FmD4FRX3FmXvDZXvGZT3FRFgNBP1w326w3z1NBMhNV5=
items

BABBAN GORO CHAPTER 7

BABBAN GORO CHAPTER 7
Da sauri ra nufi ɗakinta, tana shiga ta maida kofar ta rufe tana maida numfashi, Ta daɗe a gurin a zaune, kamin ta tashi jiki ba kwari ta shiga banɗaki, ta kunna fanfo tana kwanke fuskarta da hanci. Fashewa tayi da kuka lokacin da idonta suka kai kan madubin dake gabanta ta kalli fuskarta, sai ita kanta taba kanta tausayi,a gefe ɗaya kuma Mummy take tausaya ma bata san halin da zata shiga ba idan bata raye tasan yadda Mummy take son ta kuma suka Shak'u, Mummy bata da kowa a yanzu sai ita kamar yadda itama bata da kowa sai mummu, toh idan guda ya mutu ya bar guda ya guda zaice ta rayuwarsa zata kasance? A hankali ta sulale kasa tana tana rera kuka a hankali, ta yadda babu wanda zaiji sai wanda ke kusa da ita, jinin ko sai zubo mata yake kamar ana k'ara turo shi. Kuka tayi sosai har idonta ya lumbura, fatar idonta tayi ja, sai da taji an kira sallah, sannan ta tashi tayi alwala ta ɗauki wani karamin tawul ta rufe hancinta dashi saboda zubar da jinin yake mata, sannan ta fito daga banɗakin kamar wanda aka cirewa lakka. Tawul ɗin tasa ta ɗaure hancinta sannan ta canja tufafin dake jikinta ta saka hijab tayi ta soma sallar, bayan ta kare ta cire tawul ɗin ta kai shi toilet ta sake ɗauko wani tana daɗe hancin da shi kamar mai jin wari,+ “Minal...-” Jin kiran Mummy yasa ta kara gyara zaman tawul ɗin a hancinta ta juyo tana kallon kofa, Mummy ta shigo fuskarta shimfiɗe da murmushi, “Minal muje kici abinci nasa an... -” Shiru tayi bata k'arasa ba lokacin da hankalin ta ya kai kan hancin Minal, Cikin tashin hankali ta k'arasa kusa da ita, ta dafata tana tambayar ta muryar ta na rawa, “Minal...mi..ya sa...mu hancin... Cin ki? Ko ciwon ne ya tashi” Murmushi tayi kamar da gaske, babu abinda yake damunta, “A'a Mummy mura ne” Kokarin goge hancin ta tayi ta yadda Mummy ba zata gane ba, ta buɗe shi tana faɗin, “Kin gani, mura ne babu wani abun majina ce take min zuba” Tana faɗar hakan ta maida tawul ɗin kan hancinta, sanin idan bata mayar ba jinin zai iya mata zuba har Mummy ta gani, Mummy bata sake ce mata komai ba sai kawai ta mata murmushi ta juya ta bar ɗakin zuciyarta na rawa da bugawa, Sauri sauri take mai kamar gudu ta nufo falo da zimmar ɗaukar wayarta dake kan kujera, “Lafiya Mummy?” Kairat ta tambaya ganin yadda hankalin Mummy ya tashi, “Minal ce na gani tana rufe hanci ina jin ciwon ta ne ya tashi tace min mura ne amman nidai ban yarda ba” Cikin muryar kuka take bata amsar, tana neman wata number a wayarta, Da gudu Kairat ta tashi ta nufi ɗakin Minal, durfane ta tarar da ita tana kuka kamar mai neman gafara, da sauri ta dafata idonta cikin da hawaye tace “Sister are you crying?” “Yes Kairat bazan iya ɓoye miki ba, but please karki faɗa ma Mummy” “Oh my God” Da sauri ta tashi ganin yadda jinin take zuba a hancin Minal ta nufi kofar fita, Minal. Sai kiranta take amman bata jita ba tsabagen hankalinta baya gurin. Karo suka tashi yi da Mummy, dan tana kokarin fita Mummy ta shigo, Da gaggauwa Mummy ta nufo Minal, “Tashi muje asibiti na kiran Likitanki baya nan amman yace zai kira wata Dr. Zainab zata duba ki” Tashi tayi ba musu, Mummy ta rik'a ta suka fice, gidan baya ta zauna ita da Kairat Mummy na driving suka nufi asibitin. *** *** *** Kaɗan-kaɗan yake cin abinci yana wasa da bakin kofin da aka zuba masa drink, Momi na lure dashi, tun zaman shi gurin chokali huɗu kawai yakai bakinsa sai kamar wanda baya son abinci ko kuma aka sashi ci dole, Tasan matsalar iyaline take damunsa tunda Safiyyah ta faɗa masa abunda ya faru tsakanin sa da Minal, yanzu kuma yayi dawowar da ba'a zata ba kuma yaki sauka gidansa ya sauka a gurin ta, “Saif duk kai kasa kanka cikin wannan matsalar yanzu da ace yar'uwarka ka aura zaka shiga wannan halin ne? Yaro da kai kana jama kanka matsala haka siddau” Ajiyar zuciya ya sauke ya busar da iskar bakinsa, “Oh Mummy so nawa zan faɗa miki Safiyyah bata daga cikin tsarin matan da nake so wallahi bazan iya aurenta ba kuma ko na aureta ba daɗi za muji ba tunda ni bana so” “Su waɗannan da kake so ai sun nuna maka son duk cikin su babu na kwarai kowa gasa maka giɗa yake a hannu, da ita ka aura da duk haka bai faru ba tunda ita tana sonka” “Ko tana sona dole ne sai hak'uri tunda ba ayi ma namiji auren dole” Tashi yayi dan baya son ta kara sako masa wata maganar, ya ɗauki makulin motarsa yana faɗin “Ga file can idan Dad yazo sai ki bashi ni zanje gida” Taɓe baki tayi, “Toh ka gaida gidan kuma ina son ka natsu ka sake tunani Saif.... ” Bai ce mata komai ba ya juya ya fice ransa a jagule ita kuma ta bishi da kallon tausayin halin da ɗan nata ke ciki. *** 11pm, dai-dai Minal ta farka, ta kwashe awa biyu tana bachi, dan suna isa Dr. Zainab ta karɓe aka wuce da ita ICU Unit 2 tayi mata alurrar bachi, ta saka mata drip. Kokarin tashi ta shiga yi sai taji an rik'a ta an tayar zaune, ɗago kai tayi suja haɗa ido ta Kairat fuskarta shakaf da hawaye, Saurin ɗauke kai tayi, tana haɗiye yawu, “Ki aje kukan ki har lokacin da yinsa zaiyi sai kiyi amman ba yanzu ba” Hannayenta Kairat ta kama tana kuka, “Minal mi yasa kika saka kanki a damuwa, Dr. Tace ciwon ki yayi tsauri sosai” Dr. Zainab ce ta shigo, rike da wasu files, ta shiga duba Minal da tafiyar numfashinta a computer tana rubutawa. A nan Minal tayi ta kara matse hannunta cikin na Kairat idonta cike da hawaye tace, “Sis please promise me zaki kula da Mummy” “I don't have to kinsan zan kula da ita, amman ki bar wannan maganar” Hawaye ne suka shiga zuba a idon Minal, ganin hakan