FmD4FRX3FmXvDZXvGZT3FRFgNBP1w326w3z1NBMhNV5=
items

BABBAN GORO CHAPTER 6

BABBAN GORO CHAPTER 6
*26* Daf da zata tura kofar falon ta shiga, Saif ya buďe ta ta fito yana gyara hannun rigarsa, da sauri ta gaishe shi “Yaya ina wuni” “Lafiya kalau Safiyyah ina kika fito haka .?” “Daga gidan wata kawata nake sai nace bari na biyo fita zakayi ne.?” “Ae zan ďan leka gari ne kinsan yau sunday amman Huda tana ciki ai” “Okey Allah ya tsare bari na shiga mu gaisa,” Ra6awa tayi gefensa ta shiga falon tana faďin daman ai ba gurinka nazo ba. Kujera ta samu ta zauna,sai da taji tashin motarsa sannan ta kwalama Huda kira. “Anty Huda fito gani a falo” Ta ďan daďe zauna kamin ta tashi, ta nufi hanyar falon, Tun kamin ta sauko kasa ta haskaka fuskarta da murmushi, bayan ta sauko ta zauna kusa da ita tana faďin “Sannu da zuwa yan matan Hajiya” “Yauwa ya gidan?” “Lafiya, aiko yanzu Yayanki ya fita” “Ae na gamu dashi ai har mun gaisa daman Allah Allah nake karna tarardashi” “Hmmm ai yanzu bai fiye zama gida ba kullum busy yake” “Ki kwantar da hankalinki mijinki ya kusa dawo wa gareki nan da wasu yan kwanaki” Huda ta gyara zamanta ta dafata, “Amman safiyyah ta wace hanya kike ganin zaki iya hana auren nan.?” “Ta harya da muka shirya nida Sauranyinta idan ya amince” “Saurayinta kuma waye kenan” “Abokin ta ko kuma ma nace amininta wadda yakr shirin aurenta taki aurenshi ta za6i Saif” “Me zakuyi kenan zai aure ta ne?” “A a na aurenta zaiyi ba ai yanzu babu yadda za'ayi ya iya aurenta saboda an riga ansa rana yanzu haka daga gurinshi nake kuma idan har ya amince ana ďaura auren auren zai mutu” Sam maganar bata yima Huda daďi ba dan ita so take a hana auren ba wai sai anyi a lalata ba, toh idan kuma hakan bai yiyu ba fa zamansu na aure zasuyi wadda ita kuma ba zata iya jurar ganin mijinta ta ko wace mace ba. Cikin yanayin damuwa ta kalli Safiyyah, “Amman kina ganin hakan zai yiyu kuwa karfa aje ayi auren daga karshe yaki rabuwa ni wata qawata ma faďa min take na shiga malamai nasa a lalata auren” Safiyyah ta girgiza mata kai, “Ban yarda da wannan ba ban baki shawarar shiga malamai ba dan ba hanya bace ni nan ni na tsara komai kuma ina son ki bar min komai a hannuna kawai abunda nake so dake ki daina nuna masa kishi da damuwa ki nuna masa kin yarda da kaddara” “Zanyi amman ina son kiyi min alkawarin ba za a samu matsala ba” Tashi tayi tsaye ta rataya jakarta, tana faďin “Nayi miki bari naje gida kar Momi ta neme ni dan tun safe na baro gida Gurin Deen na daďe shiyasa kika ga ban zo nan da wuri ba” “Ok zanyi duk yadda kika ce Allah ya bamu sa'ah” Murmushi tayi, har ta juya sai kuma ta juyo tana wani abu da baki, “Kafin na manta zaki bamu tsohon saurayinki aro dan shima zanu anfani dashi” Dakan uku-uku gaban Huda yayi, wane tsohon saurayinta take magana ne, ya akayi tasan har yanzu suna tare, ina ma ta sanshi, cikin ranta take wannan tunanin nurmfashinta na wani abu irin na marasa gaskiya, “Mi kike nufi ne ban fahimta ba” Cikin karfi hali da taku tayi mata tambayar. Safiyyah ta bushe da dariya twyi kwallon cingan ďin dake bakinta, “Kinfi ni sanin abunda nake nufi mana anty Habib nakr nufi tsohon saurayinki na da da yanzu abokin mijinki” Zaunawa Huda tayi saman kujerar da raunanin idanu gumi na karyo mata. Nan Safiyyah ta kai hannu ta dafa kafaďarta, “Ki kwantar da hankalinki na daďe da sanin kuna tare tun kamin ki auri Yaya ammanbban ta6a faďawa kowa ba yanzu ma dan kawai ta kama sai munyi amfanin dashi ne da bazaki sani ba” Huda bata iya ce mata komai ba sai kawai ta bita da ido tana kallonta har ta fice. sannan ya jingina da kujerar tana mamakin yadda akayi tasan suna tare, toh ko dai itama yana tare da ita ďin ne, ko kuma wanine ya faďa mata amman kuma wayasan suna tare balle ya faďa mata, ? toh ya akayi tasan suna taren ne.? wannan tambayar ita ta tsaya mata a rai. ***************** “Mummy wai...-” Ganin hawayen dake idonta yasa Minal ta kasa karasa maganar ta nufeta da sauri tana tambaya “Lafiya Mummy kike kuka mi akayi maki ne.?” Ďagowa mummy tayi da murmushi a fuskarta tace, “Hawayen Farin ciki ne Minal bana bakinciki ba ashe zan ga wannan ranar da zan rika katin ďaurin aurenki a hannuna” Rumgumeta Minal tayi, “Ai kinsan Mummy komai lokacine dashi kuma yadda duk Allah ya tsara wani bai isa ya sauya shi ba” “Haka ne Minal nayi farinciki na jidađi sosai ko ina zan aika wannan katin (iv) har gurin dangina” A nan Minal ta gyara zamanta ta gaďiye yawun dake bakinta, “Yauwa Mummy kinsan inda dangin mahaifina suke.? zaki iya kwatanta min su?” Maganar sam batayi ma Mummy daďi ba, a fuskarta ma karara zaka iya karantar hakan, “Miyasa Minal.? miyasa ke zaki neme su bayan su basu nemeki ba mi zakiyi musu.?” Kwantowa tayi jikin Mummy, ganin yadda fuskarta ta nuna rashin jindađin maganar da tayi mata, sai ta canja manufar maganar ta “Ni mi zan musu kawai dai zan yima masa cin mutunci ne jifa yadda na wulakanta ni” Kanta Mummy ta shafa, tana sauke ajiyar zuciya, “Basai kinyi mashi ba Allah yana kallo ai shine zai saka miki ki kyaleshi kinji.?” “Okey my Mummy bazan sake ba” “Allah yayi miki albarka yabkara miki lafiya” “Amin mummy bari naje zamu duba gurin da zayi diner ne da irin kwaliyar da za'ayi masa” “Ok sai kin dawo ki kula da kanki” Murmushi tayi, ta tashi ta fice. Mummy kuma ta janyo wayarta ta shiga kiran masu fanti. *☆ ☆ ☆ ☆ ☆ ☆* Shi na mussaman Mummy take, dan ko zama yanzu bata samu, bayan tasa ana gyara mata yar'ta, sai ita kuma ta shiga gyaran gida, da kuma maida hankali gurin shiraruwan biki. Kullum mai dilka take zuwa tayi ma Minal, abunda da mai kyaun jiki cikin kwana biyu ta canja kala tayi kyau sosai batar jikinta ta wani taushi kamar kaďa, Yau ma kamar kullum tana zaune ana gyara mata jikin Safiyyah ta turo kofa ta shiga cike da natsuwa, kamar ba ita ba, Da sauri Minal ta tashi tsaye tana kallonta, “Yau kuma da wace kike zo wane kalar cin mutunci kika zo dashi.?” Minal ta tambayeta tana yatsinar hanci alamar masifa, dan yau koma da wace tazo ba raga mata zatayi ba, wacan karon ma dan bata da tabbacin son da Saif yake mata ne yasa ta kyaleta, amman yanzu kan sai ta mata tas tunda cin mutunci ba gado bane kowa ya iya, A hankali ta dako kafarta har kusa da Minal, idonta cike da hawayen qarya ta soma magana, “Banzo dan na 6ata miki rai ba Minal nazo ne danna nemi yafiyarki akan abunda nayi maki, ada ina ganin kamar ba daidai bane Yaya ya aure saboda abunda nake ganinki dashi a zahiri, sai Yaya ya zaunar dani ya karantar dani wacece ke ya kuma nuna min halinki, Minal na gane kuskure na kuma ina neman yafiyarki dan Allah ki yafe min” Da sauri Minal takai hannu ta share mata hawaye, “Daina kuka, ni daman ban rike ki da komai ba na yafe miki kuma naji dađi da kika gane haka” Da kuka ta Qanqameta tana fađin na gode sosai Minal, Abunda da wayayyiyar mace nan da nan ta murje ido kamar ba ita ba sai jan Minal take da fira, tana yaba kyauta da fađin wai yayansu yayi dace, Sai kusan magari ba tabar gidan bayan Minal ta cika mata bayan mota da alherai babu yadda ba tayi ba akan ita ba zata da komai amman minal ta rantse sai ta jedasu hakan yasa dole ta yarda tana mata godiya har ta bar gidan. Babu inda Mummy batw raba Iv ba, sai faman zirga zirga take za ayima yar gwalo aure, kowa farinciki yake agidan banda Kairat da sai dai ta nuna a fuska amman a ranta jin take kamar an ďaure ta da sarqa. Anko kusan kala shida akayi dan ko wane event sai da ka fitar masa da kalar kayan da za'a saka, Amarya kan aba'a magana dan tsaddandin kaya Mummy tasa aka ďinka mata banda waďanda ango ya kawo mata ga kuma na lefe, Tun daga Sokoto aka ďauko maiyi mata lalle da kitso. Ranar laraba akayi sa lalle, kuma ranar akayi anki amarya kamar yadda al'ada ta tana da, washe garin ranar akayi kamu. ranar jumma'ah akayi walima da daren ranar akayi arabiya night, A maimakon dina. Ranar assabar akayi ďaura aure bisa sadaki dubu hamsi ďaurin auren da yasamu halartar manyan yan'siyasa da masu hannu da shuni da kuma manyan yanbkasuwa har ma da yan kasashen waje abunda dai sai wadda ya gani, maroka kan an kwashi kuďi kamar ciyayi, Ango yayi kyau matuka kallo ďaya zaka masa kaga anihin zatinsa saboda yadda kayan suka kar6i jikinshi. Sa maraicen ranar yan 6angaren amarya sukayi Fulani day, abun gwanin sha'awa kowa sai yabon bikin yake yan ďaukar hoto da bidiyo kullum sai sunyi aikinsu, sai kunga yadda Safiyyah ta saki jiki tana shigema amarya kamar ba ita ba, Babu irin mutane da ba'a gayyato ba girin bikin har da mawaqan kudu Rahama sadau sune gaba gaba da Adam a zango cikin waďanda aka kayyato nan arewa, Anyi 6arin kuďi kamar ba'a san