Yar tallah8 - HAUSA NOVELS
Skip to content Skip to sidebar Skip to footer

Top Widget Posting

Yar tallah8

Yar tallah8

- - Post a Comment

*YAR TALLA*


           CHAPTER8

Tace ai saita
Rama ya rike hannuwanta duka da ta yunkuro zata dokeshi sai ya tura hannun ta daki kanta, ya yi tayi mata dariya.
Sun shagala sosai kuma kana ganin su kasan suna cikin nishadi basu ankara ba sai dai suka jiyo muryar Laure na fadin
“Sannunku ‘yan iska watsatstsu, taBararce ta motsa kenan shi yasa aka shiga daka k0jin kira ba ayi dakyau aikana qoqari gwara kayi amanka ka lashe abinka, kaga tuwanka manka kenan. Kuyi iskancinku san ranku babu mai hana ku, ai dama barewa ba tayi gudu danta yayi rarrafe ba gado kukai ai dama abun, kun tsotsa,ne kuyi sha’aninku kunji.” Ta  saki labulan ta juya tayi gaba.  Rabi’u ya girgiza kai yana jin tamkar zuciyarsa
Zata fashe saboda bakin ciki, idan akwai abin dake
daga masa hankali  duniya ya dungunzuma masa lissafi to bai wuce a tuna masa abin da ya faru a  baya ba, wanda ke daga masa hankali ya dagula masa lissaii duk wata annashuwa ta shi  take take Bacewa Ya jingina da bango yana kallon Saude ya jirkita ta kwanta jikinta a sanyaye. ‘ Washe gari tunda safe Rabi’u ya yi jidar ruwansa gamida  duk wasu aikace-aikace da ya san zai yi qarfe takwas daidai na safe ya sa kai ya fice abinsa ba tare da ya fadawa kowa inda za shi ba.
Saude ta dauki taller wainarta ta tafi safiyar yau jikinta jinshi take babu dadi ko kadan da kyar ta samu ta iya saida wainar a hanya ma amai sau biyu tanayi harta samu ta iso gida da kyar, ta mikawa Inna Laure kudin tana neman faduwa, saboda juwar da ke
barazanar kayar da ita. Inna Laure ta zuba mata idanuwa cike da jin haushi kafin ta ce.
“Wannan lambon kuma na mene ne kike faman yi? Duk na kar ki dauki taller alalance k0 me?”
Saude ta girgiza mata kai alamar a’a tana nishi. Inna Laure ta ja tsaki tana fadin “To sai ki wuce ki dauka ga alalan can ta Murtala shida ce da goma
Saude ta langwaBe kai cike da jin jiki ta ce, “Ki yi hakuri don Allah Inna wallahi ban da lafiya bazan iya ba.”
Inna Laure ta waro ido waje tana fadin, “Uban me ki ka ce? Ni ki ke fadawa ba ki da lafiya Saude? To Allah yasa mutuwa kike kina dawowa wallahi sai kin dauki tallar nan, ‘yar iska na lure kwanan nan wani tashen balagar tsuntsaye ce ke cinki, kuma wallahi zan tatsiye miki ita tas za ki tafi ki dauka ki bani wuri k0 kuwa?”
Saude ta wuce tamkar wadda ta yi ciwon shekara goma ta dauka ta fice, tana tafiya tana hutawa k0 ta sule ba ta kai ga siyarwa ba ta zauna saman dakalin qofar wani gida tana faman kakarin amai numfashinta na fita sama-sma tun tana sanin inda take
Har ya kai ta fita hayyacinta ta fadi can gefe sume.
Wani mutum da ke tahowa ta Iayin cikin shirin masallaci kasancewar yau Juma’a ce ya yo kanta a gigice ya jijjiga ta amma bata k0 motsi, kafin ka ceme mutane sun taru a kanta ana ta tambayar wanda ya san ta, amma babu saboda kullum dai ana ganinta
