FmD4FRX3FmXvDZXvGZT3FRFgNBP1w326w3z1NBMhNV5=
items

BABBAN GORO CHAPTER 5

BABBAN GORO CHAPTER 5
Miyasa kika rufe laptop ɗin.?”+ “Ba komai na gama abinda zanyi ne ya akayi.?” “Ba komai Mummy tace na tambaye ki ina kika je min Sarka.?” Kairat ta tashi tsaye, “A'a ba wani sarkanki ni tace ta siyo ma” “A'a-a'a tace ni ta siyo ma ke sai ta sake zuwa” “Dan can ji kanta aje a tambayi mummy ďin” “Ae aje ďin” Da gudu Minal ta fice tana arigaggan zuwa gurin mummy, Ta riga Kairat isa ďakin sai ta rika yima mummy wink da ido. “Mummy bani kika siyo ma wannan Sarkar ba.?” Murmuahi Mummy tayi dai-dai lokacin da Kairat ta shigo ďakin tace, “A a Kairat na siya ma ke nace sai wani satin” Dariya Kairat tayi mata tana mata gwalo, “Allah na gode maka yarinya kinji kunya” Kukan shagwa6a Minal tasa, “Gaskiya ni mummy kina gwada min banbanci Ni barin gidan ma zanyi” “Sai kin dawo Allah ya kiyaye Hanya” Mummy ta faďa da fuskar zolaya tana murmushi, Tashi tayi ta bar d'akin tana hararar Kairat, Nan Kairat ta rufa mata baya tana zolayarta, BAYAN AWA D'AYA....... Duk zaune suke falo suna fira suna cin Tofin da Talatu tayi musu, Kairat sai santi take wai ya ake yinsa. Duk dariya suka sama, har Mummy Minal tace1 “Da madara ake yinshi” “Dan can ji kanta kena tambaya ne sai kace iyawa tayi” “Wallahi Mummy ta daina ce min aji kaina kona mata ďan banzan duka” Tashi mummy tayi, “Idan ba gurin na bar muku ba ba zaku barni na huta ba kullum faďa kuke kamar kananan yara” “Ai itace ta fara jana” Minal ta faďa tana hararta, Kairat taja tsaki “Ji kanta dana jaki saina kaiki ina?” “Kinji ko mummy baza ta daina ba” Mummy dai bata sake ce musu komai ba da nufi ďakinta, Haushin hakan yasa Minal ta ďauki Filo ta jefe Kairat dashi, Nan Kairat ta sake ce mata “Dan Allah can ji kanta an faďa ance ji kanta” Banza tayi da ita ta cigaba da matsar rimot tana cin tofin, “Idan kinji ma na sake miki magana kice min ba Minal ba” Dariya Kairat tayi zatayi magana, Jafar ya turo kofar falon ya shigo da sallama, “Amin wa alaikassalam” Talatu ta amsa masa, sai da ya gaidasu sannan yace “Wai Saif yace a kira masa Kairat” Dimmm gaban Minal da Kairat ya faďi, suka haďa ido kamin daga bisani Minal.ta janye nata, “Kodai Minal yace.?” Kairat ta tambaya, “A'a kedai yace a kira masa yana nan waje” Rasa tayi abunda zata ce dashi, idan tace baxata ba Minal zatayi tunanin wani abun ne idan kuma taje Minal zatayi tunani wani abun ne kuma, toh ya zatayi.? Minal ce ta katse mata hanzari, da faďar “Jeki kace gata nan zuwa” “Toh” Da sauri ya tashi ya fice. Kairat ta kalleta “Haba Minal nace miki zani ne?” “Amman kinsan Saif yafi karfin wulakanci ko.?” “Lallai kan Kuma baki san abunda yake tafe dashi cikin daren nan ba” Talatu ta faďa tana kokarin tashi. Tashi itama Kairat tayi ta nufi hanyar ďakinta, Ta daďe tsaye kamin ta saka hijabinta ta fito. Tsaye ta hangosa jikin mota sanye da bakar jallabiya ya rumgume hannayesa yana kallon sama kamar mai kidayar taurari, da sanyin jiki ta karasa kusa dashi, cikin sallama. a hankali ya sauke idanunsa akanta ya kamar mata murmushi. Bata jira ya amsa tambayar ba ta aika masa da tambayoyi, “Me kazo yi yanxu da dare nan Saif.? Minyasa kace akira maka ni ? mi zanyi maka.?” Ido ya kura mata, “Wace Tambayr zan fara amsa miki” “Mi kazo yi da dare haka.?” “Daga gurin Abbah nake wasu file na kai msa shine nace bari na biyo kinsan kusa ne” Kai ta ďaga masa tana kallon windon falo kamar mai jin tsoro, “Miyasa kace a kirani Bayan ga Minal.?” “Ke naga damar kira” Cikin kakkausar murya ya bata amsa, Nan ta kallesa, “Abunda kake bai kamata ba Saif” “Ke kina yin abunda ya dace ne.?” “Ba haka bane yanzu Minal zatayi tunanin ko wani abun ne” “Toh sai me dan tayi tunanin kina tsoronta ne?” “Bana tsoronta” “Miyasa kike gudun 6acin ranta.?” “Saboda ina son farin cikinta” Kai tsaye yake mata tambayoyin tana bashi amsa. A hankali ya gyara tsayuwarsa fuskarsa ba yabo ba fallasa yace, “Bari na faďa miki wani abu da baki sani ba a kaina Kaiyrat, Bana yin abu a tambaye ni dalili, bana tambaya a maida min tambaya, bana cewa A ace min B ba mai kallon tsakar idona ya faďa min bakar magana, Bana kira a kashe idan bani na kashe ba. Duk abubuwan nan dana