zafin neman su ba, nikan nace ai kara da sukayi dan _idan da dama, dawo, adama asha da dama. ayi ta riya_ 😀 Da daren Ranar motocin ďaukar amarya suna iso, haka aka jerasu yadda kasan gwafna zaije kanfe, ko wace mota na tashi da wakar auren da Nura m inuwa yayi musu, kalolin motocin ďaya ko wace bak'a, Nasiha sosai Alhaji Ibrahim Ahlam yayi mata, kasancewar daga gidansa za a wuce da ita gidan angonta, mummy kuma tun kamin tazo tayi mata tana, Kuka sosai Minal take na rabon da dayi da Mummy da kuma ganin yadda ita Mummy take kuka, sai kace waďanda suka rabu har abada, Daker aka sakata, Kairat sai hanquri take bata tana kukan itama wadda ya zame mata biyu, riqe take da hannun Kairat har aka isa gidan angon nata. Gida na gani na faďa tsabar haske sai kace da rana ne, ko ina na gudan fulawoyi ne. A hankali aka fito da amarya bayan an buďe mata motar, falo sai kace aljannar duniya, dan bazaka ta6a gane najeriya kake ba sai ka fito waje, Har cikin ďaki suka kai ta suka zaunar da ita saman gadon tunda Allah ya hallince ban ta6a ganin irinsa ba tsaya kwatanta muku yadda kyawon ďakin yake 6ata lokacine. Basu fi minti ashirin da zama ba, ango ya iso tare da abokansa sai tsiya suke masa, sai kace yanzu ne yayi auren fari, Kallo ďaya Kairat tayi masa ta ďauke kai shi kan ko inda take bai kallaba, ita dashi ango sukayi dan ita blue shadda tasa irin tashi. Bayan anyi abubuwan da al'ada ta tana da suyi musu sallama suka fice, har bakin kofar falo Saif ya rako abokaninshi yana musu godiya, su kuma sai sheďana suke masa. Da suka fice, ya umarce masu gaďi da su rufe masa gate, shi kuma ya rufe kofar falo, ya nufi hanyar ďaki, Kanta a kasa ya tararda ita, cikin wani kyakkyawan mayafi da alama kuka take, baiyi mamakin kuka nata ba tunda yasan duk mace d bat ta6a aure ba sai ta samu kanta cikin wani kalar yanayi, Kusa ita ya zauna yasa hannu ya yaye mayafin dake jikinta yana murmushi, “Kuka name kuka Minal tashi zakiyi muyi alwala muyi sallah nafila mu gude Allah ko” Kai kawai ta ďaga masa alamar eh idonta na kasa ta kasa ďagosu ta kalleshi, ganin hakan yasa ya cire babbar rigarsa ya rika hannunta suka nufi banďaki, tare sukayi alwalar suka fito, ya shimfiďa musu abun sallah bayan ya mika mata katon hijab. Raka'a biyu sukayi, suka sallame sannan ya rika kanta yayi mta add'ah kamar yadda Annabi ya koyar damu, Sannan ta tashi ta ďauko plate da kofi ya zuba mata kaza da madara wadda aka aje a gefe sai kace kantin sai dasu, ya shiga bata da kansa tana ci a hankali kamar wata karamar yarinya, madarar da zai bata ma sai da ya kwatar da ita saman jikinsa, sannan ya bata, bayan sun gama ya goge bakinsa ya goge mata nata, maida plate ďin azauninsa ya buďe akwatin kayanta ya fiddo mata kayan bachi ya mika mata, Hannu biyu tasa ta kar6a kamar yadda Mummy ta karantar da ita, duk rashin kunyar Minal yau sai ta samu kanta da kasa saka kayan gaban Saif wani irin nauyinshi take ji, dan haka ta nufi banďaki ta kulle kanta sannan ta saka kayan bachin, Koda ta fito shima ya saka nashi, akasale ta karaso ta aje kayan data cire saman kujera. Bata ankara ba taji ya ja mata hanci yana dariya, “Wai yau Minal kunya ta kike ji ne.? nifa ban gane wannan noce noce kanba kodan na rabaki da Mummy yau?” Ita dai har lokacin bata iya ce masa komai ba. Ganin hakan yasa ya nuna mata gado, “Hau ki kwanta nasan kin gaji da yawa yanzu nima bachi nake ji” Ba musu ta nufi gadon ta kwanta, nan shima ya kashe wutar ďakin yazo bayanta ya kwanta yaja bargo ya lullu6e ta, ya kuma lullu6e kansa.Bayan ya shafa addu'ar da yake, ya tashi daga saman sallayar ya nufi gadon, Bargon da ta rufa dashi ya fara janyewa, ya hura mata iska a hankali cikin kunne ya raɗa mata+ “Tashi kiyi Sallah Bakwai ta kusa” Cike da nauyin bachi ta buɗe idon ta kalli kyakkyawar fuskarshi daya kawata da murmushi, murmushin ta mayar masa sannan tayi unkurin tashi tana mika, Bayan ta kare Sallah yazo gefenta ya zauna, ya zuba mata ido yana kallonta, sai da ta shafa addu ah sannan yace, “Ga abinci can Mummy ta aiko tun ɗazu kuma tace zata sake aiko wani” Juyowa tayi cike ta ladabi tace “Ina kwana” “Lafiya kalau kin tashi lafiya” Da murmushi ya amsa mata yaji daɗi sosai, abunda huda bata saba masa ba tun zuwanta gidan, wai ita a ganinta ka kwana gida ɗaya da mutun kuma da safe ka gaidashi, ita a gurinta bako akeyima haka. “Lafiya kalau” “Toh. yayi kyau sai ki tashi muje muci abinci dan Mummy tace baki jikirin yunwa tunda uwar safiya kike karyawa” “Laaaahhh” Ta ɗan zaro ido tana kallonshi, “Yaushe tace maka kodai kai kace da kanka.?” Taɓe baki yayi ya ɗan juyarda fuska, “Ta dai ce ke, sai idan mistake tayi ko bake take nufi ba, amman kuma idan ba ke bace mi yasa ta kawo wannan abincin da wuri haka tun gari baiyi haske ba” Murmushi tayi mai sauti, “Kawai malam kace min yunwa kake ji na tashi mije muci abinci ba wai ka ɗinga wani noke noke ba” “A'a walllahi ai ni nakan kai sha biyu ma ban karya ba kuma jikina lafiya kalau ba kamar ke ba daman ace marasa kiba sunfi cin abinci” Tashi yayi ya rika hannunta, “Muje kiyi buroshi sai muci abincin” Bathroom ya nufa rike da hannunta, Da kanshi yayi mata buroshi sannan yayi ma kanshi suka fito, a nan ya ɗauketa kamar wata yar baby ya nufi dinning room da ita, ita kuma ta shigar da kanta cikin kirjinsa sai faman dariya take tana faɗin ya sauke ta zata iya tafiya. Sai da ya sauke ta saman kujerar sannan yace, “Ai nasan zaki iya tafiya kawai bana son ki wahala ne” Dariya tayi, shi kuma ya kashe mata ido ya shiga zuba mata abincin. Da kanshi ya rik'a bata tana ci har sai da ya tabbatar da ta koshi sannan ya soma cin nasa, ido ta kura mishi kamar ba taɓa ganinshi ba, bai ankaro ba har sai da yq sarke da ruwan tea daya kuɓa, “Ke kus kici kanki wannan kallo har ina kika kokarin sa na ka sarke” Dariya tayi, ta tashi ta nufi kofar da ake bugawa, Direban Dr. Salamatu ne rike da manyan kuloli da katon kwando gabansa, Cike da girmamawa ya gaisheta, yace “Wai gashi inji Hajiya tace a kawo muku kuma tace a gaida ku” Kofar ta kara buɗe masa, “Shiga dasu ciki amman kai ta aiko ɗazu.?” “A a” Ya faɗa bayan ya aje kalolin, sannan yasa hannu aljihu ya ciro wayarta ya mika mata, “Ga wayarki inji Kairat” Kai kawai ta ɗaga masa tana mamaki, ta mika hannu ta karɓa, shi kuma ya fice. Rufe kofar tayi, ta nufo Saif yana faɗin, “Toh Mr stomach ga wani abincin nn Mummy ta aiko” “Wace Mummy.?” “Mummy na mana” Ta bashi amsa daidai lokacin da ta zauna saman kujerar dake fuskartarshi, “Toh waya aiko da wannan? Ba mummy bace” “I don't think so dan kasan bazata aiko da abinci biyu lokaci ɗaya ba” “toh waya kawo.?” “Kai ya kamata na tambaya” “Wani ne ya kawo i thought ko direban Mummy ne” Minal ta ɗan yatsine hanci, “Or maybe aljani ne” Wata irin dariya yayi, “Daɗin abin dai tare muka ci ko! Ni har kinsa ma naji na koshi” Itama dariyar tayi, ta tashi da sauri ta nufi ɗaki ganin yadda ya nufota. Guraren biyar da rabi motar Safiyyah ta faka a gidan Minal, ta ɗan daɗe kamun ta fito cikin motar ta nufi babbar kofar falon, Tana tura kofar falon kanshun turaren wuta ya daki Hancinta, “Ina wuninku” Tace da mutanen data tarar zaune falon cikin far'ah, Duk suka amsa mata da lafiya kalau suna mata ya gida, “Lafiya kalau ina Anty Minal?” “Tana ciki wuce” Ta fan gudu ta hau stars ɗin ta shiga ɗakin ta take zaton Minal ta ciki, katsancewar ɗakunann ba ɗaya bane, Cikin sa'ah kuwa ta tararda ita zaune ita da wasu friends nata suna fira, Da far'ah Minal ta tarɓeta, tana nuna mata kujera, “Lallai Safiyyah sai yanzu tun ɗazu su Lubna suka zo har sun wuce” “Ayyah Anty wallahi naɗan je wani gurin ne shiyasa bamu zo tare dasu ba kiyi hakuri” “Babu komai tunda dai kinzo ai ya gidan” “Lafiya kalau ya Amarci” Minal ta ɗanyi kasa da fuskarta, tana faɗin “Bari a kawo miki abinci Jannat Please kice da Fillo ta zubo abinci” Wadda aka kira da Jannat ɗin ta tashi, tana gyara mayafinta da faɗin, “Okey bari daga nan ma na wuce kindai ji abunda na faɗa miki” Tashi sauran kawayen nata suma sukayi tsaye, wadda hakan yasa ita ma Minal ta tashi, “Haba ku kuwa yanzu zakuje dan Allah ku bari sai isha i mana” “Au so kike angon yace mun matsa masa kenan a a ai ko yanzu munyi maki wuni ina laifi kar kisa idan munzo yace ba zamu shigo ba” Ɗayar ta faɗa tana zaro ido, nan duk suka bushe da dariya suna mata addu'a Allah bada zama lafiya, Ɗankwalinta ta ɗauko ta ɗaura tana wani abun da fuska kamar mai shirin yin kuka, “A'a dan Allah karki mana kuka bafa angon bane, ɗankwali kika gani ba hula ba” Kai kawai ta rausaya tana murmushi ta rufe masu baya, “Anty dan Allah ďan aro min wayarki” Daf ta zata fice Safiyyah tayi