tana wucewa babu wanda zai ce ga daga unguwar da take tahowa, tun kafin a tafi masallaci har aka dawo sallar Juma’a, amma ba a samu wanda ya san unguwar su Saude ba.
Yamma liqis Rabi’u ya dawo daga wurin aikinsa ya yi dumu-dumu da yashi da suminti kana ganinsa kaga mai aikin Kasa, ya yi sallama ya shiga gidan. Laure da ke zaune a bakin rijiya ta dago tana kallonsa ya giftata zai wuce ta zabura ta mike ta cimimiyo rigarsa tana fadin
"Daga gidan uban wa kake dan iska tun safe ina gararin neman ka rumfa-rumfa ban gan ka ba daga ina kake?”
“Daga wurin aiki.” Ya ba ta amsa kai tsaye
Laure ta maimaita, ‘Aiki. Aiki fa ka ce? Eh lallai Wuyanka ya yi kwari wato harka san ka kakkare
Ka tafi wurin aiki, tabbas lallai wata rana sai ka
Shaqeni shi kenan jeka jeka kawai." Ta fada tana . murmushi
Rabi’u ya wuce dakin su kai tsaye ya cire rigar ya kwanta saboda gajiyardaya kwaso ga shi abinda ba ka sababa. A take bacci barawo ya sace shi,  kiran salla ne ya farkar  dashi
Ya tashi a gigice saboda rashin ganin Saude ya fita tsakar gidan amma batanan abinda batataBa  yanufi kofar dakin laure ya duka daga bakin qofar muryarshi da alamun rudani yace, “Inna ko $aude tadawo?”
Laure ta watsa masa wani kallo kafin tace,“Ban saniba indata dawo da baka gantaba Ko kudice dazan Goyata?”
Gaban Rabi’u ya yi mummunar faduwa hankalinsa yayi masifar tashi.To inatake?
“Shin ba zaka tafi kanemota baneba zakatsaya kallon jama’a ne?” Muryar mahaifinsu ta katse masa dogon tunanin dayake ciki
Ya yunkura ya mike jikinsa asanyaye yafice.'shin ta inama zai fara neman  nata ne? Wayyo Allah Ya Ubangiji kada kajarabeni da abinda bazan iya daukaba Ya Allah kasa duk inda Saude take tana hannu nagari.
Abinda yake fada kenan azuciyarsa,yayanka yayi hanyar arewa
Tasha dukda yanada yaqinin zuwa yanxu an rufe tashar amman babu yaddah zaiyi yanashan kwanar layin nasu ya
Ci karo da  jama’a wani na rungume da Saude wai za,a kaita gidan mai unguwa.
Hankalin Rabi'u ya yi masifar tashi ya tsare su yana fadin qanwarsa ce su kai masa ‘yan tambayoyin da za su yi masa sannan suka ba shi ita ya nufo gida hankali tashe tun a hanya yake ta faman rusar kuka don shi duk a tunaninsa mutuwa tayl.
, Yana shiga gidan ke Laure ta zaburo masa wai ina kayan tallarta, ita ta sana’arta take ma. Wani_abu ya zowa Rabi’u iya wuya yanda ko kadan mahaifinsu bai damu da halin da Sauden ke ciki ba. Ya shimfideta a tsakar gida jikinsa na rawa ya nufi rijiya ya janyo ruwa ya shiga Sheqa mata, cikin ikon Allah ta farfado  har tana magana, amma ko motsin kirki bata yi, saidai sambatun datake tayi iri irin kamar wadda ta tabu
Rabi’u yana kuka ya nufi dakin mahaifin nasu ya durqusa gabansa yana fadin, “Don Allah Baba ka bani kudi in kai ta asibiti, ta farfado amma bata motsi kada ta mutu.’
Malam Bala ya ce ‘Rabi’u tota mutu mana, ai ranta ba a hannuna yake ba, ban da ikon sanyawa ta rayu haka kuma banda ikon hanata kazo sai wani rawar jiki kake akan ciwon da bai taka kara ya karyaba
Don nasan baxai wuce bugun iskaba da masassara