yasa Kairat ta kasa ɓoye kukan ta har sai da ta fasa shi, “Please stop crying Sis you are very strong woman i wll fight it you can fight this sick” “Bana tunanin haka Kairat wannan ba irin ciwon da kike tunani bane, blood cancer ne kuma kinsan ina da sikila. Kairat Mummy ce damuwa ta bansan irin halin da zata shiga ba. Zan mutu da bakin cikin abu biyu a rai na bakin cikin zan mutu na bar Mummy ita kaɗai kuma Saif yana min kallon maciyiyar amana” Ido Kairat ta tsura mata tana hawaye, Dr. Zainab ma kallonta take cike da tausayawa. Tsit ɗakin yayi, kamar ba kowa babu abunda kake ji sai sautin kukan Kairat, Minal ma kuka take amman ba mai sauti ba, Dr. Zainab ta dafa ta idonta cike da hawaye,+ “You have to be strong, ciwon dake jikin ki ba shi ke tabbatar miki da mutuwa zaki yi ba, so nawa masu lafiya suke mutuwa su bar marar lafiya? Wannan ciwon naki dalilin tashin sa rashin shan magani da kike yi har na tsawon watanni kuma kika ɗauki damuwa kika saka a cikin ranki, ki sassautawa zuciyarki ta yadda zai taimaka mana gurin daidai ta tafiyar numfashinki da kuma samun lafiyarki, sannan kuma ya taimaka kama baby dake cikin ki tayi rayuwa mai lafiya” Da sauri Minal ta kalleta, cike da rashin fahimta, Kairat ma kallonta take dan tayi maganar ne kamar a dunk'ule, “Dr ban fahimta ba me kike nufi ne?” “Kar dai kice min baki san kina da ciki ba?” Ta tambaya tana kama hannun minal tana saitawa da agogon dake manne a hannunta, “Kina nufin Minal tana da ciki na haihuwa?” Kairat ta tambaya, cike da son sani Dr Zainab tayi murmushi, “kina da ciki na haihuwa na uzara da nasa miki ɗazu na'ura ce dake nuna duk abinda ƴake cikin jikin mutum ta nuna kina ɗauke da ciki na wata uku har da yan kwana ki” Rufe baki Kairat tayi tana murmushi mai haɗe da hawaye, Minal kuma ta lumshe ido tana haɗiye yawu, “Nasan Saif zai fi kowa farinciki idan yaji saboda yadda ya daɗe yana neman haihuwa” Buɗe ido Minal tayi ta kalleta, wacece ita? ya akayi tasan Saif? taya ma tasan ita matar Saif ce, “Wacece ke?” Kairat ta tambaya cike tana mata kallon rashin yarda, zaunawa Dr.Zainab tayi saman gadon ta Minal take ta kama hannunta tana murmushi “Karki yi mamakin taya nasan Saif kike aure, ke da shi duk yan manyan mutane ne kinsan babu yadda za'ayi ayi auren ku yan kasa basu sani ba, babu jaridar da bata buga labarin auren ku ba anan najeriya, nasan Saif yana matukar son haihuwa ne saboda abokin aiki na ya taɓa duba shi shi da matarsa” Minal ta share hawayen da suka zubo mata, “I just can't believe ina da ciki bsn taɓa jin alamu ba” “Ba lallai bane kiji alamu akwai cikin da sai ya girma yake sa mace ta canja wani kuma tun farko yake sawa wani kuma sai a tsakiya” Lumshe ido Minal tayi tana maida numfashi, Dr. Zainab ta kalli Kairat “A bata kayan marmari taci fruit kar a bata abu mai zafi da kuma mai nauyi idan tace zan dawo na bata magani” Ta faɗa tana haɗa takardun dake hannunta, kai Kairat ta ɗaga mata “Okey Doctor thank you” Murmushi tayi “It's my job” Bayan ta fice, Kairat ta rumgume Minal tana dariya, “I can't believe this dear Alhamdulillah naji daɗi sosai” Murmushi Minal tayi wanda ba zan iya fassara yanayinsa ba na farinciki ne ko akasin haka ko kuma na har ƴyanzu bata yarda da tana da cikin ba! Shigowar da wata abokiyar Mummy tayi ko kuma nace mai take mata baya, yasa Kairat ta sake ta suka kalleta, ko wanne fuskarsa babu ɗauke da murmushi, “Masha Allah Minal an samu sauki Allah ya kara lafiya haka muke son gani” Ta faɗa yayin da yake kokarin karasowa kusa dasu, Kairat tayi dariya “Ina Mummy ko tayi bachi ne?” “Ai kinsan ba zata iya bachi bata Minal a ido ba taje gida ta ɗauko wasu abubuwan ne” Kairat tayi murmushi mai sauti, “Nasan Mummy idan taji zata fi kowa farin ciki nice zan faɗa mata” Murmushi matar tayi duk da bata san me suke yima murmushin ba tace, “Kamin na manta akwai wani da yazo yanzu yana son ganinki na faɗa masa ma bachi kike amman yace yana son ganin ki ko da kina bachin ne nayi nayi dashi yace shi sai ya ganki” “Wanene?” Minal ta tambaya, “Ban san shi ba amman dai yace min Deen ne sunanshi” Da sauri Kairat tace, “Karki barshi ya shigo je kice bachi take” “No Sis” Minal ta tari numfashinta, “Barshi ya shigo inason magana da shi” “Minal why mutumen nan fa shiya yayi miki wannan abun ki ganshi kiji me?” Minal bata ce mata komai ba ta kalli matar kawai tace, “Je kice ya shigo” Tashi tayi ta juya ta fice, Kairat ta tashi a fusace tana faɗin, “I hate you Minal” Minal ta amsa mata, “I know” Taja tsaki ta tashi rai a ɓachi ta fice. Bata fi minti biyar da fita ba Deen ya turo kofar ɗakin ya shigo, fuskarsa cike da damuwa suna haɗa ido da Minal.yayi saurin kauda nashi idon kamar mai jin kunya, “Why are you here?” Ta tambaya murya kasa-kasa. kamar ya fasa kuka ya karaso kusa ita yana faɗin, “Naji ance ciwon ki ya tashi” “So what is your concern” Risinawa yayi yana kallonta, “Deen i care for you... -” “You care for me?” Ta tari numfashinsa, “Did you hear yourself? you are the reason why I'm here you are the reason why I'm like this, ka kashe ni da rai na Deen you betray me, Duniya tana kokarin karantar dani darussan da ban cancanci koyon su ba, everyone is trying to hurt me even the I trust, miyasa rayuwa ta zamo min haka? what I have done?” Ta karasa maganar cikin kuka. Hannu ya kai zai rika hannunta, “you didn't done anything Deen” Da sauri ta janye hannun, “Don't touch me” Ta faɗa kamar a tsawace, bai damu ba ya cigaba da faɗin maganar dake bakin shi, “Sani akayi Deen, ba wai dan naso ba sai dan ina tunanin idan nayi hakan Saif zai sake ki sai ni kuma