faďa kin aikata su na kyale ki ne dan kawai ina mutunta ki and i have something behind your heart, so don't try me again” Nan ya jefa mata gift ďin dake hannunsa, “Bana kyauta a mayar min idan kinga dama ki ďauka ko ki jefar” Bai jira cewarta ba ya buďe motarsa ya shiga, da wani karfi ya fisgeta ya fice gidan kamar kyaftawar walkiya. Sai a lokacin ta iya yin tsotsin kirki, dan tunda ya fara maganar tayi saranda tana saurarensa. Dukawata tayi ta ďauki gif ďin da aka naďe cikin jar fefa mai zanen heart, ta nufi kofar falo, jikinta sayyaye. Tana turo kofar falon Minal ta kalleta, Murmushi Kairat ta sakar mata tabkaraso da sauri kusa da ita kamar ba ita ba, “Minal kinsan meye.?” Kai ta girgiza mata, Kusa da ita ta zauna tana mika mata Gif đin “Wai kiran da yayi min danki ne fa kinga abunda ya siyo miki wai tsoron baki yake ji karki watsa masa kasa a ido.”1 Da sauri Minal ta mika hannu ta kar6a zuciyarta cike da farinciki, “Tsorona sai kace wata dodo miye a ciki.?” “Ai bai yarda na buďe ba wai sai na kawo miki kuma yace na gaishe ki” Da karfi Minal ta fixge fefar. Kairat gabanta sai faďuwa yake kar Minal.tqga wani abun da zai sa tayi tunanin yana sonta Allah allah take idan bai rubuta sunan ta ba ko wani abu daya danganceta, Da farko batayi niyar bata ba sai kuma tayi tunani idan bata bata ba toh me xata ce mata Saif yazo yi a gida kuma gurinta. Cake ne cikin kwali mai ganen heart guda shida guri ďaya, ďaya ta ďauka tabkai bakinta ta lumshe idon tana murmushi. Can kuma ta buďe idon ta rumgume Kairat, Dariya Kairat tayi wadda zan iya cewa bata kai ciki ba, tace “Minal kin jidaďi ko.?” “Sosai ma” “Minal kina son Saif ko.?!” D'agowa tayi daga jikinta tayi kasa da kanta, “Amman ina jin tsoron kar shima ya juya min baya Bana sin daga baya wata matsalar ta fito yace ba zai zauna dani ba” Hannu Kairat ta kai ta rika fuskarta, tana murmushi “Zai soki Minal ba zai barki ba Saif ya banbanta da sauran maza Ba zaki sake bakin ciki ba Minal no more sad, no more tears wadda kikayi a baya is enough idan mutun bai faranta miki ba Minal toh bazai bakanta miki ba” Sake rumgume ta Minal tayi ta rumtse ido tana sauke ajiyar zuciya, “Na gode sosai Kairat” “Don't mention you deserve more” Kairat ta faďa tana lumshe ido, “Kuma shima kamar yana sona ko Kairat.?” Kai ta ďaga mata tana share hawayen da suka zubo mata, “Sosai ma Minal yana sonki sosai” Kara rumgumeta tayi cike da jindaďi.Cike da ɓacin rai ya isa gida. Mamakin kansa yake wai Namiji kamar shi Kairat zata tsaya tana yimai yadda taga dama, wani gurin kuma laifin kansa yake gani tunda shi ya sake mata fuska har taga damarsa. Da wannan tunanin ya shiga ɗakinsa, Kwance ya hango Huda ta baje saman gadon tana sharar bachi, matsawa yayi kusa da ita ya kura mata ido hannayensa zube cikin aljihu. Zuwa can ya ɗauke kai ya nufi wadurof ya canja kayan jikinsa zuwa na bachi, bayan ya gama shirinsa na bachi ya kashe wutar ɗakin yazo bayan Huda ya kwanta.+ * * * “Mtwssss” Yaja tsaki, Nasir ya kallesa, “Wai dan na yi maka sammako kake wannan tsaki.? idan mitin ɗin ne baka son zuwa sai ka na koma na sauke ka” “No ba haka bane mitin ai ko baka zo ba dole ne naje, kawai wani abun ne yake ɓata min rai” “Name.? ko san yan jarida sun yaɗaka” Kallon rashin fahimta Saif yayi masa, “Sun yaɗani kamar ya wani abun na aikata ne.?” “Kar dai kace min baka san komai ba!” “Allah ban sani ba, meke faruwa ne?” “Aiko kusan jarida nawa ta buga wai kana soyayyah da ya Dr. Salamatu” Hannu yasa ya dafe kansa, yada soma sara masa yanzu, “Kai wai yan jaridar nan basu da hankali ne! Su abu kaɗan ya zama na labari Mtwss” “Wai kana nufin bada gaske bane.?” “Babu abunda ke tsakanin mu, ni ba sonta nake ba beside ni Qawarta nake so kuma ita ma ta fara bani haushi” “Baka sonta amman kake kula ta.? Haba Saif nifa ba mutun bane da zaka ɓoye ma sirrinka” “Allah da gaske nake ni babu abunda ke tsakanin mu, ina kula ta ne kawai dan tana bani tausayi saboda kazantacciyar rayuwar da take, amman ni ba sonta nake” Murmushi Nasir yayi ya bugu sitarin motarsa, “Karka ce min baka sonta Saif, baka sonta kake kokarin ɗorata a hanya? Wannan ai kai ba zai ɗauka ba” Saif ya ɗan fusata, “Ai sai kayi tayi tunda baza yarda