Kaje ka kira Malam Maidala  yaxo yayi mata rukiya ga naira hamsin ka siyo panado ka bata ta sha.‘ Ya wurga masa kudin.
“Tashi ka tafi.”
Rabi’u ya mike yana jujjuya kudin a hannunsa wani sabon kuka ya Kara kwace masa ya sa kai ya fita, kamar yanda ya ce haka ya je ya kira Malamin yazo ya dubeta shida kan'shi yace ba iskabane zafin zazzabi ne, don haka a kai ta asibiti. Ya dawo ya sanar da mahaifin nasu, a lokaicn har ya kwanta. _
Don haka a fusace ya tashi yana fadar, Wai menene zaka dame ni da zarya shin wai nina dora mata ciwon ne eyee?”
Rabi’ u yace, “Kayi hakuri Baba, Malam ne ya ce ciwonta na asibiti ne zazzaBi ne mai zafi.”
Yace ‘To shine har saika tadani ina baccina, tunda yafada maka zazzabine kaje katsinko ganyen dalbejiya kai mata surace mana, haba ban san matsawa wallahi.”
Rabi’u ya mike jiki a sanyaye hawaye na faman zarya a kuncinsa, tsanar mahaifin nasu ta qara mamaye masa zuciya gaba daya. A lokacin karfe sha daya na dare ne haka ya shiga dakin ya dauki Saude a kafada ya tafi chemist da ita.
A lokacin Bala mai allura‘ na' qoqarin rufe , chemist din nasa Rabi’u ya dube shi, ‘Don Allah
Malam Bala marar lafiya na kawo na ga kana kokarin tashi.’
Mal. Bala ya waigo yana kallonsa kafin ya ce, “Ashsha Waye ba shi da lafiyar?”
Ya ce ‘Wallahi Saude ce tun dazu zazzabi ya
kamata hadda su suma, yanzu haka k0 motsi bata ”yi
Bala mai chemist yace, “Ashsha! Ai kasan ni ban san sunansu na gaskiya ba, ‘Yar Baba k0 “Yar Tallar wacce cikinsu?”
Rabi’u ya' dan ja fasali kafin ya ce ‘Yar tallar dai’
Bala mai allura ya ce ‘Ikon Allah, saukota na ganta.’ Rabi’u ya sauko ta yana nuna masa har a lokacin sambatun ta kawai take.
Bala mai chemist ya ce “Ai wannan zafin zazzabine wallahi maleria ne wato zazzaBin cizon sauro, gaskiya Rabi’u ku gaggauta kai ta asibiti don Wannan ciwon bana zama bane hadari ne babba dole ana buKatar likitoci. kamar biyu zuwa uku a kanta.’.
Hankalin Rabi’u ya Kara masifar tashi ga shi bai ajiye ba, bai ba wani ajiya ba, nairarsa dari biyar ta aikin yau, ita kadai yasan ya mallaka sai hamsin dinda Baba ya ba shi. Ya dubi Bala mai allura yana fadar.
“Don Allah Malam idan da akwai taimakon da zakamin ka taimaka min ai mata kafin zuwa safe na
ga abin da Allah zai yi, amma wallahi yanzu ban da halin tafiya asibiti ”
Bala mai allura ya ce‘Ai babu wani taimakon da zan iyayi yanzu anan nafada maka hatsarine a wurina na duba ta cikin wannan yanayi da take ciki.’
Rabi’u ya kifa kansa a kan Saude yasa wani irin kuka mai ban tausayi, ya zai yi da rayuwarsa tunda baidashi baidawada zai taimakamasa yana kallo rayuwar ‘yar uwarsa za ta salwanta, saboda kawai ba shi da shi... Kuka yake sosai.
Sosai kamar ransa zai fita

HMM kunajin dadin book din kuwa???
To idan har kunaji mu tara gobe daidai wannan lokacin donjin cigabansa
DAGA
*ABDULLAHI ISMAIL SALANKE*

Post a Comment for "Yar tallah8"

Please chat with our team Admin will respond in a few minutes
Hello, is there anything we can help you with?
Type message...