na aure ki i love you Minal” Ta gyara zamanta, “Miyasa baka faɗa min kana so na ba tun farko? da ka faɗa min da bazan zaɓi Saif na barka ba ban tsɓa maka kallon masoyi ba kallon amini nake maka kuma ɗan'uwa, tell me waya saka ka manta da amintar dake tsakanin mu ? waya sa ka cutar dani bayan baka taɓa min haka ba? waya saka ka cuci kawarka aminiyarka wanda ta aminta da kai waya saka ka cutar da wanda farin cikin ta kaɗan ne?” Kasa amsa mata yayi sai hawaye yake, yana kallonta cike da tausayawa, itama hawayen take tana kallonshi, Suna Haka Kairat ta turo kofa ta shigo, rike da plate ɗin fruits fuskarta babu annuri ta kalli Deen, “Fita zata ci abinci” Hannu yasa ya share hawayenshi murya na rawa yace, “Please Kairat Let me talk to her” Tsaki taja ta aje plate ɗin, ta shiga jan rigarsa kamar wani yaro, “Tashi ka fita nace kace haka kake son ganinta kuma ka ganta ko ba haka kake son ganinta ba ƙwance” Duk yadda yaso ya tsaya kairat kin tsayawa tayi sai turashi take waje, a bakin kofa ya tsaya yana kallon Minal yace, “Minal kisa wannan a zucuyarki Deen yana sonki yana kaunarki kuma yayi nadamar abunda yayi and he always care for you” Kau da kai tayi hawaye suka gangaro mata, Kairat kuma ta tura kofar ɗakin da karfi tana matsifa. WASHE GARI............ Mummy da kanta take bata breakfast sai shafa kanta take, cike da jindaɗi jindaɗin da yake shine har cikin rayuwarta da kuma ilahirin jikinta, Mafarkin ta ya kusa ya zama gaskiya ita ma ta kusa samun jika,ta kusa ta ginama kanta rayuwa tayi ma kanta family kamar kowa. jin take kamar ta ɗauki minal ta haɗe cike da shauki take bata abinci har taci ta koshi, Kairat ce ta shigo tare da Nasir, ko wanne fuskarsa ɗauke da murmushi, sai da ya gaisa da mummy sannan ya kalli Minal yana mata ya jiki, mummy ta amsa masa da taji sauki ta tashi ta fice ita da Kairat. “Kairat ta gaya min albishir mun samu baby” Da sauri tayi kasa da kanta,shi kuma sai kallonta yake yana murmushi, “Ni zan fara yima Saif wannan albishir ɗin nasan goro na babba ne” Ita dai bata ce masa komai ba,sai dai ta kan samu kanta da faɗuwar gaba a duk lokacin da ta tuna Saif ko kuma aka anbaci sunanshi. Bai daɗe a ɗakin ba yayi mata sallama da fatar kara samun sauki ya fice. Yana fitowa harabar asibitin ya ɗanna ma Saif kira, bugu ɗaya ya ɗauka kamar mai jira, “Hello Nasir” “Naam Saif kana ina?” “Ina gida lafiya?” “Lafiya kalau wane gidan?” “Gurin Momi mana” “Gani nan zuwa zanyi maka albishir albishir ɗin da ban taɓa maka irinsa ba” Bai tsaya ya sake cewa komai ba ya kashe wayar yana murmushi, gurin Motarsa ya nufa yana shiga yayi mata key. Kai tsaye gida ya nufa, koda ya shiga ya tararda su zaune parlour har Mummy suna fira, Bayan ya gaisa da Mummy ya nemi kujera ya zauna yana murmushi. Saif kan sai kallonshi yake yana jiran yaji albishir ɗin da yace masa, shi kuma yaki magana sai faman murmushi yake, ganin hakan yasa Saif yayi masa magana “Kace zaka min albishir kuma naji shiru” Duk kallon Nasir sukayi har Mummy Lubna tace “Lallai kuwa babban albishir ne dan ga farincikan ka nan ya kasa ɓoyuwa” Dariya yayi yace, “Sai an faɗa min abinda za a bani idan na faɗa” Saif yaja tsaki, Momi kuma tace “Me kake so?” “Motar ki” Yadda yaba Momi amsar sai ya bata dariya, “Za a baka faɗa mana” Sai da ya sauke ajiyar zuciya sannan Saif yana murmushi yace, “Ka kusa zama uba, Minal na ɗauke da ciki na wata uku” Dimmm Saif yaji maganar kamar an sako masa ita daga sama,baki a buɗe yake kallon Nasir, kamin ya maida idonsa ga Momi dake faɗin, “Masha Allahu” A nan ya tabbatar da ba mafarki yake ba faduwa yayi yana yima Allah sujada, kowa farin cike har Lubna da kannen ta amman banda Safiyyah data dafe kirji ta zaro ido, “Tana ina ne?” Safiyyah ta tambaya, Nasir ya bata amsa, “Tana asibiti jiya aka kwantar da ita” “Wace asibitin?” “Success special hospital” “Waya faɗa maka taya akayi kasani?” Tsaya yayi yana kallonta yadda take jero masa tambaboyi kamar yar jarida, Hawun dake bakinta ta haɗe ta tattaro girarta tana kallonshi. “Yaya Nasir Kana da tabbacin cikin dake jikinta na Yaya ne?” Da sauri Saif ya kalleta, nan take ta canja ma kowa tunani murmushin da yake fuskokinsu sai ya ɓata farin ciki ya koma ciki.Ganin yadda hankalin su duk ya karkata gurinta ya bata damar ci gaba tana kallon Momi, “Nasan Minal tana son Yaya sosai so zata iya yin komai dan taga da dawo masa, maybe ba ki cin sa bane bamu da tabbatacin haka” A fusace Nasir ya kalleta, “Wannan wace irin magana ce haka Safiyyah.... -” Momi ta tari numfashi sa “Tana da gaskiya Nasir maganar ta abun dubawa ce” “Idan ma har haka kuke jima tsoro ai zamu iya jiran har ta haihuwa sai a yi gwajin jini a gani ko, in yaso sai muyi da rainon ciki” Hakan ma baiyi ma Safiyyah daɗi ba ta kalle Nasir cike da jin haushi, “Yaya Nasir taya zamu rik'a rainon cikin da bamu da tabbatacin namu ne ko ba namu ba, cikin shege.... -” Tasssss Saif ya wanke mata fuska da mari, jin ta anbace cikin da shege shi kanshi ba shi da tabbatacin nashi ne ko ba nashi bane amman zuciyar shi na bashi wani abun daban, kwakwalwalshi a yanzu rikece take daman ya daɗe da rasa natsuwar dake tare dashi, Tsawa Momi ta katsa masa, “Saif miye haka daga faɗan gaskiya maganar ta fa abun dubawa ce” Tashi yayi rashin a ɓace yana faɗin “Momi i need to think” Ya fice, Nasir ma tashi yayi ya fice, cike da jindaɗin mari da Saif yayi ma Safiyyah, “Duk abunda za'a faɗa masa ba yarda zai yi ba saboda kamar ba banza suka barshi ba” Safiyyah ta faɗa tana shafa gurin da ya mare ta ɗin, Lubna ta girgiza kai, “A a anty ni gani nake kamar cikin na