ba” “Ka yarda kana sonta Saif Tausayi silar so da baka sonta da bazaka iya zama da ita ba koda na minti ɗaya ne, and Saif abunda kake kokarin yi ba xai taɓa yiyu ba Kairat bazata taɓa sonka ba koda tana son ka bazata nuna maka ba, Saboda taraiyarsu da Minal ta zamo kamar yan'uwa, toh faɗa mi taya Kairat zata so abunda Minal take so?”1 Saif ya kalleshi, “Ce maka akayi tana sona?” “Tana sonka Saif kuma kaine ka ɗasa mata son a zuciyata, da bata sonka bazaka mata abu ta kyale ka ba, An faɗa min babu wadda ya isa yasa Minal tayi abunda bata tashi ba amman kai kana sata kuma ta daina, Kai da bakinka kake faɗa min minal tana shaye-shaye tana zuwa club tana mu'a mala da maza yadda kai hakan baya yi maka daɗi, kasan abunda yasa baka jindaɗi! saboda kana sonta, Kairat ta fita hankali da hali mai kyau hakan yasa taja hankalinka har ka fara sonta, Bari na faɗa maka wani abu da har yanzu ka kasa ganewa Saif, Minal ce kake so ba Kairat ba Kairat halinta kake so Minal kuma zatinta kake so da ace Minal zata canja hali, Halinta ya dawo kamar na Kairat, da bazaka sota ba, Toh kaga Minal ce ainihin mace da kake so”2 Shiru yayi, ya tattara girar kasa da sama yana nazarin maganganun Nasir. Ganin hakan yasa Nasir ya faka gefen ti-ti, ya kalleshi kana ya cigaba, “Saif Minal matar aure idan kayi mata kallon tsafta, Zaka iya maidata yadda kake so tunda kana rike da zuciyarta, Idan ka ɗorata a tubar sai ta Kairat natsuwa da cikar kamala, kuma zata rika ganinka da kima ta mutunta mahaifiyarta ma nasan zata jidaɗi zaka buga baban tarihi a rayuwarta, Yanzu isan kaso Kairat idan Kairat ta canja halinta tsanarta zakayi, amman Minal kaga yadda halinta yake kuma kana tare da ita a haka, Saif idan baka so Minal ba ka zalunce ta, dan kai ne ka nuna mata kulawar da har ta ɗasa mata sonka a zuciyarta, Minal abun tausayi ce Saif, Ta rabu da saurayinta akan bata da uba, yanzu kaima idan ka rabu da ita zatayi tunanin sabod haka ne, kuma zaka ɓata taraiyarsu da Kairat.” Ajiyar zuciya ya sauke ya lumshe manya idanunsa, ta lumtse labbansa. Nasir ya cigaba, “Idan ka auri Minal zaka fi samun kwanciyar hankali saboda bata da ishenshen wayo sosai kamar Kairat, amman kaga ita bom ne zaka haɗa tsakaninta da Huda babu wadda zai kyale wani kaga anyi ba ayi ba kenan” A hakali ya buɗe idonsa ya kalli tsadadden agogon hannunsa yace “Ja Mota muje kar muyi latti” *** *** *** Kukanta daya jiyo.ya haddasa masa faɗuwar gaba tun kamin ya karaso cikin falon, Da hanzari ya karaso kusa da ita ya zauna jikinsa na gogar nata, “Lafiya kike kuka waya mutu.?” Da jajayen ido ta kalleshi, “Ni kan da mutuwa ce.da ta fimin sauki sama da abunda naji kuma na gani” Bayanta ya shafa, alamar rarrashi “Toh faɗa min minene” “Saif mi kaga a jikin Minal da ni bana dashi har ya ɗauki hankalinka kake sonta ? a da na ɗauka zance mutane sai yanzu na tabbatar tunda har a jarida an faɗa wai ynzu kana daf da aurenta, saboda ta ɓata da saurayinta saboda kai Saif miye bana maka?” Bushewa yayi da dariya, hakan yasa ta kara fusata, daker ya iya saita kansa ya kalleta “Wallahi kina burgeni Huda kin iya kishi kamar a shirin fil ko kuma littafin marubuta, Toh miye na zama kina zubar da hawayenki a banza wai zanyi aure, nifa Mijin mace huɗu ne ni banga abun kuka a ciki ba duk kinbi kin haɗa wannan zufar” Tashi tayi tsaye tana masa kallon tsana, “Da gaske ne kennan.? aiko Saif da kayi min butulci” “Butulcin mi Huda na taɓa miki alkawarin bazan yi maki kishiya bane” Harara ta watsa masa ta shige ɗakinta. Shi kan ko ajikinsa dan baiga anfanin kukan ba, shi dai yasan bazai mata alkawarin kin aure na tunda yana niyar yinsa ko da ba yanzu ba. Ruri wayrsa tayi alamar kira, Number Minalya gani, sai da tayi ringing kamar zata katse sannan ya ɗauka, Zazzakar muryarta ta daki dodon kunnensa, “Assalamu Alaika” Sallamar da tayi tasa yaji kuzarin amsa mata, “Wa'alaikissalam” “Saif ina son magana da kai, oh sorry ya Gida?” “Gida lafiya kalau faɗi maganar ki” “A'a ba a waya zan yi ba ina son kazo gida yanzu” Shiru yayi, kamar ba zaiyi magana ba, jin haka yasa ta marairaice masa murya kamar mai shirin yin kuka, “Saif dan Allah wata magana zamuyi” “Ok gani zuwa”1 “Thank you sai kazo” Kashe wayar