mata maganar, juyowa tayi yana nuna mata gurin madubi, “Gata can kan mirron bari na rakasu na dawo” “Okey ba matsala” Tana fita, Safiyyah tayi saurin nufar gurin da wayar take ta ďauka, tayi sa'ah bata da password, dawo wa tayi saman kujerar ta zauna ta shiga kiran wata numbar da wayarta, bugu ďaya aka ďauka, “Yanzu zan fara ina son kayi komai cikin sauri” Yata faďar hakan ya kashe wayar, tana kallon kofa,ta ďauki wayar Minal tana danne-danne jikinta sai rawa yake kamar mazari, wayarta take kallo tana rubuta abu a wayar Minal da alama sakone ko wani abun mai kamada haka, Har tayi ta gama Minal bata shigo ba, daďi yaji sosai ta mayarda wayar mazauninta tana busar da iskar bakinta da kaďa ido, ta ďan ďauki lokacin kamin ta taso ta fito ďaga cikin ďakin ta nufo falon, Bata isko mtanen data wuce ďazun ba sai wasu yan mata biyu, “Ina anty Minal.?” Ta tambayi ďayar tana kallon kofar kicin, “Tana ďayan falon a kirata ne?” “A a indai tazo kice mata na wuce” “Okey.zan faďa mata” Bata tsaya komai ba ya bar falon cikin gaggawa, kan kace kwabo har tabar gidan. Minal kan sai da ta gama sallamar abokaninta sannan ta tuno da Safiyah da sauri dayo ďaki, ganin bata ganta ba yasa duk ta shiga damuwa, tunani kawai take tana ganin Safiya ganin zatayi tayi mata wulakanci. Bayan sallah isha'i Saif ya shigo gidan, bai bari ta ganshi ba har sai da yayi wanka ya shirya cikin kayan baci sannan ya nufo ďakinta ďauke da ledodin dake hannunsa, tana zaune gaban madubi taji k'anshin turarensa ne ya daki hancin hakan ya tabbatar mata da ya shigo ďakin, juyowa tayi ta kalli k'ofa yana jingine sai kallonta yake yana murmushi, itama murmushin ta mayar masa ta taso ta nufi wadurof ta buďe ta fiddo wata doguwar riga ta yaďi kalar kore ta ďora saman gaďo, da hanzari ya karaso kusa da ita ya aje ledar hannunsa ya rumgume ta ta baya yana shakar kanshin dake tashi daga wuyanta, Lumshe ido tayi ita ta maida numfashin a hankali, wani kalar yanayi ta soma jinta ciki shi kuma yana kokarin wuce gona da iri sai cakuďata yake yana kokarin janye tawul ďin daga jikinta, “Saif zansa riga kasan kace idan ka dawo zaka kaini na ba Safiyyah hakuri” Ta kokarin kwace kanta tace masa haka, a maimakon ya saketa sai kawai taga ya jara janta jikinsa ya rumgume idonsa a rufe ya raďa mata, “Ke baki san wasa bane taya zan barki ki fita yanzu ni ba da gaske nake ba” Cigaba yayi da abunda yake mata yana kokarin kwantar da ita saman gadon, cizo ta kaibmasa a hannu ta murďe masa kunne har sai da ya saki yar kara ya saketa ya kwanta rairai yana faďin “Kai Minal kin cika matsala wai mi kike so ne.?” Tashi tayi tana ďan turo baki “Nace ka kaini gurin Safiyyah kaki kuma ni yunwa nake ji” Daker ya sauko saman gadon ya zauna kasa yana faďe ledar “Zo ga Pizza da madara” Da sauri ta sauko tana gyara ďaurin tawul ďin nata ta zauna gabansa ya rika sa mata a baki tana ci, zuwa can, cin abincin ya canja salo tun tana kiya masa har ta hakura ta zuba masa ido. Washe gari, bayan yayi wanka yazo ya tasheta ya ďauketa da kansa ya kai banďaki yayi mata wanka, sannan ya barota ta ďora dana tsarki tayi alwala ya fito da ita, Tufafi ma shine ya sa mata, har hijab sannan suka kabbatar sallah asuba, Bayan sun kare bata ko tsaya addu'ah ba ta koma saman gadon ta cigaba da baci. Bata farka ba sai goma har da yan mintuna, koshi badan ta gaji da bacin ba sai dan yunwa ce ta tasheta, zaune da ganshi jefen ta ya zuba mata ido yana murmushi, a nan ta turo baki tana masa kuka, Hannu yasa yaja bakin nata yana kwaikwayar kukan nata, da buga kafafu irin yadda take tun tana yi da gaske har abun ya koma bata dariya ganin yadda ya marairaice kamar karamin yaro yana koyonta. dariyar da tayi yasa ya jata jikinsa ya rumgume yana faďin “Haba ko ke fa kin tashi kinga masoyinki kusa dake ba sai kiyi farinciki ba amman kina min kuka” Ta ďan turo baki, “Toh ba kai bane” “Nine da nayi me faďa min mi nayi” Ya tambaya yana mata wani kallo da murmushi, sai kawai ta rufe idonta ta 6oye kanta cikin kirjinshi. kiss yayi mata cikin gashin yace “Tashi muje kiyi break fast tun ďazu ke nake jira fita nake son yi” Ta ďago ta ďan hararesa, “Fita Kuma, kaje ina.?” “Bafa nesa zanje ba kawai gurin Momi ne sai kuma gurin Aiki saboda meeting ďin da zanyi da wasu jafanis kuma Dad yace dole nine zanje shiyasa kawai zanje amman ina karewa zan dawo i promise you” Kuka ta shiga k'irk'iro masa, “A gaskiya nima toh sai na fita bazan daďe ba zan dawo” Sauka yayi saman gadon, ya ďauke caf ya nufi hanyar falo yana faďin “Rufa min asiri fitarki ba yanzu ba” “Ni gaskiya sai naje sai na fita daman ina son fita” Ta faďa dai-dai lokacin daya sauketa saman kujera ya shiga zuba mata abinci, yana murmushi, ita kuma sai wani turo baki take ala dole tana fushi, baibi ta kanta ba ya ďinga ďura mata abinci har sai da ya tabbatar da ta koshi sannan ya maidata ďaki, yana mata cakulkuli aiko ta hau dariya kamar ba ita. Nan ma wasan canja salo tayi sai da ta sallame shi sannan ya bar mata ďakin ita kuma ha hau baci. A gaggauce ya shirya saboda kiran wayar da ake matsa masa dashi, sai tsaki yake ja wai mutun yayi aure ďan hutun sati ďaya ma ba za'a barsa yayi ba, cikin black suit ya shirya bar gidan. **** **** **** Momi na zaune ďakinta Safiyyah na kwance saman kafafunta wayarta tayi ringing, Safiyyah ce ta tashi taje gurin wayar ta ďauko mata ganin numbar Saif yasa ta danna picking ta mika mata, Momi ta kar6a ta kara a kunne cikin sallama, “Assalamu alaikum Saifullahi” Daga ďayan 6angaren ya amsa mata, “Na'am Momi an tashi lafiya.?” “Lafiya kalau ya gidan naka.?” “Lafiya kalau Momi nace bazan samu biyowa yanzu sai zuwa anjima saboda meeting ďin da Dad ya tura ni yanzu haka ma ina kan hanya” “Toh ai da yanzu da anjima duk ďaya ne Allah ya kaimu” “Amin Momi sai nazo” “Toh...” A nan ta kashe wayar, tana murmushi, Safiyyah ta kalleta “Momi mi yace ne.?” “Wai ba zai samu zuwa ba, sai anjima zaije miting yanzu” Momi ta bata amsa tana dannar wayar, Zaunawa tayi kusa da ita kamar mai tunani tana kallon wayar Momi. Zumbur! ta tashi tsaye kamar an tsakareta har sai da Momi ta kalleta, “Ke lafiya?” “Lafiya kalau Momi indomie dake kan wuta na tuno” Ta bata amsa da sauri ta fice. A maimakon ta nufi kicin ďin sai kawai ta nufi ďakinta, ta kulle kanta ta nufi gurin wayarta ta ďauka ta dannan ma Huda kira, Ringing tayi tayi tana katsewa bata ďauka ba hakan yasa taja tsaki ta ďauki gyalenta da makulin motar ta ta fice. A harabar gidan Saif ta faka motar ta ta fito a uzurce ta shiga cikin gidan, Ganin bata ga Huda falo ba yasa ta nufi ďakinta tana mata mahaukacin kira, “Huda Huda Huda wai kina ina?” Shigarta cikin ďakin yayi dai-dai da farkawar Huda daga bachi, “Ke ďan Allah tashi har ta wani baci kike kishiyarki na morewa” Ta faďa a lokacin data zauna kusa da ita, Huda ta ďan murja ido tana hamma tace “Lafiya dai Safiyyah” “Ba kan lafiya ba tashi zakiyi dan wannan shirin da nace miki zamuyi yanzu yavm kamata muyi ba basai ya dawo ďakinki ba” “Mi kike nufi?” “Saif ya fita aiki yanzu saboda miting ďin da Dad ya cilasta masa zuwa kuma daya fito gurin Momi ya nufa kinga komawarsa gida ba yanzu ba kenan” Huda ta sauko da kafafun ta saman gadon, “Nifa ban gane abunda kike nufi ba” “Oh Huda Plan ďin da mukayi yau ya kamata mu aiwatar da shi kamin Yaya Saif ya dawo” “Taya hakan zai faru ba kince sai yana ďakina ba?” “No yanzu zamu aiwatar da shi ba sai yana ďakinki ba” Bata tsaya komai ba ta ciro wayarta ta shiga neman numbar Deen, Tayi sa'a wayarsa na buďe kuma bata daďe tana ringing ba ya ďauka, “N'am Deen Kana ina yanzu.?” Banji mi yace mata ba kawai naji tace masa kalau ta shiga koro masa bayani, xuwa can kuma tayi shiru kamin ta sake cewa, “Ok yanzu zanzo na ďauke ka da kaina zan shigar da kai gidan amman bana son a samu matsala fa” Tana kaiwa nan ta tashi tsaye cikin sauri ta nufi kofar fita, Huda na mata magana ko saurarenta ba tayi sai faďin take ta bari har ta dawo, Kai tsaye gurin da Deen ya kwatanta mata yake ta nufa, Ta fita daga motar ta ta shiga tashi motar mai bakin gilas shi kuma ya shiga gidan baya ya kwanta kamar ba kowa. masu gadin gidan basu hanata shiga ba kancewar sunsan fuskarta, sai ma gaisuwar da sukayi mata cikin bangirma. sama sama ta amsa musu dan hankalinta baya gurin, Tana fakawa ta nufi cikin gidan ta bayan ta faďa masa karya fito. Tun daga bakin kofar ta soma kwallah salamar tana kiran Anty kina nan ciki, jin ba'a amsa mata ba yasa ta nufi ďakinta, Motsin ruwan da taji ne ya tabbatar mata da wanka take, juyowa tayi da sauri ta dawo gurin Motar ta buďe ma Deen tace ya fito, cikin sauri ya fito suka shiga cikin falon, sai