijar."

"Allah dawo daku lafiya."





Kwance *Asma'u* take akan sofar dake dakin ta. Waya ce a kan cikin ta.

Sanye take da dogon wando, sai riga purple wacce da kadan ta wuce gwiwar ta.

An mata ado da stones sai kwalli suke yi. Kanta hula ce baka.

Idon ta a lumshe sai kace me bacci.
"Kina jina."

Ya fada daga cikin wayar. Sai da ta sauke ajiyar zuciya sannan. Ta amsa masa da.

"Eh! Ina jinka."

Ya cigana da fadin.
" *Husnah* wallahi kin sacen zuciya ta gaba daya. Ban da tunani da buri in ba na na mallake kiba."

Shiru tayi,
"Wallahi zan iya sadaukar da kome nawa dan samuwar farin cikin ki. Na miki alkawari ba abinda zai raba mu sai mutuwa."

"Yayanah na yadda dankai kuma nasan kai me sona ne. Nima bazan taba barin ka ba ko juya maka baya ba."

"Nagode *Husnah* Allah miki albarka. Allah mallakamin ke."
"Ameen Ya Allah!'

Aslam ya ce,
"Toh yanzu me kike."

Asma'u ta ce,
"Ina kwance ne."

Aslam ya ce,
"To maza tashi kije kiyi alawala kinga magariba ta kusa kiyi ta lazumi."

Asma'u tayi murmushi ta ce,
"Toh Yayanah."

Shima murmushi yayi ya amsa mata da
"Aha Sai Anjima."
Mikewa tayi ta shige bandakin ta tayo alwala. Akan sallaya ta zauna tana lazimi. Sai da taji kiran sallah sannan ta mike ta tada. Tana idarwa ta dauko alkur'ani ta fara karantawa.

Sai da aka isha'i sannan ta mike tayi sallah. Ta jima tana addu'a sannan ta shafa ta mike ta fita falo.

Tin daga bene ta fara cewa.
"Dady nah Oyoyo!"

"Oyoyo *Husnah* ta."
Ta sauko ta karasa wajen sa.

"Dady Ina yini?"
"Lafiya!"

"Dady ya aiki."
"Lafiya Alhamdulilah! Ya makaranta."

"Makaranta lafiya Dady!"
"Masha Allah! Badai wata matsala ko."

"Babu!"
"To Allah yayi albarka."

"Ameen!"

Ta juya wajen Ya Buhari.
"Ah Na Anty Zee barka da dawowa."

Hararar ta yayi ya dauke kai.
Dariya ta saki.

"Dady kaga ina masa sannu da zuwa ya harare ni."

Murmushi Dady yayi, ya ce,
"Wai wace Zee din nan ne?"

"Sis yi hakuri dan Allah!"
Ya Buhari ya fada yana marairace mata.

Asma'u ta kanne ido daya tace,
"Yo Dady ai ka gane kawai."

kai Dady ya dan daga ya ce,
"Oh nagane yar gidan Dady."

Suka yi dariya gaba dayan Dakin.
"Ai ni gara ya kawon surikar wallahi."

Mami ta fada tana kallon sa. Shi dai kasa yayi da kansa kawai.

"Ai fah!"
Dady ya fada yana kallon *Asma'u*

Gira ta dage masa. Suka saki murmushi tare.
"Uhmm Abban nah tashi muje kaci abinci."

Ta kama hannun sa.
"Mami ku taso muci abinci."

STORY CONTINUES BELOW
"To!"





Kamar kullum bayan tagama tsokanar Yayan ta ta haye sama. Tai wanka tayo alwala ta shirya cikin kayan baccin ta.

Kwanciya tayi tana jiran kiran sa. Ai kam ko minti uku batayi ba sai ga kiran sa nan.

Murmushi ta saki wanda ya kara fito mata da ainihin kyauwun ta.

Muryar Aslam ce ta daki kunnen ta bayan ta kara wayar. ya ce,
"Hello! Baby nah!'

Gyara kwanciyya tayi ta ce
"Na'am my Yaya."

Murmushi yayi ya ce,
"Ina matukar kaunar ki Habibaty."

Asma'u ya ce,
"Nima haka Yaya nah."

Aslam ya ce,
"Kinsan me?"

kai ta girgiza kamar yana ganin ta ta ce,
"A'ah!'

Aslam ya danyi jim sannan ya ce,
"Wani abu na gama tunani."