yayi ya tashi ya nufi gurin cin abinci, sai da yaci ya koshi sannan ya nufi ɗakin Huda. Zaune ya tararda ita manne da waya a kunneta, tana ganinsa tayi sauke sauke wayar tana kallonshi. Daga bakin kofa ya tsaya yana murmushi, “Kin daina kukan.?” Banzanta tayi masa, ta juyarda kanta, bai sake ce mata wani abunba ya juya ya nufi ɗakinsa. Wanka yayi ya shirya cikin kananan kaya masu kyau da ɗaukar hankali, sun karɓe shi sosai sun kama jikinsa, sai kanshin turare yake kamar kanfanin pure cure. cikin takun girma ya dauko kasa ya nufi harabar gidan. *** *** *** Ido ya sakar mata, hannayensa zube cikin aljihu yana kallon yadda ta nufoshi da gudu, kanta ba ɗankwali, gashin kanta yasha gyara ya sauko har gadon bayanta, tana sanye da doguwar riga baka har kasa sosai tayi kyau kamar wata matashiyar ba indiya, yadda take gudun ma abun sha'awa da gashin kanta sai kaɗawa yake iskar na ɗibarsa. Numfashinta kamar zai ɗauke ta karaso kusa dashi, ta mika masa jaridar dake hannunta, “Saif kaga abunda suka rubuta a jarida game da mu?” Ko motsi bai yi ba balle yayi mata magana,har lokacin kallonta yake da yadda ɗan karamin bakinta ke motsi, “Saif ya kamata kayi wani abu kasan halin yan jarida ko ɗazu sai da wani ya kira ni yana tambaya na wai da gaske ne!” Sai a lokacin ya haɗe yawun dake bakinsa, Ya gyara tsayuwarsa “Baki iya gaiauwa bane!” Da sauri ta gyara gashin kanta, ta ɗan natsu “Sorry Ina wuni.?” Bai amsa ba, sai kawai ya mika ɗayan hannunsa ya karɓi jaridar dake hannunta yana dubawa. Zuwa can ya ɗago kai ya kalleta, “Toh miye a ciki karya suka faɗa ne.?” Sororo tayi tana kallonsa jin irin tambayar da yayi mata, ta daɗi ita dashi suna kallon juna kamin ta iya saita muryarta, “Karya kan suka faɗa” Jaridar dake hannunsa ya aje saman mota ya kai hannunsa ya rika gefen fuskarta, a hankali ya furta “Ba karya suke ba Minal I LOVE YOU AND I ONLY WANT YOU TO LOVE ME!”1 Wani bugu zuciyarta tayi wadda bata taɓa jin irinsa ba a rayuwarta. Kallon kallo suka rikayi ita dashi. Idonshi sun karantar da ita gaskiyar abunda ya furta mata, sai da bata da tabbacin hakan tunawa da maganar da kanwarsa tazo tana faɗa mata jiya. Da sauri ta janye fuskarta, idonta taf da hawaye tace “Saif baza taɓa son mace irina ba, bana cikin tsarin matan da kake son ka aura, kanwarka ta faɗa min kana yaudarata ne kawai dan ka cin ma burinka, Saif tace min bana da tarbiya, Kuma ni karuwace sannan kuma yar zina!. Nasani baza so ni ba saboda bana da Uba kuma ga ciyon dake tare dani and i know i m not your type” Hawaye ne suka zubo mata, dai-dai lokacin data kai aya a maganarta Wani irin kalar tausayinta yaji ya kamashi. A gefe ɗaya kuma yana mamakin wace kanwar tasa ce tazo tayi masa wannan lalatar, A hankali ya matso kusa da ita ya kama hannayenta “Minal ai kinsan ban neman mata ko?” Kai ta ɗaga mashi, “Toh taya zanyi amfani dake na cinma burina miyasa baki yi wannan tunanin ba,? Minal rashin mahaifinki bai dame ni dan nima da Allah yaso da haka zai yi min, duk kuma mutu min da zai kyamace ki dan ciyon dake jikinki wawane, Minal weather you believe me or noti I LOVE and I really mean it ai kinsan babu Wanda ya isa ya sani abunda ban tashi ba ko?” Nan ma kai ta ďaga masa, “So just trust me I'm for what ever” Yawu dake bakinta ta haɗiye, tace “But...-” Da sauri ta ɗora yatsansa saman leɓenta, “Shiiii no but kawai ki bar zuciyarki taso wadda take so zan tsaya miki naci alwashin kasancewa dake har abada”1 D'agowa tayi ta kalli cikin kwayar idonsa, shi kuma ya sakar mata murmushi ya rumgumeta. A hankali Kairat dake tsaye bakin kofar Garden tana kallonsu ta share hawayen dake idonta, ta nufi wata bishiyar mangoro, ta jingina da ita, ta ɗaga kanta sama wasu hawaye masu zafi suka rika zuɓo mata.Ido a rufe ya isa Asokoro villa, dan yau so yake yaji wace munafurka qanwarsa ce tayi masa wannan wawancin, Sallama ma dan ta zamo masa dole ne kawai yayi ta. Kallo ɗaya Momi tayi masa ta gane yana cikin ɓacin rai, “Momi ina wuni.”