Yaya ne saboda... -” “Saboda me ke baki da hankali ne Lubna yarinyar nan shi fa da kansa ya kamata da wani taya zamu tabbatar cikinsa ba wannan sam ba cikin Saif bane” Safiyyah ta faɗa a fusace, ta tashi ta nufi ɗakinta “Allah ya kyauta” Momi ta faɗa tana janye tagumin dake fuskarta, Lubna ta amsa da ‘Amin’ *** *** *** Jingine da Mota Nasir ya tararda Saif ya kifa kai idonshi a rufe kamar marar lafiya, Dafashi Nasir yayi cike da tausayawa, “Saif ka daina damun kanka da yawa you are too young for that bai kamata a'ce kana samun matsalan iyali a yanzu ba” Juyowa yayi yana sauke ajiyar zuciya ya kalli Nasir “Nasir na rasa meke faruwa da ni al a murran nan suna kokarin rikata ni” “Saif kar maganar Safiyyah ta shiga kanka ni gaskiya ban yarda Minal ta aikata abunda kake zaton ta dashi ba wannan cikin naka ne Saif” Fuskarsa ya shafa “Nasir da ace ba ni na gani da kai na da zan iya yarda kazafi akayi mata, kuma da ace ba Deen bane nan ma zan iya mata uzuri amman kasan yadda take son Deen” Nasir ya tattara girarsa, “Ka yarda kenan ba kicin ka ba ne? Baka kusan ceta ba ko?” Wata bazawarar dariya yayi yana gyara tsayuwarsa yace “Taya za a kaiwa namiji lafiyayye mace kyakkyawa kamar Minal ya kwana ɗaki ɗaya da ita gado ɗaya yace babu abunda ya shiga tsakanin su! A kasan ba zai yiyu ba, A washe garin daren da mukayi first night na kamata da Deen and you know what she's virgin” Ya faɗa yana kallon shi, Nasir ya taɓa hannunshi “Good wannan kawai bai isa ya karantar da kai Minal bata aikata ba, karka manta Saif Deen fa gani nake kamar yana sonta zai iya yi mata haka ko dan ya ɓata tsakanin ku” “Yes Saif ina wannan tunanin but abunda yake ban mamaki shine taya akayi ya kai har cikin ɗakinta bata sani ba kasan ba zai yiyu ba kuma ita da kanta ta amsa ƙlaifinta after that, chat ɗin da suka yi kasan babu mai ɗaukar mata waya ya haɗa mata wannan ko?” Shiru Nasir yayi dan bashi da abun cewa a wannan gurin, lallai ko kotu akaje yasan Minal bata da mafitar wannan shima kanshi yana mamakin yadda hakan ya faru, sai dai shi bai yarda wani abun ya shiga tsakanin su ba, sai dai zai iya yarda ita ɗince tace yazo, toh kuma chat ɗin da sukayi kayi fa! Oh Allah, Ya dafe kanshi yana sauke ajiyar zuciya, “Wai toh ya a kayi kaga chat ɗin da sukayi?” “Safiyyah ce ta faɗa min” “Safiyyah?” Ya karɓa sunan da karfi fuskarsa kuma cike da mamaki, “Toh taya akayi Safiyyah tasan abunda yake cikin wayar?” Kafaɗunsa ya ɗaga “I dont know kasan mata suna share ɗin phones ɗinsu, ni dai ba ma wannan ba i need to Minal ya aza ayi?” “Tana success special hospital ICU unit 4 but amman maganar nan abun dubawa ce Saif i doubt yadda tasan chat ďin” Saif bai sake ce masa komai ba dan shi hankalinshi bai bashi abunda ya ba Nasir ba, buɗe motarsa yayi ya shiga, “Bari naje na ganta i can't wait to see her” Kai kawai ya ɗaga mashi yana kallon motarshi har ya fice, **************** Safiyyah tun da ta shiga ɗakin yake safa da marwa zufa na karyo mata, daga bisani ta figi gyalenta da makullin mota ta nufi parking space, Kai tsaye gidan Huda ta nufo, bako sallama ta shigo parlour, kallo ɗaya Huda tayi mata itama hankalinta ya tashi ganin damuwa karar a fuskarta dan tasan duk abunda ya samu Safiyyah ya same ta, “Lafiya Safiyyah me ya faru?” Hannayenta ta rika suka zauna, “Ba lafiya ba Huda Minal na ciki na wata uku kuma kinsan na Saif ne!” Ihu Huda tayi da ɗora hannu saman kai ta fashe da kuka “Na shiga uku na lalace taya hakan ta faru ? Wayyo ni Allah na” Safiyyah ta daga ta, “Babu lokacin wannan Huda mafita ya kamata mu nema saboda Saif bai gama yarda cikinsa bane Momi ma haka kamata yayi mu samu mafitar zubar da cikin, kinga kamin a ankaro cikin ya riga ya zube” Sai a lokacin hankalinta ya ɗan kwanta, “Kin kawo shawara toh yanzu ya zamuyi ina Minal ɗin take?” “Tana asibiti jiya a ka kwantar da ita” “Toh yanzu miye abun yi?” Huda ta tambaya, “Tunani nake yi ko zamu je asibitin ne mu samu wani likita yayi mata allurar zubar da ciki sai mu biyashi” “Kina ganin hakan zai yiyu ?” “Zai yiyu mana kuɗi miye basa sawa sai idan mutun baya dasu” “Wace asibitin take ne? Akwai wata aminiyata babbar likita ce nasan zata iya taimaka mana” “Walkan kinga ta kwana gidan sauki kenan, a Success Special hospital aka kaita” “Wallahi can kawar tawa ke aiki amman wannan abun yayi daɗi” Huda ta faɗa tana dariya, wani ihun daɗi Safiyyah tayi har da buga kafa “Wayyo daɗi” Tuno Saif yasa ta rufe baki, “Inji Yaya baya nan dai?” “Baya nan ke kuwa a da bazan bari muyi maganar nan a parlour ba” “Toh kinsan yanzu yadda za'ayi tashi zakiyi muje gidan su likinta mu yi mata magana muji yadda za ayi” “Toh bari na kira ta naji ko tana gida” Tashi Huda tayi ta nufi ɗaki. Bata jima ba ta fito sanye da Hijab tana faɗin “Tashi muje tace tana gida amman anjima kaɗan zata je aiki” Tashi Safiyyah tayi cike da jinda ɗi ta suka fice, *** *** A hankali taji ana taɓa mata fuska ana shafa kanta zuwa wuyanta, numfashi ta sauke a hankali ta kara karkaro kanta ta dan taji daɗin yadda ake shafa ta ɗin duk da bata san waye ba, Kanshin turaren da taji yasa tayi saurin buɗe ido, kan fuskar Saif ta saukar da su yana mata murmushi, “Kamar Saif....” Ta faɗa tana maida idon nata a lumshe, dan gani take gizo idonta yake mata saboda da famarkin shi da take, Jin an taɓa mata ciki yasa ta kara buɗe idon, dirr kuma ta sake sauke su akan fuskarsa, yanzu kan ba gizo idonta ke mata ba, Saif ne ganin hawayen dake kwance cikin idonsa, hannu tasa ta ture masa hannu sai ta rike mata hannun gam yana hawaye, “Minal.....” Sai kuma yayi shiru ya kasa