tafiya suke kaďan kaďan kamar wasu 6arayi, Ďayan ďakin ta buďe masa ta shiga da sauri, ta maida kofar ta rufe, sannan ta nufi ďakin da Minal take. koda ta shiga ta tararda ita tana tsane jikinta da ďan guntun tawul, Minal na ganinta ta saki fa'ah tana mata sannu da zuwa, Ita samasama tayi mata far'ah ta zauna tana wani numfashi suka soma gaisawa, Hakuri ta rika bata akan abunda ya faru ranar. ita kuma sai murmushin karfin hali take tana faďin, “Babu komai wallahi Anty yanzua har zan wuce sai nace bari na biyo na sha ruwa” “Aiko wallahi kin kyauta bari na kawo miki ruwan yau ni kaďai ce gidan” “Allah sarki” Ta faďa tana ďan soshe soshe. Minal ta zura doguwar rigarta ta nufi hanyar fita tana faďin, “Bari na kawo miki ruwa” “Toh Anty wallahi kishin ruwa ya matsa min” Tana ganin Minal ta fice, Ta nufi gurin wayarta da sauri ta ďauka ta shiga mata danne danne, Jin motsin shigowarta yasa tayi saurin maida wayar mazauninta, ta koma ta zauna tana haki, Saman ďan karamin tebur Minal ta ďora mata drinks ďin da buskin tana faďin, “Ga abinci can dinning idan zaki ci” “Yauwa sannu Anty” Kallo ďaya zaka mata ka gane babu natsuwa a tare da ita, ruwan ma kaďan tasha ta tashi tana faďin ta tafi, babu yadda Minal batayi ba akan ta tsaya har a ďan jima amman tak'i, a dole tasa Minal ta kyale ta tayi mata sallama ta fice. ****** *********** ******** Wunin Ranar Minal bata zauna falon ba sai dai tabi ta wuce idan zata shiga kicin. Sai bayan Sallah isha i ta fito sanye da wata haďadďiyar doguwar riga pick kala ta nufi kicin sai kanshi turare take. Ruwan Tea ta ďora saman gas ta fito ta dawo ďakinta, ta sake ďaukar wani turaren ta fesa, tana kokarin zama taji an ta6a mata baya, da sauri ta juyo cike da tsoro dan a zatonta aljani ne tunda bata san tabar kowa ďakin ba. “Deen!” Ta kiran sunan nasa da karfi tana dafe gaba, da murza ido wai ko gizo ne idonta ke mata. Matsowa ya rikayi cikinta yana mata wasu kalamai kamar wadda yayi shaye-shaye, “Kina da kyau Minal naso na kasance na Miji na farko da zai fara saninki Ya mace amman sai kika min butulci Minal baki cancanci zama matar kowa ba sai ni ina sonki sosai Minal” Tana baya yana binta, yana binta cikin tsoro tace, “Deen ya akayi ka shigo cikin nan Lafiya kake.? Deen meke damunka?” “Babu abinda yake damuna Minal sai kaunar ki.....” Hannu ya kai ya riko ta ya yana shafata, da son rabata da kayan jikinta, A nan ita kuma ta shiga kokuwar kwace kanta, tana faďin, “Deen miye haka ka dawo hankalinka mana kai ne ma kuwa wai ya akayi ka shigo nan gidan ne?” Bai saurareta ba sai kokarin rana ďin da yake da kayan jikin cikin karfin hali ta shiga kicin kicin ganin ta kwace kanta, suna haka taji kiran Saif a falo, “Baby na” Dakan uku uku gabanta tayi mata, da sauri ya saketa ya yayi baya murmushi, ita kuma ta rufe baki tana zaro ido, “Ka gani ko abinda nake gudu yanzu ya zanyi ?” Cikin Murya kuka tayi masa tambayar duk ta kiďime, jikinta sai rawa yake. Da murmushi yace mata, “Kije ki tar6eshi mana karya shigo” Da sauri ta ďaga masa kai ta juya ta fice, tana fita ta rufa mata baya taku biyar ďin dake tsakaninsa da ita yayi masa taku biyu ya fisgota da karfi ta faďo masa ta baya yana faďin, “Toh ni ya zakiyi dani?” Tsaye tayi kamar hoto daga ita har Saif, shi yana kallonta da Deen itama tana kallonsa idonta a zare kamar zasu fito. Sam Saif ya kasa tantance abunda idonsa suke kallo, Deen ne a gidansa tare da Amaryarsa ko kuma gizo idonsa suke masa! Cikin rashin kuzari ya tako ya nufo gurin da take tsaye, ganin Deen na ja da baya yasa yaja ya tsaya “Da gaske ne kenan, na ɗauka gizo idona suke min dan ban taɓa tunanin ganinki da Deen a gida na ba” Yanayin yadda yayi maganar ya karantar da ita ɓacin ransa karara gashi kuma bayyane a fuskar sa, Juyowa kalli Deen idonta taf da hawaye ta sake kallon Saif sai wani motsa baki take ta kasa magana, bata kara katsewa ba sai da taji muryar Deen tana shigar mata kunne kamar ana tada bom, “Dan Allah Saif kayi min rai bada son raina nazo gidan nan ba sai da nace bazan shigo ba tace nazo ba komai amman wallahi babu abunda ya faru tsakanina da ita” Maganar yake muryarsa cike da rauni kamar da gaske, nan Minal ta sake kallonsa a karo na biyu hawaye na zuba a idonta, “Kaji tsoron Allah Deen” Ta juyo gurin Saif, “Wallahi Saif bansan....” Ganin irin kallon da yake mata yasa ta kasa k'arasa maganar sai kawai ta fashe da kuka, Kofar fita ya nuna ma Deen, “Zaka iya tafiya Deen” Kamar walkiya ya fice daga falon, fuskarsa na nuna damuwa da tsoro, a baɗili kuma zuciyarsa ce cike da farin ciki, halin da yaga Minal da Saif sun shiga. Ɗakinsa ya wuce, zuciyarsa na wani irin bugawa da zugi, Saman gado ya faɗa yana maida numfashi ya rumtse ido yana haɗiyar yawu kamar mai haɗiyar maɗaci, Magagganun Safiyyah yake tunawa lokacin daya fito daga gurin Momi zai nufo gida ta biyo shi tana kiransa, da kamar ba zai tsaya ba sai kuma ya tsaya ya kalleta, “Ya akayi ne kike min wannan kiran?” Ajiyar zuciya ta sauke sannan ta soma magana kasa-kasa, “Yaya ka sani bana son abunda zai cutar da kai kasan yadda nake cutuwa idan naga ranka ya ɓace, Yaya bana jin daɗin abunda Huda take maka balle yanzu da kaje aka auro Minal yarinyar da anyi maya shaida da rashin tarbiya, Yaya nasan ba zaka fahimce abunda nake nufi ba saboda sonta ya rufe maka ido amman Yaya dole ne na faɗa maka gaskiya koda zaka ga bak'ina Yaya gani nake kamar Minal ba ɗan Allah ta Aure ka ba kamar tana da wani buri a kasa duba da irin sak'waninta na da kuma yadda take son Deen amman ta barshi ta zaɓi ta Aure ka, Yaya bana son idonka su kallo maka abunda zuciyarka bazata iya jurewa ba Yaya.... -” Hannu ya ɗaga mata ya karaso kusa da ita, “Wai dan Allah Safiyyah miyasa baki jin kunyar kallon idona kina faɗa min mummunar kalma akan Minal, Sai yaushe zaki kwantar da kanki damuwarki taki ce tawa tawa ce Safiyyah ke baki kula da bana damuwa da mamuwarki ba miyasa kike cusa kanki gurin ganin kinyi abunda zaki burge ni a kan Minal? Nasan wacece Minal Safiyyah ba sai kin faɗa min” Bai tsaya jiran abunda zata ce ba ya juya nufi gurin motarsa, Har ya iso gida cike yake da jin haushin Safiyyah yana ganin tana masa shigar shagala. yanzu kuma sai yake ganin kamar gaskiya ta faɗa masa, “Saif... -” Da raunaniyar murya ta kira sunan nasa, ta tsaya daga bakin kofa tana kallonsa, Buɗe ido yayi ya tashi zaune ya kalleta cike da son jin abunda zata faɗa. Ganin hakan yasa ta k'araso kusa dashi ta risina kamar mai rokon gafara. “Saif.... Zan iya faɗa maka wani abu ka yarda?” Bai ce mata Ae ko a'a ba hasalima bashi niyar yi mata magana har sai yaji karya da zata tsara masa dan yasan karya ce, tunda shi ganau ne ba jiyau ba, Ita bata tsaya jiran abunda zai ce ta cigaba, “Wallahi Saif na rantse maka da Allah bansan yadda akayi Deen ya shigo cikin gidan nan ba, Wallahi Saif bani na kirasa ba” Murmushin yak'e yayi, “Minal kenan, please karki soma faɗa min abunda kika san duk wadda kika faɗawa ba zai yarda ba balle ni dana gani da ido na, Minal taya Deen zai shigo cikin gidan ya kai har cikin ɗakinki kare da karau har ku fito tare sannan kice baki san yadda akayi ya shigo cikin gidan ba? Taya ma Deen zai shigo cikin gidan nan ba tare da sanin ki ba gidan dake cike da masu gadi Haba Minal” “Yushe zuciyarka ta rufe tayi karfi haka daka kasa fahimta ta? Taya zan gayyato wani namiji cikin gidana ina amarya koda halina ne ballantana ba halina bane Saif kasan wacece” “Yes nasan wacece ke Minal” Ya tari numfashinta tare da tashi tsaye yana mata wani kazamin kallo, “Nasan abunda zaki iya aikatawa, nasan kin ɗauki kula wasu mazan ba komai ba, kin faɗa min da bakikin ke babu wadda ya isa yasa ki canja hakinki kin faɗa min ba zaki taɓa iya rabuwa da Deen ba ko kin manta?” Hannayensa biyu yasa ya tashe ta tsaye, ya dafa kafarɗarta. “Nasan abu ne mai wahala rabuwarki da Deen Minal, kowa ya san ki dashi ba abun mamaki bane idan ance an ganki dashi yana ɗaya daga cikin dalilin ya yasa na kyaleshi ya fita ba tare da nayi masa komai ba, Idan anji Minal ni zayi ma dariya ace min Allah ya kara saboda anta jamun kunne akan halinki amman naji na gani nacezan Aurenki i thought that idan na Aure ki zaki zubarda halinki marar kyau na tallafi rayuwarki muyi rayuwa mai kyau da Nagarta ashe nayi kuskure....” Sakinta yayi ya nufi k'ofar fita, ita kuma har lokacin hawaye take, abunda da farar mace nan da nan fuskarta ta rine tayi wani ja, fatar idonta ta lumburo bakinta sai rawa yake kamar mai jin sanyi, tasan ta baro kyau tun ranar haihuwa tunda tayi ɓarin bakin cewa ba zata iya rabuwa da Deen ba, kuma ba wadda ya isa ya sata abunda bata tashi ba, Tana haka Saif ya shigo ɗakin riƙe da wayarta ya mika mata, “Idan shigowar da Deen yayi ba tare da haɗin bakinki bane bakisan ya shigo ba toh wannan saƙon fa waya aika.?” A hankali ta ɗago ido ta kalli fuskarsa, idonsa sunyi wani irin ja, jijiyar kansa ta tashi kallo ɗaya zakayi nasa ka gane mugun ɓacin rai dake cikin ransa, A kasale ta mika hannu ta karɓa, sannan ta kai ɗayan hannunta ta share hawayen dake idonta tana duba sakon. _DEEN. Zanyi miss ɗinki sosai Minal kamin ranar da zamu haɗu_ _MINAL. Na sha faɗa maka Deen ka daina damun kanka aure na da Saif na ɗan lokaci ne kuma zama na dashi ba zai yanke tarayya ta da kai ba_ _DEEN. Bazan iya hak'urin rashin ki ba har na wani lokaci Minal kinsan yadda nake sonki_ _MINAL. Karka damu duk ranar da ya ɗan daga min kafa zan rik'a kiranka_ _DEEN. ok i love you sai na jiki_ _MINAL. i love you too_ SAKON YAU _MINAL. Deen kazo yanzu idan kana free Saif ya fita amman kayi sauri kamin ya dawo_ _DEEN. ok gani nan zuwa kiyi min kwaliya mai kyau i can't wait to see you dear yau zan zama ango nima_ _MINAL, Ka daiyi sauri karya dawo kasan ba wani daɗewa zamuyi ba_ _DEEN. Yes gani kan hanya mi zan zo miki dashi?