+ Ya gaisheta ne yana kokarin zaunawa saman kujerar dake fuskantar ta ta, “Lafiya kalau Saifullah ya gidan?” “Lafiya kalau Momi ina su Safiya.?” “Suna ciki lafiya dai.?” Bai ɓoye ma Momi komai ba, akan Minal da kuma abunda tace Kanwar tasa tazo tace mata, Kai Mummy ta girgiza, “Amman basuyi tarbiya ba, ina ruwansu da ita Safiya Rukaiya Lubna” Momi ta kwala musu kira, ba ɓata lokaci suka fito suka zauna suna gaida Saif, Bai amsa ba sai kawai yace, “Cikin ku wacece taje gidan su Minal?” Kallon kallo suka rik'ayi da junanasu zuwa can Safiya tace, “Nidai ba ni bace” “Toh wacece.?” Ya tambaya a tsawa ce, nan kuma kowa yayi shiru, Momi ta kalleshi, “Ita bata faɗa maka ko wacece cikin su ba.?” “Ae ita ai bata sansu ba tace wadda ta faɗa mata dai fara ce kuma tace ita kanwata ce” “Wannan ba hujja bace tunda dukansu fararene” Faɗar Momi tana kallonsu, Saif ya fusata sosai “Wallahi ko wacece ta faɗi kanta kamin na gano ta dan wahala kawai zata sha” “Nice Yaya” Tana faɗa ta koma gefen momi, tana kallonsa “Toh uban waya aikeki” Ta ɗan ɓata fuska, “Amman Yaya ya za'ace wannan yarinyar kake so fisabillillahi yarnya nan fa bata da Uba kuma shaye shaye take kuma ance yar iska ce” Kamin yayi magana Momi ta rigashi, “amman Safiya baki da hankali toh ina ruwanki da ita ba shi ya ganta a haka yace yana so ba” “Amman Momi jifa harda yan jarida sai buga labarin suke ai ana son idan mutun zaiyi aure ya auro yar mutunci yarinyar nan fa yar iska ce kuma bata da uba” Momi ta fusata, “Idan yar iska ce sai me! da ake ɗauko karuwa fa a gidan karuwai a sata bara'ah a aureta balle wannan da take karkashin iyayenta, Kuma ke kika maganar bata da uba shin ita ta halinci kanta ne ko kuma iyayen nata sun shawarce ce ne da zasu aikata ni mutane auna bani mamaki sai a rinka cewa yarinya shegiya shin ita tayi kanta ne ke zaki aureta ne ko ke zaki zauna da ita ne?” Kuka ta shiga rerawa irin na marasa gaskiya, Saif dai baice komai ba dan Momi ta biyashi, daman yasan bada saninta taje gidan ba. jin tana kokarin maida kukan na gaske yasa shi katsa mata tsawa, “Wallahi zan dake ke duk ba ki bar nan gurin ba” Da gudu ta tashi ta nufi hanyar ɗakinsu, Rukaiya da Lubna suka rufa mata baya. Momi ta kalleshi cike da natsuwa tace “Kana ba wani matsala a wajen huda.?” “Matsalan me Momi nifa ba mijin mace ɗaya bane kuma daman ni ina da niyar karin aure dan kinsan matsalolin da muke fuskanta tsakanin mu” Ajiyar zuciya Momi ta sauke, “Toh Allah ya zaɓa mana abinda yafi zama alheri” “Amin momi haka nake son kice” ****** ****** ****** “Hello Dr.Khadija yau ana tuna damu” “Hmm ai kullun kuna cikin rai ya kike ya gidan” “Lafiya kalau ya aikin naku” “Aiki da godiya, wai wata magana naji agame da mai gidanki ko gaskiya ne.?” Dariya Huda tayi a ɗayan ɓangaren sannan tace, “A jarida kika gani ko” “Eh wai mijinki zai kara aure zai auri yar Dr.Salamatu Abubakar Yola” “Zainab kenan ke yanzu ko ance miki mijina zai kara aure zaki yarda, ai Saif mijin Huda da Huda da Huda ne ita kaɗai” “Wai ke yar yanzu baki daina wannan aikin kishin ba, Huda yaushe zaki san kin girma ya kamata ace izuwa yanzu kinsan ciyon kanki” Huda ta tashi zaune, tana buɗar hanta, “Zainab indai barin kishine ne.sanin kishin kai toh wallahi yanzu na fara indai akan Saif da uban kowa zan iya ɓatawa kuma wallahi wallahi matukar ina raye Saif bai isa ya kara aure ba nidai ce zama dani ko ba daɗi”1 “Huda kiji tsoron Allah taya zaki ce ki hana mijinki aure bayan kinsan yana da dalilin yinsa, Huda ke ba haihuwa kike ba ya kamata ace kin tausaya masa kin barshi ya kara aure ko dan haka, sannan bawan Allah nan kina zalumtarsa iya zalumta kina tare da abokinsa sannan ahi kansa bakya kyatata masa kuma yanzu kice zaki hana sa aure bakya tsoron hakkin Allah ne idan kika mutu me zaki faɗawa Allah” 1 Dariya tayi kamar wadda akayi ma albishi, “Allah sarki Qawata Zainab aikwai ki fa da nasiha a koda yaushe, amman bakya yinta a inda ya dace, yau ni kaɗai nake aikata zunubi ne ko ni kadaice nake zaman aure da zina kowa fa yana nasa saɓon amman sai a zo a samu mutun ɗaya a sha masa kai ina ruwanki ne mijina ne ko mijinki, ni bana son wani wa'azi ki aje abunki wata rana zai yi miki amfani amman ba yanzu” Bata tsaya jiran abunda Zainab ɗin zata ce ba ta kashe wayar tana jan tsaki, “Ke kin cika matsala wallahi sai mutun na cikin farinciki ki ɓata masa rai, ki barni naji da abunda zanji mana nace miki ina so wata nasiha ne sai kace