magana, toh me zai ce mata? Cikinsa ne ko ba nashi ba bashi da tabbaci bai kuma kamata ya bata hakuri ba tunda ita tayi masa laifi kuma in har da gaske ne shi ba zai iya zama da ita ba. Yana wannan tunanin yaji tana kokarin kwatar hannunta, a nan ya sakar mata hannun ya kalleta kamar zaiyi magana sai ta rigashi, “Please Saif i need to be alone” Hannu yasa ya share hawayen da suka zubo masa ya juya cike da jin haushin tashin ta da yayi daga bachi tunda gashi ya rasa abunda zai ce mata, daman shi burinsa ya ganta kuma ya ganta bai san salon da ya kaishi taɓa mata fuska ba. Bayan ya fice ta sauke ajiyar zuciya, “Alhamdulillahi” Ta faɗa tana lumshe ido, ta samu sassaucin halin da take ciki, tasan Saif ya yarda da cikinsa ne a jikinta shiyasa ya kawo kansa gurin ganinta. A ɓangaren Safiyyah suna fita suka nufi gidan Dr. Zainab, karba tayi musu mai kyau ta kawo musu abin sha, bayan sun ɗan taɓa fira suka bayyana mata abunda ke tafe dasu, Sunsha mamaki lokacin da take gaya musu ita ce Doctor dake duba Minal, “Ni nake kula da ita sai dai abunda kuke so ba zai yiyu ba dan ba aiki na bane” Safiyyah ta marairaice murya, “Haba Dr dan Allah ki taimaka mana wallahi ko nawa kike so zan baki ki ma bani account number ɗinki zan turo miki so mun taɓo” Sam Dr.Zainab ta ki yarda, hakan yasa Huda nuna mata ɓachin ranta a fili, “Haba Zainab ace duk amincin dake tsakanin mu kin kasa yi min wannan aikin bafa ita mukace ki kashe ba kuma abunda xaki xubar fa ba a riga an busa masa rai ba” “Abunda kike son na aikata abune mai matukar wahala Huda ba zan iya ba” Sata gaba sukayi ita da Safiyyah suna mata magiya, ta roko da daɗin baki, ganin zasu ɓata mata lokacin zuwa aiki yasa tace “Shi kenan zanyi Shawara” Sunji daɗi sosai basu bar gidan ba sai da Safiyyah ta karɓi account number ɗinta, A mota firar kawai suke suna jin daɗi, sun san matsalar su ta warke, bayan Safiyyah ta sauke Huda sukayi Sallama ta nufi gurin da Deen yake, dan tun ɗazu ya matsa mata da kira wai yana son ganinta, Wani babban restaurant mai kyau da tsada naga ta nufa tana yin farking ta kira shi a waya, “Gani na iso kana ina?” “Ina ciki hawa na biyu na ganki ai karaso kawai” Kashe wayar tayi ta rufe motar ta ta nufi gurin, Tsaye ta tararda shi bakin kofar hall ɗin fuska babu annuri yana kallonta, “Ya akayi ne Deen sauri nake yi gida zanje ka dame ni da kira” Shiru yayi kamar ba dashi take ba, ganin bashi da niyar magana yasa tayin dariya, “Deen kenan idan wani abun kake so ka faɗa ni wuce zanyi yanzu fa ba kamar da bane da zaka rika yi min haka haka da hankali na riga na gama da naka kawai ka jira result” “Result ɗin me?” Sai a lokacin yayi magana, “Idan ta fito ka aureta mana bashi kake jira ba” “Kin riga kin ɓata ni gurin Minal babu yadda za'ayi ko da Saif ya sake ta na iya aurenta sannan yanzu haka Minal na can asibiti kwance a dalilin abunda muka mata” Iskan dake bakinta ta bursar “Deen Deen kana bani mamaki wani lokacin fa kasan ba xaka iya jurar lokacin da komai xai daidai ta ba miyasa ka aikata” “Ai ke kika sani na aikata koɓ” Ya faɗa a fusace, “Nasa ka ka aikata kai ko kunya baka ji ba ? Mace kamar ni xata sauya maka tunani ka aikata abunda baka yi niya ba? funny kar fa ka fito min da wani can ko kace wai tausayinta zai sa ka tona ma kanka asiri” “Ko kuma ke na tona miki ba” “Ka tona na ma kanka dai ai kasan ko kotu aƙaje kai ne tsamo tsamo a cikin laifin tunda kai ka shiga har ɗakinta kuma ka rika matar mutane kuma ka nuna ma mijinta kana tare da matarsa, so kayi hankali dan naga har yanzu baka gama sanin wacece Safiyyah ba fool!” Wata harara ta watsa masa ta juya tayi tafiyarta, ya fisacta sossai yasan duk abinda ta faɗa kansa hakan yake dan ta riga ta ɗaure gashi kuma tasa yaci amanar minal ya ɓata kansa gurinta, har shi zata raina ma hankali haka? Rufa mata baya yayi da sauri, zuciyarsa cike da tsanarta. Cikin sa'ah kuwa ya cin mata a stairs tana sauka bata an karaba kawai taji an turo ta da wani irin karfi, gangarowa tayi tana wani irin ihu da ya ɗauki hankalin duk wanda ke cikin restaurant ɗin.Lubna na zaune falo taji kukan wayar Momi, sanin kanta ne Momi bata son ana ɗaukar mata waya idan ba wani uzurin ba, hakan yasa tayi kamar bata ji kiran ba tun da mai wayar bata nan, sai da taji an matsa da kiran sannan ta nufi mazaunin wayar ta ɗauka tana duba mai kiran, Number Safiyyah ta gani hakan yasa ta saurin ɗaukar wayar dan tasan ba lafiya ba ganin Miss calls Goma sha ɗaya,+ “Hello Ant...-” “Ba ita bace security ne ke magana mai wannan wayar tana kwance asibiti a yanzu haka” “Wace Asibitin me ya same ta?” Cike da tashin hankali take masa tambayar, “Rahama hospital ta faɗo ne daga upstairs” Da gudu ta nufi parlour baki gurin da Momi take ganawa ta yan shan miya, “Momi Momi” Yadda take mata kiran sai da gabanta ya faɗi, “Lafiya Lubna wannan kira haka?” “Momi ba lafiya ba Safiyyah na asibiti ta faɗo daga upstairs” Ta faɗa tana kuka, “Wane Upstairs kuma?” “Ban sani ba Momi ni dai yanzu aka kira wayarki da nurmber ta ina ɗauka wani ya faɗa min haka” “Subhanallahi wace asibitin ce?” “Rahama” Da sauri ta bar parlour ita da lubna ta nufi ɗakinta, gyale kawai ta ɗauka da jaka ta fito suka nufi parking space, Koda suka isa asibitin likitoci na kanta suna yi mata aiki, guri Momi ta samu ta zauna tana kiran wayar Saif ta shaida masa abunda ya faru Cikin kankanen lokaci shima ya iso gurin hankalinshi a tashi taya tambayar yadda akayi ta faɗon, ɗaya ɗaga cikin securities ɗin da suka kawo ta gurin ne ya shiga musu bayani jiki na rawa, “Muna dai ba zamu ce ga taka maimain abunda ya faru