_ _MINAL, hot kiss_ Hawayen idonta ne suka rik'a sauka saman wayar, tun tana iya ganin alphabet har ta daina saboda cikar da idonta sukayi da kwallah, yanzu kan bata da hujjar kare kanta ada tana tunani idan da nusar dashi wata kila zai fahimta amman yanzu ba taya zai yarda ba ita ta tura wannan saƙon ba, bayan gashi a wayarta amman ita tasan idan za'a kashe ta a sake sa mata rai a kashe ta ba tasan tayi wannan chat ɗin da Deen ba, hasalima tun ana sauran kwana hudu bikinta bata sake saka shi a idon ta ba, balle a waya, “Ba ke kikayi ba.?” Ya tambaya a tsawace fuskarsa kuma babu annuri. Yanzu kan tasan bata da wata mafita babu ta inda zata iya kare kanta, hausawa sukace gudun da ba tsira kwanciya ta fishi, Ganin haka yasa ta kalleshi fuska a raunane tace “Nice Saif nina aikata”5 Duk yadda ransa yake ɓace sai ɓacin ran yanzu yafi na ɗazin saboda ta amsa da kanta ita ta aikata, toh idan kuma bata amsa ba ya zatayi bata da wata mafita sai wannan babu ta inda zata iya kare kanta. “Miyasa kika karyata farko ? bayan na gani da ido na” Bata ce masa uffan ba, saboda nauyin da bakinta yayi mata sai ruwan hawaye take kamar kurma, sai kawai ta juya kamar kazar da kwai ya bashema ta ciki ta nufi kofar fita. “Minal....-” Cikin muryar maza yayi mata kiran muryar dake da wahalar fassara. Cak tayi tsaya bakin kofar, ta lumshe ido tana haɗiye wani kololo daya tsaya mata a wuya, "Thank you so much Minal I really appreciate it” Har lokacin bata ji tana iya furta masa wata kalmar ba. Buďe idon tayi ta tattara rigarta ta nufi ďakinta da gudu, Saman gaďo ta faďa ta rushe da wani irin kuka mai tsuma zuciya, tana jan gashin kanta, sosai sosai tayi kukan nan da nan idonta ya rumburo, Zufa ce ta shiga karyo mata ta ko ina sai numfashinta ya rika fita sama-sama, da sauri ta tashi ta cire rigarta ta shiga bathroom ta tsakarwa kanta shawa. **** **** **** Safa da marwa Saif ya rikayi cikin ďakin bayan fitar Minal, Tunanin yake miyasa Minal tayi masa haka miyasa ma ya aureta, bayan yasan halinta kuma ta riga ta faďa bazata ta6a canjawa ba, ? _amman miye na mamaki ai daman can haka halinta yake tunda bata ďauki mu'amala da wasu mazan wani abun ba auren da nayi mata nima dai nati ne kawai dan ganin na canja mata hali,_ Wata zuciyar ta soma tunasar dashi abunda ya manta, Amman fa Minal ba karamar yarinya bace a matsayin da take yanzu yaci ace tasan abunda ya dace da wadda bai dace ba, kai Minal tasan komai da gangane take tunda har tasan ta kula wasu mazan ta 6oye ma mijinta, shiyasa Huda take burge ni nasan tana yimin ba dai-dai ba amman bata yarda ta kula wasu mazan tana kokarin kare mutuncinta tana taya ni kishin kanta sosai, “I hate you Minal.. i hate her so much.-” A fili ya furta zuciyarsa cike da tsanar ta, Gaba ďaya ma jin yayi ya tsani gidan dan daga ďakinsa yana jiyo kukan da take a ďakinta, Wani dogon tsaki yaja ya fice daga ďakin, Da wani irin karfi ya buɗe Motarsa yaja ya rufe still da karfin kamar ita ce tayi masa ƙaifin, yadda ya ruƙa horn sai da ya bawa masu gadin tsoro, da gudu suka buɗe masa gate ya fice yana rike da sitarin da wani irin karfi. . Ya daɗe zaune cikin motar kansa jingine a sitari sai ajiyar zuciya yake saukewa, daga bisa ya fito ya nufi kofar falon hannayensa zube cikin aljihu yana tafiya guda guda, karaurawar dake gefen ƙofar ya danna ya jingina da ƙofar yana lumshe ido, Jin an buɗe ƙofar yasa ya ɗago ya kalleta, ita kuma ta sakar masa murmushi tana faɗin, “Ango kenan shine ƙka tsaya a waje kamar baƙo” Baice mata komai ba sai kallonta yake fuskarsa ba yabo ba fallasa, daga bisani ya jata zuwa jikinsa ya rumgumeta, yana sauke ajiyar zuciya, “Ina sonki sosai Huda ina sonki” Yana faɗar hakan tayi murmushi ta ƙara ƙanƙameshi a ranta tana faɗin _Ta faru kenan_ A fili kuma sai ta ƙara shigewa jikinsa, “Nima ina sonka sosai Saif” Sun daɗe a tsaye gurin kowa da abunda yake saƙama zuciyarsa, zuwa can ya saketa jin wayarsa na ruri ya ɗauko wayar daga cikin aljihusa yana duba mai kiran, Nasir ne abokinsa hakan yasa shi saurin dannan picking ya kara wayar a kunne, “Hello Nasir kana ina ne?” “Ina majalisa naga kayi min four miss calls lafiya dai?” “Lafiya amman ba lau ba i need to see you” “Ok kazo ina gida ai” “Ok gani zuwa” Yana kashewa, ya kalli Huda “Je ki kwanta zan leƙa gari” Wani maraurauce fuska tayi “Ba zaka shigo ba?” Kai kawai ya ɗaga mata dan baya jin iya yi mata magana sosai, tsaye tayi tana kallonsa zuciyarta cike da farin ciki, tana ganin ya shiga motarsa ta rufe ƙofar da sauri ta nufi ɗakinta da ziman kiran Safiyyah, ☆ ☆ ☆ Nasir yaja wani dogon numfashi, yana tattara girarsa yace, “Kai yanzu Saif ka tabbatar da da kanta ta kira sa?” “Haba Nasir ga abu ƙarara na gani tayi masa tex sannan kuma ta faɗa da bakinta itacw tace yazo” “Sai naga kamar Minal ba zata iya yi maka haka ba dan Minal tasan miye aure and..-” “And what..?” Saif ya katseshi yana masa wani kallo, “Ba yaro bane ni Nasir nasan mi nake yi duk abinda ta aikata da ganganta aikata shi, kawai rainin wayo ne yayi mata yawa take son nuna min kamar bata san miye duniya ba” “Saif ba haka bane Ya kamata ka kwantar da hankalinka ka bincika komai yadda ya kamata Baka sani ba ko wani sherin ne” “Ba wani sheri malam kai duk yadda zakayi ka kare Minal ka iya wazai mata wani sheri kawai malam ka faɗa min abun yi tunda kace karna sake ta” “Saki ba yi bane Saif yaushe akayi auren nan ko sati anyi da zaka cw zaka saketa ? yanzu idan ka saketa zaka jefa zuciyarta data mahaifiyarta cikin wani halin, kuma ka koma abun labari” “Ba damuwa ta bace dan ta shiga wani halin ai ita batayi tunanin halin da zan shiga ba kadan yadda nake ji yanzu” Nasir ya dafashi, “Nasan kana da zafin kishi Saif amman ka kwantar da hankalinka ka koma gida yanzu gobe da safe zanzo gidan” Tashi yayi, tsaye yana jan tsaki, “Nifa banga wani abun da zaka zo kayi min ba malam” “No Saif ba haka bane, kasan aba son yanke hukunci cikin fushi kayi haƙuri har zuwa gobe please” Rausayar da kai yayi ya nufi ƙofar fita Nasir na bayansa yana bashi maganganu. *** *** *** Daren ranar baci ƙwara yayi daga idon Minal, ko alamun bachi ba taji ba balle bachin, a zaune ta kwana tana kuka, har aka kira sallah asuba. bayan tayi sallah ta dawo parlour ta zauna idonta sutun sutun ko gani batayi sosai, juyi ta riƙa yi saman kujerar tana jin tsanar duniyar da take ciki. Wasa-wasa yau kwanan Minal huɗu bata saka Saif a ido, duk tsawon lokaci ba tada abinci sai kuka iya karta ta sha ɗan ruwa tea ko shi kaɗan daman can Minal ba mace ce mai son cin abinci ba, duk wayar da suke da Mummy bata taɓa faɗa mata ba halin da take ciki ba, duk da Mummy tasha tambayar da koda wata matsalar ne saboda yanayin da take ji na muryar ta ba kamar yadda ta saba jinta ba, Minal bata taɓa nuna mata wani abun ba sai dai tace mata ba komai.+ Juyi take tayi saman gado, hawaye nayi mata zuba, tunanin halin da take ciki take da kuma wadda zata shiga, miyasa Deen yayi mata haka? Miyasa Saif ya kasa fahimtarta? Tashi tayi zaune tana tunanin kodai wani aljanin ne yayi mata haka a iya saninta bata san tayi wannan chat ɗin da Deen ba, sannan tana mamakin yadda aka yi ya shigo gidan har yakai cikin ɗakinta ba tare da sanin ta ba? Ita tasan Deen ba zai mata haka ba kuma idan ma yayi mata toh wannan sak'on fa da bata san ta tura ba ya akayi hakan ya faru da ita. “Anty Minal...