wata yarinya mtsss stupid” Haka tayi da matsifarta tana jin haushin ɗaukar kiran da tayi, MINAL................... Sanye ta fito da gown ɗin atamfa tayi rolling ɗin kanta da jan ɗankwali, Fuskarta babu Kwaliya sai dai ta kawatata da murmushi na zumuɗin ganin abokin nata, “Deen...” Ta faɗa daidai lokacin data karaso kusa dashi. Ya ɗan daɗe kamin ya ɗago kai ya kalleta da fushi a fuskarshi, nan take murmushin dake fuskarta ya ɓace, “Sad face Deen mi nayi maka ko dan ban faɗa maka da wuri ba?” “So.da gaske aure zakiyi kenan?” Da kakkausar Murya ya tambaya, “Ae mana Deen aka wasa da maganar aure ne, baka yarda ba dana faɗa maka a phone” “You betray me Minal kin nuna min true color ki” Mamaki ne ya cika mata fuska, mamako na taya ta farin ciki sai yace ta ci amanarshi me yake nufi ne, “Ban fahimce abinda kake nufi ba Deen” Wani murmushi yayi, “Kin tsallake ni ki auri wani bayan kinsan duk zaman da mukayi ke nake jira” Ido ta kura masa kamar bata gane abunda yake faďa ba, “What you are staring at me common tell me I don't know nasan haka zaki ce” Kai ta girgiza tana haďiyar yawu “Deen ban fahimta ba” “Yes ai bazaki fahimta ba amman bari kiji na faďa maki wani abun da baki sani ba, nima sai naci taki ki rubuta ki aje” Yana kai wa nan ya juya, da sauri ta riko shi, “Ni bana fatar cin amanar kowa Deen ni ban ta6a maka kallon matsoyi ba dan haka ban karanta sona a idonka ba kai kuma baka faďa min ba” “Karya kike Minal karke kice bakinsan ina sonki ba babu wadda zai kalli zamantakewar mu da ke yace babu soyayyah a tsakanin mu kawai dai kin nuna duniya irin cin amanar da kika min ne kin bawa makiya na damar yi min dariya” Kai ta girgaza idonta taf ta hawaye tace “Wallahi ban sa kana sona ba Deen kallon aboki nake maka kuma ďan'uwa kada ka rubuta ni a matsayin mai cin amana ba zan iya cin amanarka ba Deen” Idonta ya kallah, “Zan yarda da hakan idan kika janye maganar auren ki da Saif kika aure ni” Sakin baki tayi, “Deen Saif ya riga yayi maganar aure na kuma na bashi da amincewa taya yanzu zan dawo nace na fasa Deen...-” “Ba sai kin karasa ba Minal kin nuna min ni wanene a gareki Thank you” Rigarsa ya ka6e ya juya a fusace ya shiga motarsa. ita dai tsaye kawai tayi yana kallonsa har ya fice.Saif tun ɗazu ne yazo i was so sad...”+ Hannu ya ɗaga mata, fuskarsa a haɗe “Minal kin dame ni da labarin Deen bana da alaka dashi so please ki daina min a maganar sa” ta ɗan gyara zamanta, ta fuskance shi “Am sorry but ni yanzu yana ganin naci amanarsa fa” Banza tayi mata kamar bai jita ba, zuwa can ya kalleta yace, “Minal kinsan abunda nake so dake” “A'a” “So nake kiyi min alkawari ba zaki sake kula wani namijin ba ba zaki sake saka tufafin da zasu fitar miki da tsiraici ba, ba zaki sake kula Deen ba da duk abinda ya shafe shi” “Saif Deen abokina ne fa” “Ni kuma mijinki ne just promise me Baby” Baza iya masa alkawin rabuwa da Deen ba ko kuma kin kula shi dan haka yasa ta tashi da nufin shiga cikin gidan, “Ok i wll thing about it” Da sauri ya riko ta yana dariya, daman yasan abune mai wahala tayi ta rabu da Deen yanzu, “Common Minal karkice min kinfi son Deen da ni” Dawowa tayi ta zauna, “Saif kana da muhimmanci a gareni kana babban gurbi a zuciya matsayinka daban matsayin Deen daban bana son kana haďa matsayin sa da naka, Saif yanzu Deen yana kallo na a matsayin mace da taci amanar ya kamata na goge wannan shatin da idonsa sukayi mani” “Fine” Kawai yace ya tashi, ya nufi kofar da zata fitarshi daga Garden ďin, Da hanzari ta cigabansa, “Haba Saif daga magana sai kayi fushi” “Dole nayi fushi Minal nifa wadda zaki aura taya kike ganin zan iya jure kina magana da wani me kike son mutane suce ta kike son a kalleni.?” Shiru tayi yana nazari, wani gurin yana da gaskiya sai dai ita kan bata iya rabuwa da Deen yanxu, “Ok i wll i promise amman Saif Deen ba yanzu ba i want to talk ko him” Kafaďunta ya dafa, “Fine amman ba just at onces” Kai ta ďaga masa, azuciyarta kuma ba daďi. Hannunta yaja ta rakashi har gurin Motarsa. ****** ****** ***** “Ku ajesu a nan” Yace da yaran da suke ďauke da akwatuna, yana nuna musu gurin da zasu aza, Sai da suka gama jearasu tsaf sannan suka fice. Shi kuma ya xauna saman kujera yana kwalama