ba mun dai hi kuwar ta koda muka karasa sai muka ganta kasa a sume, sai dai mutanen gurin sunce faɗowa tayi wasu kuma suka ce turo ta akayi” Kamin Saif ya kara musu wata tambayar likitoci suka fito daga ɗakin kowannane sanye da safa a hannu. “Yauwa Doctors ya ake ciki?” Daya daga cikin su ne ya amsa mata, “Tana da rai sai dai ta samu karaya a hannu da kafa kuma fuskarta ma ta gogwalje (ta jijjimu) yanzu dai munƴyi mata alurar bachi”1 “Innnalillahi wa'inna ilaihi raji'un” Momi ta fashe da kuka ita da Lubna, Saif ya gyara tsayuwarsa yana faɗin, “Toh yanzu Doctor miye abun yi?” “Yanzu dai sai idan ta farka zamu karasa duba ta muga ko da wata matsalar, sannan kuma sai a shirya yi mata aiki” Ya shafa kansa, “Shike nan Doctor Mun gode” “Your welcome” Bayan Doctor ya wuce yazo yana lallaɓa Momi taje gida shi zai xauna a nan, amman sam taki gani cewar ta idan tayi hakan sai ace dan ba ita ta haifeta ba shiyasa tayi mata haka. Guraren Magariba, Gwoggo Laraba ta iso, sai kuka take jikinta na rawa, daker Momi ta samu ta lallaɓa ta tayi shiru ta natsu, kan kace kwabo ƴyan'uwa sun cika asibitin gurin duba Safiyyah. Bata farka ba sai kusan goman dare, daker ta iya buɗe idonta saboda nauyin da sukayi mata, sai taji jikinta kamar an ɗaure ta sa sarka, wani wahalallen nishi tayi shiya jayo hankalin mutane dake ɗakin kowa ya shiga mata sannu, Saif kuma ya fita neman Likita. Bai daɗe ba ya dawo tare da likitan, ya shiga dubata yayi mata allura, sannan yace mutane dake cikin ɗakin su rage ba a son marar lafiya ayi masa taro, ba musu suka fita aka bar Momi da Saif sai Gwaggo Laraba. “Kwai inda yake miki ciwo?” Murya kasa kasa ido kuma taf da hawaye tace “Ko ina ciwo yake min miya same ni ne?” Likintan ta kalli Saif, “Zuwa anjima ka dake kira na sai na duba ta kamin mu shiga da ita ɗakin bincike yanzu ko an bata wani abun ba zata iya ci ba” Kai Saif ya ɗaga masa, Momi ta matso kusa da ita tana kuka, “Safiyyah miya kaiki Wannan restaurant ɗin?” _Restaurant_ Ta faɗa cikin ranta wace restaurant kuma ita fa ta manta abunda ya faru, kenan ita ta jima kanta toh miye sila? A hankali tunanin ta ya fara bata abunda ya faru da ita nan tasa kuka, taba da tabbacin wanda ya turo ta ɗin amman tasan Deen ne. “Sannu Safiyyah” Muryar Saif ta katse mata tunani, kallo ɗaya tayi masa ya ɗauke kai, “Wai ya akayi hakan ya faru dake ne?” Gwaggo Laraba ta tamabaya tana kuka ganin hawayen da suka zubo ma Safiyyah, Saif ya dafa ta “Gwaggo wannan ba shi bane tana bukatar hutu yanzu karki ɗaga mata hankali kiyi hakuri zata ji sauki insha Allahu” Kai Gwaggo Laraba ta ɗaga tana kuka, “Saboda...Saif..... ne...Gwaggo....”2 Safiyyah ta faɗa murya na rawa, da sauri Saif da Momi suka kalleta Gwaggo Laraba ma kallonta take, “Kamar ya saboda nine nina turo ki kika faɗo ne ko mi kike nufi?” Saif ya tambaya a tsawace, Momi ta watsa masa harara, “Toh ko rufe ta zakayi da duka ne da yake kai marar tausayi ne ko?” “Momi ba wai rashin tausayi ba taya zata min karya” “Ba karya nake maka ba Saif tunanin ka ne ya dame shiyasa na bar gida naje can dan na samu sassauci har hakan ya faru dani ban sani ba” Ta faɗa a wahale hawaye na gaggaro mata, abun ka da wanda kake ki nan take yaji kamar ya kamo ta ya shake ta karasa mutuwa, Fuuuu ta fice daga ɗakin dan yasan yanzu da ya kara wata maganar Momi cikinsa zatayi da faɗa, Momi ta kai hannu ta shafa ta cike da tausayawa, “Dan Allah ki rika sawa kanki sanyi Safiyyah ki bar damun kanki” Sannan ta tashi ta fice Gwaggo laraba na watsa mata harara, Bayan ta fice ta kalleta “Wato har yanzu baki cire son Saif cikin zuciyarki ba ko?” “Gwaggo ya zanyi na cire abunda bani na wasa kai na ba wallahi ina son Saif Gwaggo” “Amman ai su basu damu da son da kika masa ba, tun da da basu barshi ya auri bare har biyu ba, kuma ki duba ko yanzu yadda yake miki, koda ƴake ba laifin sa bane laifin uwarsa ne tunda ita ta goya masa baya yayi yadda yake so gashi nan kinje kin kare kanki a banza ko tausayin ki basa yi, inama ruwanta tunda ba yarta bace” Kuka sosai Safiyyah take kuka da baya fita, “Na gwammace mutuwa ta da rayuwa ta Gwaggo nafi son na mutu na huta” “Ba zaki mutu ba zaki ji sauki in Allah ya yarda kuma walllahi ko ina yawo da zane sai kin auri Saif, ba dai dan sunga ba ki gata shiyasa suka miki haka ba, yarinya ta tashi a hannunku ta girma amman wai dan mugun sheri ku kyale yaron ku yayi yadda yake so da ita” Tayi kwafa cike da ɓachin rai tana wanu karkaɗa kafa, Guraren Sha ɗaya likitoci suka shigo tare da nurses suka chanja mata gadi suka wuce da ita wani ɗakin dan yi mata gyara. WASHE GARI.................... 2:47pm Minal na zaune Kairat tana mata fira Dr. Zainab ta turo kofar ɗakin ta shigo fuskarta ɗauke da murmushi hannunta kuma rike da allura, “Minal ya karfin jikin naki?” “Yayi sauki alhamdulillah” Ta amsa mata tana murmushi, Kairat ta gaishe ta cike da girmamawa, bayan ta amsa tace “Sai ki rika mana yar uwar taki zanyi mata alura” Ba musu Kairat ta tashi ta rika Minal, abun ƙa da mai neman lafiya duk da bata son alurar sai ta tsaya kurun akayi mata, Bayan ta kare ta kalleta tana murmushi “Kin san Alurar me nayi miki?” Kai ra girgiza mata tana murja gurin, “Alurar zubar da ciki ce” Ras! Ras!! Ras!!! Gabanta ya yanke ya faɗi taja baya da sauri tana zaro ido, Kairat ma tashi tayi tsaye tana kallonta rike da baki, “Mi...mina...miki.. Wane laifin abinda ke ciki na yayi miki?” Mere baki tayi, “Baki min komai ba kuma abunda yake cikin ki bai min laifi ba, Biya akayi na zubar da wannan cikin naki” “Waya biya ki? Waya saki wannan aikin?” Kairat ta tambaya