-” Kiran da akayi mata ya katse mata tunani kuma ya tsorata ta, duk da muryar maiyi mata kiran tayi kama da ta Safiyyah amman bata gama tantancewa ba tunda yanzu ta gama tunanin aljanu kuma bata ji shigowar kowa ba sai kiran sunan nata, Tashi tayi tsaye tana kallon ƙk'ofa zuciyarta sai rawa take, “Assalamu alaikum Anty” Safiyyah ta kunno kai cikin ɗakin tare da sallama, Saida Minal ta sauke ajiyar zuciya sannan ta amsa mata tana ƙirƙiro murmushi “Wa'alaikissalam Safiyyah” Ta amsa tare da zaunawa a kusa da ita, “Na'am Anty Lafiya kike kuka?” Sai a lokacin ta tuno da hawayen dake fuskarta, da sauri tasa hannu ta shafe tana dariyar da bata kai zuci, “Lafiya kalau kai ido na ne yake ciwo ya su Momi” “Lafiya ƙalau suke tare muke da Yaya Nasir ƴyana Falo yana jiranki” Jimmm ta ɗanyi, azuciyarta tana tunanin ko yana tare da Saif ne, bata son wani yasan halin da take ciki duk da tasan bata aikata ba, amman tasan tunda Saif ya kasa fahimtar ta babu wanda zai fahimce ta, dan haka bata son wani yaji, sai ta sake sauke ajiyar xuciya sannan ta kalleta, “Oke jeki ce masa gani nan zuwa” “Ok” Ta faɗa tare da juyawa tana murmushi. Da saƙe-saƙe ta fito ɗakin ta nufo falon har ta zauna bata san ta zauna ba saboda tunanin da take, “Lafiya?” Nasir ƴya buƙata, ta kalleshi tare ɗa faɗaɗa murmushinta, “Lafiya ƙalau gata nan fitowa” Kai ya ɗaga mata ya ciro wayarsa yana danne-danne. Sautin ƙarar takalminta yasa shi ɗaga kai a hankali yana kalleta, Yadda take tafiyar kamar wata marar lafiya ko kuma nace marar lakka, ta naɗe jikinta da sari ja irin na shuwa arab, yayi mata kyau sosai kamar wata balaraba, kasa ɗauke mata ido yayi har ta zauna. “Ina wuni Nasir” Ta gaisheshe kanta na kallon ƙasa, “Lafiya ƙalau Minal” Ya amsa mata still yana kallonta, sai a lokacin yaga ramar da tayi dan har kashin idonta ya fito kamar wata mai ciyon ƙaujamau, Tausayinta ne ya shiga fisgarta ganin yadda idonta ke kwance da ruwan hawaye, kodai wani abun Saif yake mata? Tambayar taya jefa fama kansa kenan yana kallonta, “Anty kamar akwai abunda yake damun ki?” Safiyyah ta tambaya fuskarta na nuna damuwa kamar gaske, “Babu abunda ƴyake damu na” Ta amsa mata ba tare data kalleta ba, “Amman Anty naga kinyi rama sosai kuma fuskarki na nuna akwai damuwa a tare dake” “Babu komai Safiyyah Kinsan daman lafiya bata ishe ni ba” “Haka ne Allah ya baki lafiya” “Amin” Nasir ya kalli Safiyyah, “Tashi kije waje zamu yi magana” Ta ɗanyi murmushi, “Yaya Nasir kenan ba sƙon Yaya Saifu bane ai zaka iya faɗa ai” Ya haɗe mata fuska, “Bazan faɗa ba ke kika aiko ne ko kuma lokacin daya bani saƙon a gabanki ya bani? Kinfa san bana son iskanci ko?” “Yaya miye abun faɗa daga magana, naga ni Ƴar'uwar Saif ce kuma..-” Ya katse ta, a fusace “Ke tashi ki fita nace kona ɓata miki rai shiyasa da zan fito kika ce zaki biyo kinsan bana son gardama ko?” Ta fusata sosai, hakan yasa bata sake musa masa ba ta tashi, duk da taso taji abunda zai faɗa ɗin, amman kuma tasan halinshi zai iya yi mata tass a gaban Minal, “Na tafi anty” Ta faɗa tana kallon Nasir, “Ba awaje zaki jirashi ba” Minal ta tambaya ganin yadda take gyara gyalenta da rataya jika, “A a daman ni gida zanje sai nace ya rage min hanya” “Allah ya kiyaye” “Amin” Bata sake cewa Nasir komai ba ta fice, Bayan kamar minti biyar da fitar ta, Nasir ya kalli Minal yace, “Mi Saif yake miki wanda har tasaki rama haka” “Baya min komai babu wata matsala a tsakanin mu” Ta amsa masa muryarta a raunane, Hakan ya ƙara karantarda shi halin da take ciki na damuwa, “Bai kamata ki ɓoye min ba Minal Saif ya faɗa min komai, amman ni ban yarda da abunda ya faɗa min ba saboda nasan ba zaki aikata ba” Sai a lokacin ta kalleshi, suka haɗa ido, “Miyasa kace haka Nasir bayan ga gaskiya ƙarara na na aikata” “Baki aikata ba Minal ba zaki aikata irin wannan abun da auren ki ba zan iya yarda kin kira Deen cikin gidanki ko kuma nace ya kawo miki ziyara amman ban yarda zaki aikata wani abun ba kamar yadda Saif yake zargi, Bai kamata ace kin bar abu a ranki ba idan wani abun Saif yake miki ki faɗa min Minal?” “Baya min komai Nasir hasalima tun ranar da abun ya faru ban sake sashi a ido ba, be sake shigowa gidan nan ba kuma idan na kira baƴa ɗauka in na masa text baya reply” Tagumi tayi tana goge hawayen da suka zubo mata wanda taso ta tsaidasu suka ƙi tsaiduwa, Wani irin tausayinta ne ya fusgi zuciyarsa, sai yaji kamar a tsokar jikinsa hawayen suke zuba haka yaji kamar ya tashi ya koma kusa da ita ya share mata hawayen ya rumgumeta, A take tsanar Saif ya shiga zuciyarsa, miyasa yake gallaza mata har haka? dan me zai ɗauke mata ƙafa har na kwanaki huɗu, akan abunda zuciyarsa ta tabbatar masa da bata aikata ba, shi taya ma zai faɗa mata saƙon da Saif yace ya faɗa mata? Sai yanzu ya gano dalilin Saif na shirya tafiyar da yayi ba tare data sani ba, kuma har yake son tafiyar ba tare daya faɗa mata ba, ko ƴyanzu ma in ban da ya tirsasashi da ba zata sani ba, Tunani yake yadda Saif yake amsa masa maganar duk da yayi masa ta Minal da kakkausar murya, wanda ke nuna har yanzu cikin ɓacin rai yake, “Saif yanzu kana ganin kayi tafiyar nan da Minal.baifi ba a maimakon Huda?” “Da huda nake ra'ayin tafiyar Nasir ban ma faɗa ma Minal ba kuma bazan faɗa mata ba sai dai taji na tafi” “Saboda mi naga ai itama matarka ce kuma hakkinta ne idan zakayi tafiya ka faɗa mata, ka kuma tambayi ta idan tana buƙatar wani abun” “Toh baxan yi mata hakan ba au nasan dai abinci da yake cikin gidan zai isheta har na wani lokacin, dan Allah ka daina yi min maganar Minal Nasir indai kana son mu zauna lafiya” “Amman dai kasan Allah ne ya ɗora maka hakki haka ko” Ya fita cikin motar yana faɗin, “Na wakiltaka kaje ka faɗa mata kayi mata duk abunda ya dace” Bai tsaya jiran abunda zaice ba, ya nufi bayan motar ys fiddo kayan da suka siyo ya nufi cikin gidan, Nasir na kokarin ribas Safiyyah ta fito daga falon Huda ta nufoshi tana tsayar dashi, “Ya akayi ne?” Ya tambaya bayan ya tsaya ɗin, “Dan Allah Yaya ka sauke ni gida” “Ba gida zanje ba gurin Minal zani Saif ya ban sƙo na kai mata ne” “Oke muje kawai” Da sauri ta shiga motar. Cike da son ta bishi ɗin dan taji wane saƙon ne Saif ya bashi ya kai ma Minal. Gyara zaman da tayi ya dawo dashi daga duniyar tunanin daya tafi, Ya kalleta a kasale muryarsa kuma na nuna rashin jindaɗi yace, “Saif yace na faɗa miki tafiya ta kamashi zuwa Londom kuma gobe zai wuce duk abunda kike so ki faɗa min” Da sauri ta kalleshi hawayen dake idonta suka ɓalle, suka cigaba da zuba, bakinta na rawa tace,2 “Toh.” Da sauri ta tashi ta nufi dan samun damar yin kukan da take haɗiyewa, Shima tashi yayi tsaye, yana kiranta, bata amsa masa ba saboda halin da take ciki bata son juyo balle ma har ta dawo. Ƙasan carpet ta faɗi tana wani irin kuka abun tausayi, Ƙasa tayi mata zafi gashi kuma yanzu ƙsaman nason kama mata da wuta, Saif zai tafi ya barta bai damu da duk halin da zata shiga ba, miyasa har yanzu Saif ya kasa fahimtarta ko yayi mata uzuri? Da sauri ta ɗauki wayarta da makulin matarta ta bar gidan. Tuƙi take tana kuka kanta babu ɗankwali jikinta ko mayafi babu daga ita sai doguwar riga ta isa gida, Sai tayi fakin wani tunin yazo mata, shin mi zata cewa Mummy wane hali mummy zata shiga idan ta faɗa mata? Shin mummy ma zata yarda da bata aikata ba? Ganin bata da amsoshi waɗannan tambayoyi yasa ta share hawayen dake idonta, ta buɗe motar ta fito ta nufi cikin gidan. “Assalamu alaikum” Ta shiga falon da ƴar far'ah kamar gaske, duk idonta a kumbure yake, Tsohuwa ce ta amsa mata cike da mamakin abunda ya kawo ta gidan yanzu gata kuma a yamutse, “Wa'alaikissalam Minal kece haka?” “Nice Tsohuwa ya gida?” Ta faɗa tana kallon Kairat dake kwance saman doguwar kujera tana bachi, “Gida lafiya kalau Kairat ce kawai ba lafiya” “Miya same ta” Da sauri ta karasa kusa da ita, ta rame sosai tayi baƙi kamar ba ita ba, Tsohuwa ta taso daga inda take ta nufo Minal tana faɗin, “Tun ranar da kika tare washe gari ta tashi da rashin lafiya kuma Hajiya tayi tayi ta kaita asibiti ya ki ankira likita ya duba ta taki yarda a dole aka sama ta ido ko abinci kirki bata ci” Tausayinta ne ya kamata Minal, nan da nan kukan dake tare da ita yayi kokarin dawowa, a take ta manta da nata damuwar, tana kallon fuskar Kairat, mi yake damun yar'uwata haka? Wane irin ciwo ne wannan miyasa bata son taje asibiti? bayan nasan Kairat da tsoron ciwo! A hankali ta kai hannu ta taɓa jikinta, hawayen dake idonta suka zubar Kairat a fuska, Hakan yayi sanaɗiyar tashinta daga bachi, Tana ganin Minal ta zabura ra tashi zaune, tana kiran sunan nata da kasallaliyar murya, “Minal kice?” “Nice Kairat mi ke damunki?” “Aike ya kamata nayi ma wannan tambayar kinga yadda kika rame?” Hannu takai ta taɓa