uwar gidan kira Da Sauri ta sauko downstairs, ďaure da tawul, jikinta kuma da sanyin ruwa, da alama wanka ta fito. Murmushi yayi mata, “Oh wanka kika fito ne” “Ae dear waďannan kayan fa.?” Ya kishingiďa da kujeara yana sauke ajiyar zuciya, “Gasu nan dai duba ki gani” Ba musu ta shiga buďe akwatu nan zuciyarta cike da fargaba, Kayane na gani na faďa masu kyau da tsaďa babu abunda babu cikin tun daga kan kayan kwaliya zuwa na shafe shafe su tufafi ba a maganarsu, Bayan ta gama dubawa ta ďago da raunanin, idanu ta kalleshi, “Na gani Saif kayan waye.?” “Naki ne ko baki so.?” “Nawa fa kace?” “Ae Momi tace na siya na kawo miki abunda babu sai ki faďa min kuma duk abinda kike so ki faďa min” “Momi fa kace Saif ka fito kayi min magana ban gane inda ka dosa ba” Ya ďan daďe kamin yayi mata magana dan yasan maganar ba zata mata daďi ba, ita kuma ta sakar masa ido tana mai kallon jiran amsa, “Kayan faďan kishiya ne nan da sati biyu zanyi aure insha Allah” Bushewa tayi da dariya, duk falon ya cika da amonta, ta nuna shi da tsaya “Haba dai Saif bana son irin wannan wasan fa ni kasan babu abunda na tsana irin ayi min wasa lokacin da nake gaske” Kallon, kur yayi mata, “Ba wasa bame sweetheart wallahi da gaske nake” Tashi tayi tsayi, fuskarta babu annuri, “Au ashe da gaske da ake faďar kara aure zakayi ina karya tawa yau har ya rage sauran sati biyu a ďaura maka auren, kai ko kunya baka ji ka buďe baki ka faďa min har ka ďebo wannan hegun kayan ka kawo min nayi me dasu tsirara ka ganni ne amman ban ta6a sanin kai azzalumi bane sai yau Saif” Kalamanta sun fusata shi dan shi ba irin mazan nan bane masu tsaya mata na faďa musu magana son ransu ba, “Ke kimshin haukarki ya tsaya kanki karki kuskura faďowa kaina wallahi zaki raina kanki duk abunda zakiyi sai dai kiyi amman bazan fasa aure nan ba tunda iayayena basu hanani ba babu wadda ya isa ya hanani” Bai jira cewarta ba ya nufi hanyar ďakinsa. Ita kuma ta shiga ďiban kayan tana zubarwa tana kuka, “azzalumi wallahi ba za'ayi wannan auren ba mugu ni zaka ďasawa bakin ciki wallahi sai ka raina kanka” daga nan ta zuba da gudu ďakinta, tana ihu kamar mahaukaciya.Kasan carpet ta faďi tana murje murje da kiran ta shiga uku, ta daďi a haka can wani tunani yazo mata da sauri ta nufi gurin wayarta. Numbar Momi ta kira, Bugu biyu aka ɗauka. jikina na rawa tace+ “Hello Momi ina wuni” “Ba momi bace Safiya ce momi tana part ďin Dad lafiya naji muyarki haka.?” “Ba lafiya ba Safiyya wai kina da labarin Saif aure zaiyi.?” “Allah sarki kardai kice min sai yanzu kika sani bayan saura sati ďaya a ďaura musu aure” “Naji amman ban tabbatar ba sai yanzu dan ni a tunani na bada gaske bane sai yanzu da ya kawo min kayan faďar lefe wai saura sati biyu a ďaura masa aure” “Toh ya rage miki ne saboda kiga kishiya ba zata wallahi anty da ba Yayana bane da nace azzalumin ace duk zaman da kukayi ya rasa da me zai saka miki sai kishiya, kishiya kuma irin wannan yar shaye shaye karuwa kuma shegiya hmmm namiji kenan” Fashewa Huda tayi da kuka, “Wallahi Safiya da ace a mafarki ne aka ce min Saif zaiyi aure bazan yarda ba amman yanzu wai har shi da kansa yake faďa min” “Kuma kinsan wani abun haushi su Momi da Dad suka goya masa baya sam ni hakan bai min daďi ba dan ni tun lokacin da aka ce yarinyar nan tayi unkurin hallaka kanta naji na tsaneta, shiyasa naje har gidansu nayi mata wankin babban bargo data faďa masa yazo gida dukanane kawai baiyi ba amman sai kinga yadda yake tada jijiyar wuya akanta ita kuma Momi ta goya masa baya” Cikin muryar kuka Huda tace, “Wallahi Safiya ban yi zaton Momi zata goya masa baya ba ya aureta mace haka” “Hmm ai duk goya masa baya sukayi nice kawai nayi masa magana ina nuna masa illolinta sai yace min wai shima tausayinta yake gani kuma idan bai aureta ba hankalinsa bazai kwanta ba wai yaci amanar ta jifa ke har Nasir goya masa baya yayi gurin aurenta wannan yarinyar ta tsafe kowa nice kawai bata samu sa'ah kuma nafi karfinta” Kasa magana Huda tayi sai kuka take, tana murje murje kasan karfin, hankalinta ne ya kara tashin jin ance kowa ya goya masa bayan yayi wannan auren, “Oh ji min Anty Huda wai kuka kike ne! Allah sarki ni ina ganin laifin mata masu kuka akan