Da sauri ta ce,
"Na mefa?"

Aslam ya ce,
"Hmm tunani nayi a duk cikin duniyar nan duk cikar ta sai Allah ya hada mu a soyayya bayan nasan kin fini komai da komai. Allah nagode maka."

Ajiyar zuciya ta sauke ta ce,
"Haba Yayana me nafika, kai ma kasan ka fini. ni zan yiwa Allah godiya da ya hada ni da miji kamar ka."

Aslam ya ce,
"Baby kin wuce duk inda nake tunani. Ke ta daban ce. Haka son ki ma na daban ne a cikin zuciya ta."

Ta ce,
"Yayanah nima haka kake a zuciya kana da matsayin da ba wanda yake dashi a guna. Kana da gurbi na daban a cikin zuciya ta."

Murmushi yayi. ya ce,
"Kisani dake kadai zan so na rayu kuma na mutu. Har abadan da ke nake son na kasance."

Shiru tayi! Tana me sauraron sa tare da lumshe ido fuskar ta na fitar da wani murmushi na nishadi da farin ciki.

Ya cigaba da magana,
" *Husnah!* Zuciya ta da taki abokan juna ne da basa taba rabuwa ko agun bacci Ido biyu ko a cikin bacci na ke nake tunani haka ma a fili. Wallahi son ki ya zama jinin jikina rabani dashi tamkar raba ni da rayuwa ta"

Ido ta bude ta ce,
"Yayanah na yadda dakai haka duk abinda zaka fada suma na yadda dasu. Kar ka damu insha Allahu ni taka ce har abada."

Aslam ya ce,
"Nagode *Husnah* zan miki alkawarin bazan taba rabuwa dake ko juya miki baya ba."

Asma'u tace,
"Nima insha Allah bazan taba barin kaba sai dai in har ka ka bukaci hakan."

"Shittt!"
Ya fada da karfi.

"Indai nine bazan taba bukatar hakan ba."

"Allah ya sa."
ta fada a sanyaye

"Baki yadda ba."
ya tambaye ta

"Haba dai na yadda da Yayanah. Kai dai kawai kace Ameen."
Ta fada duk yanayin ta a sauye.
"Toh Ameen ya Rabbi."
"Yauwah ko kai fa."

Dariya ya saka.
"Lalai Baby nah. Kin mai dani kamar Baby ko."

Murmushi tayi ta ce
"Oh to mene in na maida kai Baby nah!"

Dariya yayi ya ce,
"Ba komai nasan zan sha gata ne ma."

Ta ce,
"Ashe ka gane."
"Eh! Amman fa kece Baby."

"Wai nice Baby shekarata nawa."
ta tambaya taba turo baki

Murmushi yayi dan yasan *Husnah* da son girma ya ce,
"Ni a wajena ina kallon ki kamar yar shekara biyar dai dai lokacin da yara suka fi shagwaba da rigima."

Baki ta bude ta ce,
"Lalalah! Ni din biyar fa kace."

Dariya Aslam yayi ya ce,
"Eh man."

Asma'u ta ce,
"Yaya ka manta shekara tane."

ya ce,
"Shine nace a wajena ai."

Ta ce,
"Oh! Saboda me to?"
"Saboda Babies abin rarashi ne da tarairaya da shagwabawa. Wannan yasa nake kallon Baby nah ahaka saboda na mata duk abinda na lissafa."

"Oh inkuwa haka ne. Na yadda ni Babyn kace."

Dariya yayi ya ce,
"Yauwah Baby nah."

"Toh nima kai Baby nane. Tinda ina son ina maka abubuwan da ka fada."

" *Husnah* kenan. Dare yayi aje ayi alwala azo ai addu'a"
"Toh"
Ta fada tana mikewa.




*Morning My Yan uwa*

Hhh wai da gaske Asma'u life na burge ku. To haka ake so mutum ya kasance kar ya dulmiya da duniyar nan sosai. A komai kana riko da alkur'ani kariya ne gare mu sosai.
Muna godiya da Allah yayi mu a matsayin musulmai kuma yake bamu ikin karanta sakonnin sa. Wanda duk karantawa da zamuyi muna samun lada mai yakai wannan dadi.
Kana karantawa kana jin dadi da annushuwa da nishadi. Sai alkur'ani.

Alhamdulilah
*Muje zuwa*

Post a Comment for "RAYUWAR ASMAU CHAPTER 1"