wuyanta, sai kuma damuwarta ta dawo mata arai, tashi tayi ta nufi hanyar ɗakin Mummy, “Minal Ina Saif...” Tambayar ta tayi mata tasa ta juyo, ta kalleta, “Yana gida gobe zaije London shine yace nazo gida” “Kizo gida kamar ya?” Kairat ta tambaya fuskarta ɗauke da mamaki. Duk yadda Minal tayi kokarin ɓoye damuwarta sai da ta bayyana a fuskarta saboda hawayen da suka shiga zubo mata, Duk da rashin kuzarin da Kairat take ji bai hana ta tashi ta rika hannu Minal suka nufi ɗakinta, ** ** ** Da kanta ta zaunar da ita saman gadon tana kallon fusakarta, “Minal faɗa min meke damunki?” Idonta na hawaye tace, “Kairat jindaɗi na ragaggene, mafarkina yankanke ne a duk lokacin dana hango haske sai naga karshensa duhu ne, bansan nayi ma duniya take juya min baya ba i know rayuwata yar kaɗan ce amman naso jindaɗina na kasance dogo sai gashi ban samu haka ban Duk ƙlokacin da farinciki na raɓe ne toh bakin cikin da zai shafe ni sai ya fishi yawa” Kukan da take yasa Kairat kuka, “Minal ki faɗa min abunda yake damunki mi Saif yayi maki?” Bata ɓoye mata komai ba, cikin abunda ya faru komai sai da ta faɗa mata. Sosai jikin Kairat yayi sanyi, sai dai itama ɗin ta yarda da Minal ba zata iya aikatawa ba amman miyasa Deen ɗin yayi mata haka? Waya shirya mata wannan abun dole a kwai wani abu akasa, tausayin Minal ya kamata akoda yaushe cikin bakin ciki take Sai yaushe jindaɗin ta take mata fata zaizo mata, farincikinta a yanzu Saif ne kuma shima ya juya mata baya. Hannu tasa ta share mata hawayenta, itama tana kuka, tace, “Kiyi hakuri Minal zanyi masa magana kinji?” Kai Minal ta ɗaga mata duk da tasan ko tayi masa maganar ba yarda zaiyi ba, “Please Kairat karki faɗama Mummy zata iya shiga wani hali kinji?” “Bazan faɗa mata ba” Suka rumgume juna suna kuka. Sun ɗauki lokaci a haka sannan ta taso ta fito daga ɗakin ta baro Minal. Gardem ta nufa ruke da wayrta tana danna ma Saif kira, Sai da tayi masa miss calls biyar ana shida ya ɗauka, “Ya akayi.?” Muryar Saif ta ratsa jiyoyin jikinta da kunnenta ta game ilahirin jikinta, Wani dogon numfashi taja sannan yace, “Dan Allah dan Annabinsa ina son kaganinka na haɗa ka da girman Allah” “Me xanyi miki.?” “Kazo dai yanzu ina son ganinka dan Allah da ya halince ka” Bai bata amsar zaizo ko bazai zoba sai kawai taji ya katse kiran, lumshe ido tayi ta sauke ajiyar zuciya, ta juyo jikin a mace ta dawo falo. Toh yanzu ya zata ɓulloma ƙlamarin ba lallai bane ya gansu da maganar ta waya sai dai kuma tasan ba zai zoba tunda ya kashe mata waya, toh kodai ta kyaleshi, wata zuciyar tace baza iya jure ganin Minal haka ba, kuma tasan Mummy ma idan taji zata iya shiga wani halin. Tana cikin wannan tunanin mai gadinsu ya shigo yace Saif na sallama da ita a waje, Tashi tayi da sauri bayan tace masa yace tana zuwa ta shiga ɗaki ta ɗauko hijab ɗinta ta nufi kofar fita, Tsaye ta hangonshi jikin motar hannayensa zube cikin aljihu yana sanye da wata shadda blue colour ta karɓi jikinsa sosai ɗinki yayi masa kyau, fuskarsa babu annuri, Ita kuma fuskar tasa take kallo har ta karasa kusa dashi, “Na gode da kazo Sannu da zuwa” “Ba godiya nazo kiyi min ba ba kuma tarbarki nake so ba dalilin kiran nake son ji” Ya faɗa kamar a fusace, ajiyar zuciya ta sauke murya a kasale tace, “Dan Allah kazo mu shiga ɗakin baki sai muyi maganar” Baice mata komai ba sai kawai ya nufi hanyar ɗakin bakin ita kuma ta rufa masa baya, tana kare masa kallo. Bayan sun zauna, ta kalleshi tana murzar hannunta tace, “Saif Minal ta faɗa min abunda ya faru, nasan zakayi wahalar fahimtar ta amman ....-” Hannu ya ɗaga mata, “Idai maganar Minal ce toh ki hutar da kanki babu ta yadda zaki juya min kwakwawa alhalin ga gaskiya ina gani da ido na kuma ta faɗa ta bakinta ta amsa laifinta” “Saif ba haka bane nasan Kasan Minal amman ba zata iya aikata irin wannan a cikin gida ka ba...-” Tashi yayi tsaye, yana mata wani kallo, “Na auri minal ne saboda ina sonta kuma ina tunanin idan na aureta zan iya canja mata hali sai gashi na tararda tuwon da ta tuka a gidana yafi wadda take tukawa a gidansu, Sai a yanzu na yarda ta zancen mutane da suke cewa Minal bata da tarbiya bata dace dani ba” Ta tashi tsaye itama, “Haba Saif! Wannan wace irin magana ce haka nasan kana tare da ɓacin rai amman ya kamata ka tausayawa Minal kayi tunanin halin da zata shiga kodan rashin mahaifin nan ta take mafama dashi” “Rashin mahaifi.?” Yayi murmushi, “Nina sa mata rashin mahaifin ne ? Minal bata da tarbiya Kairat bata da kirki bata min halacci ba sai yanzu nake nadamar auren ta da nayi” Kairat ta fusata sosai, dan haka ta nuna masa tsaya, “Karka sake zagin Minal karka sake ce mata bata da tarbiya kar bakinka ya sake faɗin wata mummanar kalma akan Minal idan hankalinka ne ya ɓace toh ya dawo jikinka Saif” Matsowa yayi kusa da ita yana murmushin gefen fuska, “Kina sonta da yawa Kairat shiyasa kika da ɗaukar mata da soyayyarki shiyasa kika rika kai kawo wajen ganin na aureta kika rika kareta bayan kinsan bata dace dani ba, Kika zaɓi ke ki mutu ita ta rayu, akaina kike wannan ciwon Kairat na sani” Kai ta girgiza masa, “Kayi kuskuren fahimtar Saif babu soyayyarka a cikin zuciyata ko kaɗan” Kara matsowa yayi kusa da ita ta yadda tana iya juyo bugun zuciyarsa, yace “Ki kalli kwayar ido na ki faɗa min baki sona ki karya ta kanki da kanki indai har da gaske babu sona a cikin zuciyarki!” Kasa ɗago kai tayi ta kalleshi balle har ita iya furta abunda ya bukace ta dayi. Hakan yasa shi yin murmushi mai sauti, “You see ba zaki iya ba, kin cutar dani Kairat da kika karkata zuciyata zuwa ga Minal bayan kinsan halinta kin kuma san bata dace dani ba, i hate you but i hate her more” Yana kaiwa nan ya kaɓe mata rigarsa ya juya a fusace ya bar mata falon, Sai da taji tashin motarsa sannan ta share hawayen dake idonta ta nufi kofar cikin gida, tana buɗe kofar taga Minal tsaye a bakin kofar da hawaye shaɓa-shaɓa a fuskarta. _ME ZAKU CE AKAN WANNAN.? ME KUKE TUNANIN ZAI FARU A GABA.?_2 Miyasa baki faɗa min kina sonshi ba? Miyasa kika bari na aureshi bayan kinsan ke yake so?”+ Sune tambayoyin da Minal ta riƙa yima Kairat tana hawaye, Itama hawayen take sai motsi take ta baki, kamar mai son yin magana ta kasa, Girgiza ta Minal ta shigayi da ƙarfi tana kuka. “Ki bani amsa mana Kairat miyasa kika sadaukarda soyayyarki ga wace farin cikinta kaɗan ne? Miyasa kika bari na auri Saif bayan kinsan ba nice mace da yake so ba kinsan ban dace da rayuwarsa? Miyasa zaki cutar da kanki kuma nima ki cutar da akan abunda zaki iya juyashi ya zame miki farin ciki?” Kuka Kairat take yi sosai kukan da bazata iya furta mata koda ‘A’ ba balle ta amsa mata tambayoyinta. Ganin hakan yasa Minal ta saketa tayi baya-baya har ta jingina da bango, ta sulale ƙasa tana matsar gashin kanta, “Allah na tuba idan wani abun na maka Ya Ubangijina na tuba ka yafe ni, Allah karka kama ni da laifin da bansan na aikata ba Allah karka ɗora min abunda bazan iya ɗauka ba” A hankali taji an shafa tsakiyar gashin kanta zuwa bayan ta sannan aka duƙo dai-dai tsawonta an sa hannu a anshafi gefen fuskarta, Wani sanyi taji ya ratsata, ta lumshe ido tana ƙara saita fuskarta ga Mummy, “Ko wane Bawa da irin jarrabawar da ake jarrabarsa da ita Minal, kowa da adadin Allah ya ɗibar masa na rayuwarsa da jidaɗinsa da farinciki da kuma mutuwarsa, Ba'a taɓa dauwama a abu ɗaya Minal jindaɗi bai taɓa ɗaurewa ba, Dole ne ka mutu ka barshi ko kuma shi ya ƙare ya barka, kamar haka ne wahala bata ɗaurewa, dukan abunda yake fararre toh ƙararrene wannan abun, Ɗan Adam baya taɓa samun abunda yake so 100%, Allah yana jarraba bayinsa badan baya sonsu ba sai dan ya gwada imaninsu da irin juriyarsu, wani yana can yana neman irin rayuwarki bai samu ba, yana neman farinciki koda ma wadda bai kai naki ba bai samu ba, Kiyi haƙuri Minal ki kasance kicin bayin da haƙuri yake zame musu riba, kiyi haƙuri dan Allah kar lokaci yazo wanda haƙurin zai zame miki dole kuma a lokacin baki da lada, kiyi haƙuri Ƴata kici jarrabawa ki yarda da ƙaddara baki san abunda mahaliccinki ya tanadar miki ba” Kai ta girgiza ma Mummy alamar gamsuwa ta rumgumeta suna kuka, Kairat ma tana tsaye a gun da take tana nata kukan, aka sara mai ba wani haƙuri. Sun daɗe a haka sannan Mummy ta rika ta suka tashi tsaye tare ta nufi hanyar ɗakin. Wanka mummy tasa tayi sannan ta kwanta taja bargo ta lulluɓe, zaune mummy tayi kusa da ita tana kallonta har bachi ya ɗauke ta, *** *** *** Bata farka sai bayan la'asar, tana tashi ta sake yin wanka tayi sallah, sannan ta nufo downstairs, Babu kowa falon sai tv dake ta aikinsa, windon falon ta nufa tayi tsaye tana kallon Parking space, wani yanayi take ji mai wuyar fassara, bata jin kuka a yanzu sai dai na zuci ta take, fuskarta tayi wani fari kamar marar jini, lumshe ido tayi ta sauke ajiyar zuciya. “Minal...