kishiya name a a wallahi bazan wahalar da rayuwa taba” Daker ta iya furta, “Safiya hankalin Saif ya riga ya gama tafiya gurin yarinyar nan kwata kwata yanzu baya kulani gashi sai zagin iyayena yake yana cimin mutunci shiyasa ma na kira na faďawa Momi ina cikin matsala Safiyyah” “Ke ďan Allah ki daina zubarda hawayenki akan wata yar iska, ai akan wannan yarinyar komai sai iya yi miki dan ta riga tayi masa magani amman kinsan wani abun ba ai idan tasan wata bata san wata ba indai magani ne tayi ni kuma zanyi mata makirci wadda yafi magani” Tashi Huda tayi zaune, tasa hannu tana share hawayenta “Me kike nufi Safiyyah zaki taimake ni ne?” “Ae taimako kan zanyi miki zan yima kaina da duk family mu dan wannan da kika gani da kowa zata iya raba shi kuma tunda nace bana sonta bana sonta sai na hana auren ta da Yaya” Wani sanyi sanyi Huda ta fara ji, cikin zuciyarta wadda bai gama hawa saman fuskarta taba, “Mi zakiyi Safiyyah.? wallahi da kin taimaka min daman nasan duk cikin family ku babu mai sona irinki” “Yanzu ne zan nuna miki so Huda sai na hana ta zama gidan Yaya kota halin yaya keda yaya kuma mutu kan raba, ai daman ance mai laya kiyayi mai zamani kuma BABBAN GORO SAI MAGOGIN KARFE,in dai ita takamarta magani ni kuma zan nuna mata zamani da boko da kuma kalar barinki da bata sanshi ba” Wannan karon Dariya Huda tayi, “Amman wallahi da kin faranta min rai kin cire min damuwata” “Hmmm kawai kisa ido kiyi kallo, ke dai daga yanzu ki daina nuna masa kishi da haukar nan ta mata ki bishi kar kuma ki sake kiran Momi da sunan yi mata sheidair wani wani sau da kafa sauran bayani sai gobe idan nazo.” Tana kaiwa nan ta katse kiran, da sauri Huda ta kalli wayar tana buďar baki da fuskar mamaki, “Ikon Allah daman ance duniya mai faďi abunda ka sani shi ka sani wadda baka sani ba baka sanshi ba ashe Safiyya mace ce” Abunda ta faďa kenan tana kokarin tashi tsaye,da nufin komawa saman gado ta zauna. ****** ****** **** MINAL................. Safa da marwa kawai take cikin falon, tana busar da iskar baki. Tun kairat na kallonta har ta gaji tayi mata magana, “Wai lafiyarki Sis kike wannan yawon haka.?” Da sauri tazo kusa da ita ta zauna, fuskarta cike da tsananin damuwa tace “Sis Deen ne nayi da kiran wayrsa bai ďauka ba daga karshe ma sai kashewa yayi har yanzu fushi yake dani ya kasa fahimta ta” Wani dogon tsaki Kairat taja, “Deen! Deen!! Deen!!! haba Minal miyasa ba zaki aje shi a inda ya aje ki ba har yashe zaki fita harkar sa ne aure fa zakiyi kuma ke da kanki kike faďa min Saif yace kiyi masa alkawarin ba zaki kara kula sa ba yanxu Deen ďin nan ya fita harkar ki ai kodan haka yaci ace kema kin kyale shi” Tashi tayi tsaye a fusace, ta nufi hanyar Upstairs tana faďin, “Ai daman nasan ke ba fahimta zakiyi ba, shekarar mu nawa tare yanzu yana fushi dani ace bazan bashi hakuri ba, ko an faďa miki abota karya ce shashasha kawai” Da ido kawai Kairat ta bita tana kaďa kai, “She kenan kije yi ta yin abunda kike ganin yafi miki wadda bai ji bari ba yaji hoho” ********************** “Amincin Allah ya tabbata a gareka ya kai wannan natsattsen matashi” A hankali ya ďago kai ya kalleta. a nan ta cire katon bakin gilashin dake makalle idonta cikin tattausan lafazi tace, “Sarki ya tabbata ga Ubangijin wannan halittar, Hakika kana da kyau, da kwagiji kana da cikar kamala da sanya zuciyar yan mata faďuwa, babu wata mace zaka ce kana sonta ta kika sai idan tana da wata manufar ne da daban, Mutum ne kai mai rikon amana wadda har hakan yasa Minal ta aminta da kai kai kuma ka bata kanka ka zamo mata raqumi tana jan akalar daga karshe tace amanar ka, wadda ko kwankwanto babau nasan zaman da kayi a wannan gurin ita kake tunani” Kallon natsuwa yayi mata, shidai bai ta6a ganinta ba sai dai fuskarta tayi masa kamada fuskar wadda da yasani, “Wacece ke.?” Ya tambaya yana mata wani kallo, idonsa a jawur kamar wadda yayi shaye-shaye, murmushi ta sakar mashi sannan tace, “Sunana SAFIYYAH BASHIR BATURE kanwa gurin SAIF BASHIR BATURE zan iya zama.?” _Safiyyah Bashir Bature_ cikin zuciyarsa ya maimaita sunanan yana kallon mutanen dake zaune gurin shakatarwa kamar mai neman wani.

0/Post a Comment/Comments

Recent Posts

73745675015091643