tana cin kalar rigarta, kallonta tayi “Relax young lady” “Wane irin Relax ke baki da hankali ne ? Zaki zubar da cikin yar'uwata kuma ki ce min relex sai kin faɗa min wanda yasa ki wannan aikin, ko nasa a kulle ki” “Ba matsala ba bace dan kinsa an rufe ni saboda wanda yasani wannan aikin shine zai fiddo ni” “Waya saki?” Minal ta tambaya numfashinta na rawa, “Saif mijin ki shiya sani” Hankalin Minal bai kara tashi ba sai a lokacin, bata san lokacin data jingina da bangon ɗakin ba ta sulale kasa zaune tana hawaye, Mi tayi ma Saif da zai sa a zubar mata da ciki ? Mi yake nufi da ita ne? “Innalillahi wa'inna ilaihi raji'un” Shine abunda Kairat take ta maimaitawa bayan ta saki rigar Doctor, Dr. Zainab ta kalli Kairat “Kar kiga laifi na nima sani akayi kuma wanda ya sani yace min shine uban wannan yaron kuma yace Minal ma tasan da maganar i hope u understand” Basu mata uffan ba kowannen su hawaye yake itama bata jira cewar su ba ta juya ta fice, Sai a lokacin Minal ta fashe da wani irin kuka mai ban tausayi ta makure kanta jikin jina kamar wata marainiya tana kiran sunan Mummy.Fita Kairat tayi da saurin ganin yadda Minal ke kiran sunan Mummy tana kuka, Ga mamakin ta sai ta tararda ita ma Mummy tana nata kuka wanda ya fi na Minal shiga rai, miya faru ko ita ma ɗin taji abunda Dr. Zainab ta aikata?. Kasa mata magana Kairat tayi sai kawai ta dafa ta tana hawaye, A firgice Mummy ta juyo sai a lokacin ta tuna duniyar da take, ganin hawaye a fuskar Kairat yasa ta share nata hawayen tana tambayar ta “Lafiya Kairat mi kike yi ma kuka?” “Abunda kike yi ma kuka Mummy” Ta faɗa hawayen na kara zubo mata, a zatonta Mummy tana kuka ne akan abunda Dr.Zainab tayi “Wallahi Mummy duk cikin Minal ya zube sai nayi shari'ah da wannan likitar bazan yafe mata ba” Mummy ta rika hannunta cike da fashin fahimtar inda ta dosa “Mi kike nufi Kairat mi ya samu ciki Minal.?” Ta share hawayen da ke idonta, “Mummy Dr tayi mata allurar zubar da ciki” Sakinta Mummy tayi ta jingina jikin gina ta lushe ido tana sauke ajiyar zuciya, Ta kasa gasgata abunda Kairat ta faɗa da kuma wanda Dr Zainab ta faɗa mata, miye gaskiya mi Dr take kokarin yi? “Innalillahi wainna ilaihi raji'un” Ta faɗa a fili still idonta na rufe hawaye suka zubo mata, “Mummy ya kamata muyi wani abu ba wai mu tsaya tunani ba yanzu ba lokacin tunani ba ne” Cewar Kairat cike da kaguwa, Mummy tayi mata kallon natsuwa kallon ɗa da uwa irin nasu na manya, “Kairat Dr Zainab ta faɗa min ciwon Minal yana matakin....karshe ne zan iya rasa ta ko wane lokaci ta faɗa min idan har inason rayuwar ta dole ne nasa hsnnu a fitar da ita waje ayi mata canjin jini and you know yadda canji jinin yake zata iya rasa ranta babu tabbacin rayuwarta” Dora hannu Kairat tayi saman kai a maimakon tayi kuka sai tayi murmushi mai tare da hawaye murmushin da ake cewa yafi kuka bakin ciki, ta cire ɗankwalin dake kanta ta jefar kasa ta rufe baki tana hawaye, Mummy ma kuka take amman na zuci ko wannen su xuciyarsa ɗauke take da tausayin Minal, Sun daɗe a gurin babu wanda ya sake cewa wani abu sai faman sauke ajiyar zuciya Mummy ke yi, suna haka Dr Zainab ta iso gurin rike ta wasu files a hannunta, tsayawa tayi dai-dai Kairat ta dafa ta, “Ki kwantar da hankalin ki ban zubar da cikin nata ba I'm just trying to help alurar bachi nayi mata yanzu haka tana can tana bachi” Kairat ta kalleta kwakwalwarta a jagule bata ce mata komai ba, Ita bata ji ta ce mata ba ta cigaba, “Na faɗi hakan ne dan kawai na ɓata Saif a idon Minal, a binciken da nayi na gano Minal tana fama da ciwo zuciya mai tsana ni kuma nasan akan Saif ne, a halin da ake yanzu Minal ta fi son abunda yake cikinta saman da Saif sanadiyar wannan abun da na faɗa zata sasauta ma zuciyarta sonshi ta kula da abunda yake cikinta Kairat mutuwa ba a hannuna take ba amman Minal zata iya rasa ranta a ko wane lokacin abun tausayi rai biyu za a rasa tun da ga ciki a jikinta” Sai a lokacin Kairat tayi mata magana, “Amman taya akayi kika san Minal.na son Saif har haka? Ban yarda dake ba Dr faɗa min wacece ke?” Murmushi tayi ta gyara tsayuwarta, “Nasan Abunda yake damun Minal saboda ni likita ce, nasan halin da Minal take ciki saboda ni aminiyar kishiyarta ce Huda nice kaɗai mace da zan iya wanke Minal a.yanzu ni nasan yadda aka kulla komai” Ja da baya Kairat tayi cike da tsoro tana kallonta, Mummy ms kallonta take cike da rashin fahimta, Ganin hakan yasa ta cigaba “Kairat yanzu taimako ɗaya nake son kiyi ma yar'uwarki ina son ki ɗauki waya ki kira Saif ki faɗa masa nayi ma Minal allurar zubar da ciki” “Saboda me?” Kairat ta tambaya, “Saboda yazo nan na faɗa masa gaskiya na wanke minal daga zargin da yake mata kinsan ganin Saif ba abu ne mai sauki ba sai idan shi yaso ganinka” “Miye dalilinki na taimakon Minal? Bayan ke aminiyar Huda ce wata kila ma dake a ka haɗa kai akayi mata wannan shaerin?” Mummy ta faɗa tana mata wani kallo mai cike da tsana, Murmushi kawai tayi ta kalli Kairat, “Ki kirashi yanzu nan” Tana kaiwa nan ta juya ta bar gurin, Mummy ta matso kusa da ita, “Karki kirashi Kairat baki sani ba ko wani sherin ne take son kulla mana” Kai kawai ta ɗaga ma Mummy ta nufi Hanyar da zata sadata da ɗakin da Minal take kwance, ganin hakan yasa Mummy ta rufa mata baya suka shiga ɗakin tare. * * * * Ya daɗe tsaye a bakin kofar sannan ya mika hannu ya buɗe ya shiga, shi kan inba dan faɗan da Momi tayi masa ba jiya babu abunda zaisa ya sake shiga ɗakin dannya bashi haushi shiyasa tun jiya da aka fito da ita daga aikin bai leko ba, Tana kwance an ɗaga kafarta da akayi ma aikin da wani farin