-” Buɗe ido tayi ta juyo tana kallon Kairat ba tare da ta amsa ba, Karasowa tayi kusa da ita idonta cike da hawaye tace “Kina jin haushi na ko?” Ko dai bata ɗaga mata ba balle tayi mata magana sai kallon fuskarta take, “Na sani Minal, amman ina son ko fahimce ni bana nufin ɓata miki rai ko kara miki bakin ciki Minal nafi son farin ciki kin fiye da nawa bazan iya auren abunda kike so ba, Banyi hakan da wata manufa ba sai dan sama miki farinciki saboda yadda kike sonshi” Har lokacin bata ce mata komai ba sai kawai ta ɗauke kai jin hawayen da suke son zuɓo mata, Ganin hakan yasa Kairat ta juya jiki ba kwari ta nufi hanyar upstairs “Kina son shi Kairat” Cak. Kairat ta tsaya ta juyo ta kalleta tana share hawayen ta tace, “Idan nace miki bana son shi nayi karya Minal babu wata cikakkiyar mace da tasan kanta zats kalli Saif tace bata sonshi koda bai nuna mata ba balle ya nuna, Saif yana da cikar kamalar mace bata isa ya kalleta yace yana sonta taki amsa masa ba duk yadda nake son wani Minal nafi sonki da dashi” Hannu Minal tasa ta share hawayen da suka zubo mata tana murmushi, ta soma magana a hankali tana takowa kusa da Kairat, “Nasan Har yanzu baki gama karantar waye Minal ba Kairat har yanzu baki waye ni ba, Nasan kina sona Kairat you don't have to tell me nasan kina son farin ciki na nasan zaki iya yin komai a kaina amman kinyi abu ɗaya daya ɓata min rai kuma nake ganin laifin ki akanshi kin san minene.?” Ta dafa kafaɗar Kairat tana kallon fuskarta, “Saboda me zaki sadaukar da soyayyarki ga wanda kika san soyayyarta zata zame mata bakin ciki da damuwa, Miyasa baki faɗa min Saif baya so na ba miyaaa zaki zugashi ya aure ni bayan kinsan ba nice zaɓin sa ba miyasa kika yi haka Sister?” Hannunta Kairat ta rika, “Saif yana sonki sister wallahi ni shaida ce da ace baya sonki da bazai aure ki ba kinsan waye Saif Minal babu wadda ya isa ya sashi abunda bai tashi ba, Kece mace ta farko da ya fara so kuma ya aure ki a yadda kike, Minal nice bana da tabbacin son da yake min saboda yana sona na dan halayen da yake tunanin na ɗara ki dasu, da ace zan canja hali da ba zai so ni ba amman ke kinga a yadda kike kuma yake sonki a haka ɓacin rai ne yasa shi yin kalaman da yayi miki ɗazun Minal ke kanki kinsan Saif yana sonki kuma kinsan duk namijin da yaga matarsa da wani dole yaji bakin ciki da ɓacin rai” Shiru Minal tayi kamar mai nazari, tana haɗiye yawun dake bakinta, “Amman Kairat yana sona ya kasa yayi min uzuri?” “Ba zai miki uzuri ba saboda zuciyarsa a rufe take amman nasan gaskiya zata bayyana” “Yes zata bayyana Kairat nasan da wannan dan karya bata taɓa ɗorewa ba but...-” Sai kuma tayi shiru, ta share hawayen fuskarta, ta janye hannayenta daga rikon da Kairat tayi mata ta nufi ɗakinta. Bayan Sallah insha i mummy ta shiga ɗakin, rike da kofin tea da biskit, dunkule ta hango Minal saman gado kamar marar lafiya, ganinta haka ya ɗaga mata hankali, tayi saurin karasawa kusa da ita ta yaye bargon tana faɗin, “Minal baki da lafiya ne.?” Tashi tayi zaune cike da karfin hali ta kirkiro murmushi, “Lafiya ta Kalau Mummy sanyi ne kawai nake ji me kika kawo min?” “Tea da biskit nasan tunda kika zo baki ci komai ba, are you sure lafiyar ki kalau?” Mummy ta tambaya cike da damuwa a fuskarta, Hannu tasa ta karɓi tea ta sha dan ta kara tabbatar ma da Mummy lafiyar ta kalau duk da ita kanta tasan bata da lafiyar, “You see mummy i m fine” Kanta mummy ta shafa, tana murmushi zuciyarta kuma cike da tsoro, “I hope so tashi muje muci abinci nasa anyi miki shimkafa da miyar kifi abunda kike so” “Bana jin cin abinci yanzu kuma kinga nasha tea sai dai ko zuwa anjima” Mummy ba dan taso ba ta kyale ta, sai dan bata son tirsasa mata, “Okey promise me anjima zaki ci” “I promise mummy” “Thank you” Ta faɗa tana shafa kanta, sannan ta tashi ta fice, Sai goma na dare ta sake dawowa ɗakin ganin bata fito ba ta saka ta agaba suka ci abincin tare. Haka mummy ta rika yi mata a duk lokacin cin abinci sai ta zubo suci tare, ita kuma dan ta farantawa mummy ta kuma nuna mata bata damuwa sai taci duk da yake wani lokacin kaɗan take ci. Sam bata yarda mummy taga kukanta tun tana ɓoye kukan har kuka ya daina zuwa mata da kansa, sai dai ƴnauyin kirjin da take ji. Yau ma mummy ta ɗibo abinci kamar yadda ta saba, amman yau a falo ta zaune, “Kairat jeki ki kira min Minal” Tace da ita tana kokarin karɓar ruwan da talatu ta ke mika mata, Sai da ta kalli abinci sannan ta tashi ta nufi hanyar ɗakin Minal, A bakin kofa ta tsaya ta sauke ajiyar zuciya sannan ta kai hannunta ta murɗa kofar ɗakin ta shiga. Takardu taci karo dasu cikin ɗakin ki duk an watsar Minal kuma ta ba kofar baya ta rike kai da alama kuka take, Hannu Kairat takai ta ɗauki ɗaya ɗaga cikin takardar dake bayan Minal, _Miyasa ka tafi ka barni? Miyasa bakayi hakuri an same ni ta halal ba? Miyasa baka yi tunanin ya rayuwa ta zata kasance ba? Me na maka Haka me na maka?_ Shine abunda Kairat ta gani a rubuce, koda ta gama karantarwa idonta cike yake da kwallah, a hankali ta zauna bayanta ta dafa ta, “Kuka kike yi sister.?” Bata ɓoye nata ba ta juyo tana ɗaga mata kai, “Yes kuka nake yi kukan da bashi da magani, miyasa ya buga min tabon da ba zai gogu ba? da zanga Mahaifina a yanzu da nayi masa tambayoyi masu yawa” Hannayenta biyu tasa ta riki fuskar Minal, idonta cike ta hawaye ta soma mata magana kamar mai rarrashi “Ashe har yanzu baki koyi Hakuri ba Minal? Har yanzu baki fahimce miye duniya ba?” “I try but you know what? Ke shegiya ce bada aure aka haife ki ba wannan kalmar ita tafi komai bakan ta min rai miyasa mutane basa fahimta ne shin ni nayi kaina ko kuma jindaɗina ne na kasance haka? Yanzu Huda ta kirani ta gaya min magana son ranta ta aibanta ni tayi tirr da rayuwa mena tarewa mutane ne ? Dame zanji!” Kuka take sosai har muryarta na rawa, ganin hakan yasa Kairat ta rumgime ta suna kukan tare. Zuwa can ta janye jikinta tana share mata hawaye tace “Karki bari Mummy taji wannan maganar hankalinta zai iya tashi” Kai ta ɗaga mata tana kara goge hawayen, “Taso muje tana falo tana jiranki zaku ci abinci” Nan ma kanta ɗaga mata ta tashi ta shiga banɗaki ta wanke fuskarta sannan Kairat ta rika hannunta suka fice. *** *** *** SAIF............ Tunda ya sauka London, baya cikin walwala duk wani jindaɗi da yake tunanin idan ya baro nageriya zai samu bai same shi ba, shida yazo da zimmar yin wata biyar sai gashi ko wata uku bai yi ba yaji ya kosa da garin, Wani gefen kuma gani yake ko dan Huda taki yarda ta biyo shi shiyasa abubuwan suka taru suka yi masa yawa, ga damuwar da yaxo da ita tayi masa tsaye a rai a maimakon ta ragu sai ma karuwa da take. Idan ya rufe idosa babu wanda yake ganin sai Minal, gashi sai mafarkai yake yi barka tai, duk wani sukuni dake tare dashi sai ya rasa shi, gani yake kamar zai iya cire Minal a ransa amman ya kasa yanzu da yake son ɗasa kiyayyarta a zuciyarsa, soyayyarta ce take karuwa, wani ɓangare na zuciyarsa kuma sai tausayinta yake ji, yes rayuwar Minal abun tausayi ce amman miyasa tayi min haka naso muyi rayuwa mai kyau ni da ita amman ta ruguza min tsari ta wargaza min lissafi. Wani dogon numfashi yaja ya lumshe ido, _nasan a duk inda kike kina bukata ta kusa dake, koda mun rabu zuciyoyin mu ba zasu iya rabuwa ba,_ “Why? Minal why?” A fili ya furta ya tashi daga kwance da yake yana kallon sili kamar wani bakon ɗakin. *** *** *** A hankali ta sauke idonta daga kallon silin da take, ta mai da dubanta ga wata fulawa dake gefen kofar sitting room, tana sauke ajiyar zuciya, _Har yaushe ne lokacin da nake mafarki zaizo? Sai yaushe Saif zai gane gaskiya? Ina son ka gane gaskiya Saif ba dan na zauna da kai ba sai dan muyi rabuwar mutunci, daga lokacin da ka gane gaskiya Na rabu da kai kenan rabuwa ta har a bada_ A zuciyar ta take wannan maganar, tana dafe da kanta, wani kololo taji ya tsaya mata a zuciya ya tokare mata gaba, yayi nauyi sosai, ajiyar zuciya ta shiga saukewa, wai ko zata samu sawaba, ta tashi ta nufi windon dake facing ɗinta ta rike labulayen tana kallon Garden. Abu taji ya gangaro mata daga hanci kamar majina, da sauri ta nufi dinning, ta ɗauki tissue ta goge, sai gashi ya kara zubowa kamin ta hankara har ya zubar mata a hannun, ɗago hannun tayi ganin abu kamar jini tana dubawa, jinin da gaske ba kama bace, “Innalilahi wa'inna ilaihi raji'un” A fili ta furta tana zaro ido, numfashinta ya shiga rawa a'lamar tsoro.

0/Post a Comment/Comments

Recent Posts

73745675015091643