abu hannunta kuma na saman cikinta idonta a buɗe fuskarta so indecent. Sai da ya karaso kusa da ita sannan ya ɗauke idonsa daga kallon tsanar da yake mata, daga jiya zuwa yau tsanar da yake mata ta karu sosai ko dan faɗan da Momi ta masa oho ko kuma dan kowa ganin laifinsa yake yana ganin wai kiyyayar da yake nuna mata yayi yawa ne, shi dai bai san dalili ba daman can Allah bai haɗa jininshi da ita ba tun tashin ta gidan su. Tun daga buɗe kofar ɗakin tasan shine ya shigo saboda kanshin turarensa jira take har sai yayi mata magana sannan ya juyo ta kalleshi, jin bashi da alamun yi mata magana yasa ta juyo da fuskarta ta kalleshi, hawaye ne suka cika mata ido yana sane da tana sonshi amman yayi mata wulakanci ya tsalake ta yayi mata biyu baya tausayin halin da take ciki shi sam bata gabanshi wannan wane irin mutun ne haka miyasa ma ta kamu da sonshi har haka.....? Murmushin da yayi mata ne ta katse mata tunani, dan abunda bata taɓa zato bane daga gareshi, hakan yasa ta samu karfin motsawa har da sa ɗayan hannunta ta share hawayen da suka zubo mata, “Sannu Sister” Jimmm tayi bata amsa ba bakinta yayi mata nauyi sosai, daman tun da aka fito da ita daga aikin ba wata magana take ba daga ae sai a a, Kujera yaja ta zauna yana fuskantar ta rasa yayi abunda zai ce mata “Kin ci abinci.?” Ya faɗa instead of yace mata ya jiki, daɗin tambayar da yayi mata da hana ta ɗaga masa ko da kai ne balle tace masa ‘Ae’ shi kan ba karamin juriya yake ba gurin sake mata fuska dan kawai yana son bin umarnin Momi ne, Wayarsa ta tayi kara kamar mai jira ya fito da ita da sauri yana duba mai kiran, Number Kairat ce har yayi kamar ba zai ɗauka ba sai kuma ya dannan picking ya kara a kunne, saboda isa yaki yayi magana duk da faduwar da gabansa yayi saboda kukan da yaji Kairat ɗin nayi, “What” ya amsa da karfi tare da mikewa tsaye, “Waya mata?” Bansan me aka ce masa ba na dai ga ya kashe wayar ya juya da sauri ya bar ɗakin. Kai tsaye ya ya nufi asibitin yana isa ya nufi ɗakin da yasan Minal take, yana tura kofar ɗakin ya ganta kwance ya sharar bachinta hankalinta kwance zuciya kuma zaune, numfashinta na tafiya dai-dai, da sauri ya karasa kusa da ita ya shiga duba jikinta kamar wani likita ganin babu alamun wani abu a tattare da ita yasa shi ɗan ja baya ya dafe kai yana sauke ajiyar zuciya, zuwa can kuma ya matso yana kallon fuskarta, ya kai hannu ya shafa cikinta, “You love her Saif you can't leave her can you?” Dr. Zainab ta faɗa tana takowa kusa dashi a hankali, a fusace ya juyo yana mata wani wawan kallon “Me kika mata.?” “Me kake tunanin zanyi mata? Meye damuwar ka da abunda zanyi mata tun da baka damu da abunda ya shafe ta ba baka son abunda yake cikinta!” Ta karasa maganar dai-dai lokacin da ta karaso kusa dashi, ta aje wasu files ya kalli Minal cike da tausayi sannan ya sake kallon shi, “Saif yarinyar nan tana level ɗin da zata iya ransa ranta a yanzu a anjima a gobe, kuma idan ta mutu rai biyu za'a rasa rayuwarta da kuma abinda yake cikinta amman hakan bai dame ka ba baka damu da duk abinda zai same ta ba sai yanzu nake ganin laifin duk mace da take sonka dan baka cancanci a so ka ba baka san miye so ba baka san darajar so ba ba kuma san zafin so ba! miyasa baka tsaya kayi tunani ba Sai kawai ka ɗauki karan tsana ka ɗorawa Minal ?” Hannayensa yasa cikin aljihu yana murmushin gefen fuska, “Kin cancanci a biya ki da wadan nan kalaman tell me nawa suka biya ki i can paid more you know Who I am right?” “Ba biyana akayi ba Saif gaskiya ce zatayi halinta lokaci yayi da ya kamata kasan wayr Huda wacece Safiyyah kuma wacece Minal” Tsaki yaja ya ya juya da nufin ficewa daga ɗakin, “Minal bata aikats abunda kake zarginta dashi ba, Abinda idonka suka gani plan ne da kanwar ka Safiyyah ta haɗa tare da Deen da Huda aka haɗa komai!” Cak ya tsaya dai-dai lokacin da ya kai bakin kofar ya juyo yana mata wani kallo irin karki raina min hankali fa,ganin hakanyasa ta cigaba “Ina da sheida akan hakan Saif nasan kasan ni aminiyar Huda ce duk abinda tayi sai ta faɗa min ina da voice record ɗin duk abinda ya faru zan iya haɗa plan ka kama Huda da idonka kaga irin cin amanar da take maka tare da abokinka matarka Huda ita kanwar ka Safiyyah sun same ni har gida suka ce na zubar da cikin Minal saboda idan ta haihu asirin su zai tono zasu bani ko nawa nake so ina sa security camera a gida na tana zan iya nuna maka komai idan kana so Saif Huda bata haihuwa ita kanta tasan da wannan amman tana shan magani hana haihuwa saboda tana jin tsoro kar Allah ya jarrabe ta ta samu ciki da wacan abokin naka kuma tasan duk ta haihu sai ta samu matsaƙa da wacan abokin naka ko kuma nace tsohon saurayinta, baka taɓa ksmata da kwayoyin hana haihuwa ba? ita da kanta ta bugo min waya ta faɗa min” Shi kan yama kasa gane duniyar da yake shin mafarki ne ko gaske ? maganganun yaji kamar saukar wahayi, idan har da gaske ne miyasa zata tona asirin aminiyarta? kamar tasan abunda yake ranshi sai kawai ta tako ta karaso kusa dashi “Nasan zakayi mamakin dalilin fallasa sirrin Aminiya ko? toh akwai dalili duk waɗannan abubuwan dana faɗa maka ba zan tabbatar maka da su ba har sai ka biya min wata bukata tawa” Kallonta yayi fuskarshi ɗauke da mamaki zuciyarsa kuma cike tambayoyi, bai tanka mata ba ita ma ɗin bata jira ya tanka mata ba tace “Wani tsoho nake son kasa a sako daga gidan yari ni kuma zanyi maka duk abinda kake so” Har lokacin bai iya mata magana ba but still yana kallonta maganganun ta sai dawo mishi suke. KUN SAN WANENE TSOHON.?

0/Post a Comment/Comments

Recent Posts

73745675015091643